باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نجمة المحيط
18-12-2022 - 05:20 pm
السلام عليكم ..
أنا مضطرة احجز فنادق بسرعة لان سفرتنا ان شاء الله يوم 25 يونيو ولا بعد طلعنا الفيزة لان سفرتنا جت بسرعة عشان شغل زوجي .. بس ماادري يمدينا او لا ابقولكم اللي لقيته ويناسب ميزانيتنا وانتم اشيروا علي جزاكم الله خير ..
اولا : احنا اربعة ثنين كبار واثنين صغار .. هل فيه مشكلة في فنادق اوروبا لو اخذنا غرفة واحدة ؟؟؟؟
ثانيا : جدول الرحلة المقترح 4 ايام باريس 2 ديزني 3 انترلاكن و3 زيورخ
ثالثا : ما اقتراحاتكم للفنادق حاولت يكون السكن من 800 الى 1000 ريال بس شكل الوضع صعب حتى اني افكر الغي انترلاكن
الفنادق اللي لقيتها : في باريس لقيت اقتراح من احد رواد المنتدى بفندق معقول السعر اسمه ibis بس ودي اسأل هل محطة المترو قريبة منه لأن معي اطفال ؟ وهل تتسع غرفته لنا ؟
وفي ديزني محتارة بين فندقين dream castle hotel at disneyland او radisson blu hotel at disneyland
اما انترلاكن لم اجد بعد ولكن في booking يوجد فندق اسمه derby هل سبق وان سمعتم فيه؟
وزيورخ لم اجد بعد ؟؟
وأعتذر على الإطالة ولكن اختيار السكن في اوروبا جدا صعب لم اتوقعه هكذا وربما نلغي سفرتنا .. ولكن اذا الله اراد ثم بخبرتكم ربما نستطيع حل هذا الوضع


التعليقات (9)
فيصل
فيصل
ibis هل قصدك اللي اقترحته علي محمد في اللاديفانس بجنبه المترو
بخصوص ديزني دريم كاستل كويس
انترلاكن والله ما عندي خبر بس لو تكتبين موضوع بخصوص الشقق في انترلاكن الاخوان والخوات راح يزودونك باشياء كثيره من اكواخ وشقق وفنادق

نجمة المحيط
نجمة المحيط
شكرا اخوي على ردك علي .. ايه نفس الفندق اللي ذكرت بس المشكلة اني كلمتهم ورفضوا اربعة في غرفة والمشكلة الثانية انهم مايضمنون لو خذنا غرفتين تكون كونيكت وصعبة اخلي البنات لحالهم .. لذلك كنسلت الفندق .. فياليت لو عندك اقتراحات للسكن في باريس بحيث نكون مع بعض وفي مكان قريب من المترو عشان التنقلات ويكون سعره تقريبا الف وميتين .. ياليت يكون فيه سكن بهالشروط لان احتمال كبير نكنسل السفرة فياليت تساعدنا *

*؛؛شـمــوخ ؛؛*
*؛؛شـمــوخ ؛؛*

فيصل
فيصل
غرفتين
غرفه ثنائيه وغرفه رباعيه
https://www.booking.com/hotel/fr/novotelparisladefense.ar.html?aid=1300939

نجمة المحيط
نجمة المحيط
شكرا اخوي ماقصرت .. بس عندي سؤال ضروري هل بإمكاني ان اغير حجز الفنادق بعد تقديم اوراق الحجز للسفارة وقبل اصدار الفيزة ؟؟؟ لأني لقيت فندق فيه غرفة عائلية بس بعيد عن الوسط اتوقع في منطقةة 13 بالقرب من جامعة واسمه طويل وصعب بس اوله بارك اند سويتس ..... بس سعره كان معقول واربع نجوم بس مازلت احاول القى قريب .. فهل بإمكاني التقديم الان بهذا الحجز ثم التغيير ؟؟

فيصل
فيصل
ايه احجزي من بوكينق مسترد ولا طلعت الفيزا الغيه عادي
وتقدرين تحجزين الثاني بعد ايضا مسترد احتياطا واذا لقيتي غيره الغيه من بوكينق من رساله الايميل اللي توصل لك
والله عاد يا كثر جامعاتهم

نجمة المحيط
نجمة المحيط
السلام عليكم .. ما رأيكم بهذا الفندق؟؟ Alba Opéra
وهل سبق لأحد تجربته؟؟

فيصل
فيصل
فندق ممتاز بنظري
ما جربت ولا سمع احد جربه لكن بموقع تريب رهيب جدا

نجمة المحيط
نجمة المحيط
اخواني واخواتي .. ابي رايكم في الامور التالية :
1- كيفية التنقل في باريس : حنا ان شاء الله ناوين نجلس يومين في باريس ويومين في ديزني ..في باريس ودي نزور برج ايفل والشانز ويمكن فرساي . فهل المترو مناسب ؟
وماهو الباص الأحمر ؟
2- كيف الوضع مع الشنط ؟ هل يمكن الانتقال مع الشنط بالمترو من باريس لديزني وهل هناك حجم معين للشنط؟
ومشكورين ياالغالين


خصم يصل إلى 25%