النوخذة الحساس
14-04-2022 - 04:27 am
السلام عليكم اخواني الاعزاء
كيف حالكم ؟
بداية اشكركم على هالمنتدى الرائع والمفيد
وبإختصار انا اريد مساعدتكم لي لاني قررت السفر الى دبي مع زوجتي وبناتي لمدة 5 ايام فقط
الاسبوع الجاي من 5 الى 9 اغسطس
بناتي اعمارهم 8 و 5 و 4 وهذه اول سفرة اليهم وحاب اخليها مميزة يعني ودي اوديهم يستانسون ويغيرون جو
الرحلة بتكون مخصصة تقريبا كلها للبنات
بداية ودي تنصحوني في اي فندق نسكن ؟ يعني ودنا يكون نظيف وسعره زين
انا في بالي الحين فندق جولدن ساندز 3 حصلت سعره في النت وايد زين
بس صراحة ما ادري وين موقعه بالضبط وهل بيكون بعيد عن الاماكن الي المفروض نروحها؟
وهل يناسب عوائل او لا ؟
ويا ريت الي يعرف فنادق غير يدلينا وياريت يكون مع وجبة الفطور
بناتي اهم شي عندهم يروحون لمدهش وانا فكرت بعد ما شفت منتداكم اوديهم الى الكثير من الاماكن
صراحة دبي فيها وايد اشياء حلوة للاطفال
بس انا صراحة خايف يكون ترتيبي للرحلة خطأ خاصة انها فترة قصيرة جدا لارتباطات زوجتي بالدراسة
يا ريت تعطوني جدول للرحلة مناسب ويشمل على اكثر الاماكن الي اقدر اروحها معاهم
واذا احد عنده اي نصيحة لا تبخلون علينا مثل ما قلت سابقا هذه اول مرة اسافر معاهم
بانتظار ردودكمبأسرع وقت ممكن
ارجوكم لا تبخلون علينا بخبرتكم
مع الشكر
بالنسبة للجولدن ساندز 3 ما اعرف عنه بصراحة، و بنفس الوقت ما اعتقد إنه من الأماكن المميزة. أقترح عليكم الشقق الفندقية بما انكم عائلة لأنها أوفر، و أنصحكم ب Oasis Beach Tower Apartments فموقعها حلو، و مستواها راقي.
أما الأماكن و البرامج، فالتقارير أفضل مكان للبحث فيها.