من الأماكن:
تمثال الحرية Statue of Liberty
تشينا تاون China Town
أمباير ستيت Ampire State
سنترال بارك Central Park
وغيره

لاتنسى تزور الحدث الذي غير العالم كله موقع مبنى مركز التجارة العالمي
وايضا مولات نيورك لا تنسى تزورها
ترى صعبه تحصل مولات في كل امريكا مثل المولات الموجودة في نيورك

شكرا saudturki2000 و ما في احد مرتاح عى الردود , بالنسبة حق المجعات , ممكن اسماء المجمعات اذا امكن ,
الديرة شكلها حلوة, و هم في هاذي الشركة الي تاخذ فيك فرة في منهاتن و سعرها كلش معقول , شكلي بادوم عندهم
تحياتي,
محمد

اختي بس ودي اعرف وين الواحد يسكن في هذا المدينة الكبيرة واحنا عائلة انا ابغي اروح حق السوق ؟؟

افضل طريقه للسياحه في نيويورك الباص السياحي ياخذكم لكل المناطق السياحيه جوله يوم كامل ولا اروع وتشوفون فيها الاسواق والمعالم السياحيه وهي موجوده في التايم سكوير عند محطه الباصات تشوفون ناس لابسين بدلات حمراء اخذوا التذاكر وطلعو الباص واي مكان تنزلون منه تقدرون تاخذون اي باص ثاني في نفس المحطه ونفس التذكره

نيويورك مافيها مجمعات كبيره المحلات منتشره في كل شارع تقريبا اشهرها الفيفث افينيو
واذا فيه مجمعات ياليت اسماء يمكن مانتبهت

اخوي over joy عاد أرخص شي فى نيويورك التكاسي خصوصا اذا انت ساكن فى منهاتن ... اذا بتعلمنا فى أي فندق جالس بنقولك ايش اقربلك من الأسواق ...

السلام عليكم
انا صار لي اسبوع من رجعة من نيويورك احسن شي الباص السياحي هذا مره حلو اباص الي انا استخدمته لونه احمر ويعطيك كروت دخول لمتحفين وركوب البوت لتمثال الحريه
وعندك subway هذا مره رائع بس لازم انك تعرف الخريطه بدال التكسي ورخيص رخص التراب تاخذ لك كرت تستخدمه طول اليوم وينتهي الساعه 3 الفجر ب 7$ وتلاقي المحطه بكل مكان
وفيه متحف مراه حلو اسمه body museum هذا متحف لجسم الانسان بس مره حلو
وزرت متحف في Times square اسمه Believe it or not هذا حلو هو جنب متحف Madame Tussauds هذا حلو.....وفيه محل كبير بليه ل m&m هذا كان ممتع لي ... مع الاماكن الي قالوها الاعضاء
بالتوفيق