عزيزي الكريم ..
أولا كل عام وأنت بخير وعيد سعيد ...
الوزن المسموح به كحد أقصى للعفش هو 32 كيلو ... حسب نظام منظمة أياتا العالمية للطيران ...
ويسمح لك بشنطة محمولة على أن لا تزيد عن 7 كيلو ..
لذلك نم وانت مطمئن ...
تحية .

مسافر متزن
وانت بخير يالغالي
وتقبل الله منا ومنكم الصيام والقيام وصالح الاعمال
أخوي اللي مكتوب في التذكرة 20كيلو بس
وشلون تقول 32كيلو
تحياتي لك يالغالي

((مسافر متزن))
أرجو إفادتنا بالوزن لعدم التورط والوقوع في حرج حيث أنني أنا بسافر أيضا على الكاثي بسيفيك بس قبل أخونا كاتب الموضوع بيوم وحسبت الوزن طلع 26 كيلو وإذا كان كلامك صحيح (( 32)) فلك مني الدعاء الخالص لوجه الله

هلا والله أخوي بلزاك
اتمنى منك يالغالي
اول ما توصل هونق كونق تعلمنا هنا وش صار عليك
لاتنسانى يالغالي ترى مثلي مثلك
وبعد انا شريت شنطة وطلع وزنها لحاله 5كيلو
هل هذا عادي ولا شنطتي ثقيله
اذا ثقيله رحت دورت غيرها اخف منها
على فكرة مقاس شنطتي 30"
تحياتي لك

أبشر بسعدك بس راسلني على الإيميل أو أعطني رقم جوالك ويوصلك الخبر أول ما أتأكد من المطار
لكن أخونا مسافر متزن ما رد ليش واحنا بأمس الحاجة له أرجو أنه يتأكد ويرد خبر فضلا لاأمرا لأنه ذو خبره في الشيء هذا وشك را .
بالنسبة للشنطه أنا أخذت وحدة وزانها لوحدها 7 كيلو ولكن غيرتها وأنصحك بأن أي سفره خارجيه أو على العموم سفره بطول فيه _ليس عن واقع خبره ولكن كلام ناس جربوا هذا الشيء_ تحاول تشوف شنطه خفيفه عشان تستفيد من فارق الكيلوات .
بس أنا حطلع بالستة وعشرين كيلو واللي يصير يصير.

هذا ايميلي انتظرك

كوجاك ما فكرت بالرجعة
و اتوقع هنا يمشونك
بس على المطار الداخلي
ما اظن
بعدين اكيد معاك باليد هاند باق

عبد الله1427
في الرجعه ما عندي مشكله فيه اشياء بنطلها لأن أكيد بيكون معي بعض الهدايا
غير كذا انا خففت الحين الشنطة وصارت تقريبا 20 كيلو واللي بينقصني بشتريه من هناك
واللي خلاني انقص الرحلة الداخليه
بالنسبة للهاند باق
فيها الاب توب وبعض الكتب وتقريبا وصلت 7كيلو
الا انت بشرني وش سويت وش اخر التطورات
بس مو هنا (فاهمك) على الايميل

اي وزن اقل من 30 كيلو راح يمشي بأذن الله
والله يوفقكم يارب