هلا اخووي ...
بوكيت من وجهة نظري تستاهل 18 يووم ... لأنه فيها رحلاات خياالية و مستحيل تمل فيها دامك مرتب أمورك وحاط في بالك الرحلات اللي تبي ترووحها ... نحنا هالصيف قعدنا فيها 20 يوم وما شبعنا منها ...
واقعد في شنغماي 6 أيام ... وبانكوك 5 أيام للتسوق وزيارة دريم وولد وسفاري ..
يعني ...
بوكيت = 18 يوم
شنغماي = 6 أيام
بانكوك = 5 أيام
ولو حاب إنك تزور بتايا ... ( ولو إني ما أنصح ) ... ممكن تقعد أسبوع بتايا و 12 أيام بوكيت و 5 أيام شنغماي والباقي في بانكوك ....
يعني ...
بتايا = 7 أيام
بوكيت = 12 يوم
شنغماي = 5 أيام
بانكوك = 5 أيام ...
أتمنالك إجاازة ممتعة .. ونصيحة .. اقعد في بويكت أطول فترة ممكنة ... لأنها خبال ...
تحيااتي ... ..

p!nk zone
مخطط حلو ومشكور يا بنك زون....انزين عندي سؤال ماني فاهم...انت ثاني شخص تقولي انك ما تنصح ببتايا ومادري شالسبب؟؟ ليش شفيها بتايا؟

هلا اخووي ...
يعني بصراحة ... بتايا مدينة شبابية بدرجة كبيرة ... يعني بصرااحة بتايا كل اللي فيها بارات ومراقص ليلية و منكر والعياذ بالله ... يعني الصرااحة المناظر اللي تشووفها والعياذ بالله مبالغ فيها ... ما تستاهل الزيارة .. ومن رايي بوكيت تسواها مليون مرة ... بوكيت فيها بحر وشواطئ حلووة ونظيفة ورحلاات خيالية ... طبعا ما أنكر وجود مناظر سيئة ... وهذا شي طبيعي ... بس هالأمور لها أماكنها الخاصة في بوكيت ... مب مثل بتابا ... يعني هالسوالف الماصخة محصورة في شارع واحد في بوكيت .. ولكن في بتابا حدث ولا حرج .... بتايا ما فيها أي متعة ... كل اللي فيها بحر ومولين مب لين هناك .... ها رايي وراي معظم الأعضاء ...
تحياتي وأي استفسار أنا جاهزة ....

p!nk zone
فهمت عليج اختي اشكرج حيل على التوضيح...
اختي انا اسف اذا ازعجج بالاسئلة بس لقيت اللي يساعدني بالجواب ويا رب يعطيج الاجر...حبيت اعرف في فنادق معينة تكون اهي فندق ومجمع تجاري؟ على سبيل المثال في ماليزيا كوالالمبور في فندق برجايا تايم سكوير اهو فندق واهو مجمع فيه...هل في تايلند جذي؟

dektooor
يا ريت يا شباب مساعدتكم لان والله احترت
جزاكم الله الف خير
انا فكرت 7 ايام لكل منطقة:
7 ايام شانغماي
7 ايام بانكوك
7 ايام بتايا
7 ايام بوكيت
واليوم الاخير يوم الطيارة
برايكم كل منطقة فيهم تستاهل 7 ايام ولا في مناطق ثانية غير هالمناطق ممكن الواحد يزورها...افيدونا جزاكم الله خيرا
السلام عليكم يا دكتور اول شي رحلة موفقة ان شاء الله ابي اعرف شنو الرحلة عائلية وله شبابيه عشان نضبط لك الجدول وياليت تحدد الميزانية عشان هم نضبط بالفنادق بعد .
اخوك :- عبدالله الكويتي

dektooor
يا ريت يا شباب مساعدتكم لان والله احترت
جزاكم الله الف خير
انا فكرت 7 ايام لكل منطقة:
7 ايام شانغماي
7 ايام بانكوك
7 ايام بتايا
7 ايام بوكيت
واليوم الاخير يوم الطيارة
برايكم كل منطقة فيهم تستاهل 7 ايام ولا في مناطق ثانية غير هالمناطق ممكن الواحد يزورها...افيدونا جزاكم الله خيرا
علي فكرة تري توزيعتك للايام خطأ ما يصلح المساواه بالايام بين المناطق لان في مناطق تصلح حدها 3 ليالي بالضبط .
انتظر منك رد عشان انضبطك

bigbin609
اخوك :- عبدالله الكويتي
لا يالغالي عبدالله...محتمل اخوي يكون معاي لكن الاغلب راح اكون بروحي لان اخوي مو اكيد...
السموحة يالطيب على التوزيعة الغلط لاني بصراحة مادري اي منطقة تستاهل وايد واي منطقة تستاهل شوي...
عندي بعد سؤال يالغالي: احنا نحتاج الكويتيين فيزا ولا لا؟

dektooor
هلا اخوي ... بالعكس مافي أي إزعاج ... أنا جاهزة لأي استفسارات ...
في بوكيت ... فندق ملينيوم متصل بمجمع كبيير وحلو وراقي .. اسم المجمع jungcylon.. المجمع فيه كارفور ومطاعم حلووة ومعرووفة ... ومحلات راقية .. ومطل على شاطئ الباتونج ... يبعد 5 دقايق عن الشاطئ ..
وفي بانكوك .. في فندق متصل بمجمع كبير اسمه MBK .. بس اعذرني مب متأكدة من اسم الفندق .. أتمنى الأعضاء يفيدونك أكثر ...
تحيااتي ...

p!nk zone
قواج الله اختي على المعلومات هذي...يارب يوفقج ويسهل امورج