الاخوة الكرام مبارك عليكم الشهر الفضيل وكل عام وانتم بخير
احنا اربع شباب متزوجين يعني شياب نبي نسافر الى النمسا ولأول مرة
نبي فزعتكم بذكر امور بسيطة اما الاسعار وقراءة التقارير هذا شيئ اساسي ولكن احتاج الى نقاط معينة على اساسها نبتدي رحلتنا وراح اعطيكم المدخلات وعليكم المخرجات ..
1- اربع شباب
2- السفر من تاريخ الاربعاء 6 اكتوبر الى الجمعه 15 اكتوبر مدة البرنامج 7 ايام لو كنسلنا الروحة والرجعة
3- من الرياض الى النمسا وثم العودة للرياض
4- مانبي نروح لأي مكان خارج النمسا
5- نبي نتمشى في اماكن حلوة مقاهي - مولات - بحيرات - مناظر طبيعية - وانتم بكرامه حديقة حيوانات - ملاهي للكبار - اماكن حلوة وابعدونا عن الاماكن الاثرية والتاريخية اللي تجيب الهم
6- نبي 3 مدن بالكثير مثل زيلامسي - سالزبورغ .. على فكرة ماهو شرط ولكن هذي اللي اشوفها مشهورة
7- تنقلنا يكون بالباصات والقطارات عشان بأشتري كروت المواصلات من المطار
8- انا معتاد آخذ التور من مكتب السياحة اللي داخل الفندق اللي بأسكن فيه ونطلع رحلة جماعية معاهم
9- شنطنا خفيفة فما ادري وش الاشياء المهمة اللي لازم ناخذها معانا
10- لغتنا الانجليزية تمام ندبر حالنا
11- مانبي نصرف كثير لان وعدنا زوجاتنا نعوضهم بسفرة ثانيه،يعني الفنادق حلوة ونظيفه ومكان رايق مو شرط الفخامه
الاسئلة والمطلوب الحين:
1- ابي تذكرون اهم الاماكن اللي تنصحون فيها خلال مدة اسبوع فقط
2- تذكرون اهم المدن اللي نسكن فيها مع ذكر فندق واحد او فندقين ، عشان ابحث عنهم
3- لو فيه مخطط رحلة بسيطة اكون لكم من الشاكرين او انا اجلس افرفر بتقارير الاخوان بالمنتدى وادبرها لكن لازم نصايحكم
4- وش المدينة اللي لازم اوصل لها عشان احجز من بدري رغم اني افضل فينا
5- كم بتكون درجة الحرارة في الوقت اللي بنسافر فيه؟ يعني برد قارص يبهذلنا ولا جو حلو مقبول؟
6- لو انتهتم ماقلتلكم اذكرولي اسعار لان بابحث بعد ماتعلموني بهالمعلومات المطلوبه
بادعي لكل احد يساعدني على سفرة الافطار والله يستجيب
آسف عالاطاله .. شكرا