24 ساعه بس

الــسراب

23-04-2022 - 10:15 pm

24 ساعه ...
الاحسن تتمشى في السياره .. لبعض مناطق دبي ..
يعني سير مر على جزيرة نخلة جميرا .. و زور فندق الاتلانتس اللي فيه ... و انت طالع خذ لك لفه بالسياره صوب مارينا دبي و بعدين سير عند الممشى the walk وبعدين سير صوب برج دبي و دبي مول في الليل لانه هالمنطقه وايد روعه فالليل .. خاصة النافورات الليليه ... روعه في روعه ...
اما مطاعم المندي ...في دبي ما جربتها يمكن حد يفيدك ... بس تقدر تسأل التاكسي من المطار او المكان الي تسكن فيه و هم بيدلونك ان شاء الله ...
والسموحه

سعودي في سانت جون

23-04-2022 - 11:16 pm

تسلم اخ السراب
بس قولي على مكانين تستاهل الزياره في دبي
لانو رحلتي من كندا لي دبي طويله ابغى بس مكانين

scout_love

24-04-2022 - 12:18 am

مرحبا اخوي
هديه مني لك
جولة لمدة 5 ساعات في دبي بس عليك البترول ومصروفك
والسموحة

سعود بن محمد

24-04-2022 - 01:19 am

أفضل مكانين ترح لها هي مدينة جميرا (فنادق و سوق) و بعدين مول الإمارات و كلها قريبة من بعض، أما بالنسبة لمطاعم المندي خلها للسعودية لأنك لاحق عليها، و عندي لك مطعم هندي روعة إسمه قصر الهند موجود في منطقة القرهود، و في مجمع ابن بطوطة، أو مطعم حاتم الإيراني

سعودي في سانت جون

24-04-2022 - 02:20 am

مرحبا اخوي
هديه مني لك
جولة لمدة 5 ساعات في دبي بس عليك البترول ومصروفك
والسموحة
تسلم اخوي ماقصرت

سعودي في سانت جون

24-04-2022 - 03:21 am

أفضل مكانين ترح لها هي مدينة جميرا (فنادق و سوق) و بعدين مول الإمارات و كلها قريبة من بعض، أما بالنسبة لمطاعم المندي خلها للسعودية لأنك لاحق عليها، و عندي لك مطعم هندي روعة إسمه قصر الهند موجود في منطقة القرهود، و في مجمع ابن بطوطة، أو مطعم حاتم الإيراني
جزاك الله الف خير اخوي
بس في اظن شي سوق صيني حاجه زي كذا كبيرر يقول بعيد
بس تنصحني اروح فيه

سعود بن محمد

24-04-2022 - 04:22 am

ابداً لا تفكر بالسوق الصيني !!!!!! بعيد و ما فيه شي مثل اللي تتوقعه

مس وناسه

24-04-2022 - 05:23 am

انصحك تاخد لفه عالجميرا وتشوف فنادقها والممشى وهيك >>المشوار الاول
وبعدين روح لسوق ابن بطوطه لانه تحفه معماريه وكل جزء منه يمثل دوله من دول العالم خد لك لفه سريعه فيه
بعدين روح لقسم المطاعم (كثار مره) ومتأكده بتلقى فيهم مطعم يبيع برياني >>المشوار الثاني
تروح وترجع بالسلامه

الــسراب

24-04-2022 - 06:24 am

سعودي في سانت جون
الله يسلمك .. الاماكن الي قلتلك عنهم ما تاخذ اكثر عن 5 ساعات
يعني المشوار الاول ... سير جزيرة نخلة جميرا الي فيها فندق اتلانتس ... وبعدين من الجزيرة سير لمرسى دبي عباره عن محلات و مطاعم و مقاهي ومن امامك مرسى بحري و يخوت قريب جدا من نحلة جميرا .. وبعدين من مرسى دبي سير للمشى فيه مطاعم بعد و محلات و تصميمه اوربي و مقابلك يكون البحر .. الممشى قريب من مرسى دبي يمكن دقيقتين بس او اقل بالسيارة..
هالمشوار تقدر تاخذه بالسياره بدون ما تنزل اذا كنت في النهار .. بالهطريقه ما راح تضيع وقت ... المكان الي ممكن اطول فيه هو فندق اتلانتس الي فيه الاكواريوم و تشوف الفندق ..
المشوار الثاني: احسن انك تسير لمول من المولات .. يا تسير ابن بطوطه او منطقة دبي مول ..
مركز بن بطوطه ديزاينه يتختلف شوي عن المولات و حلو وتقدر تتعشى فيه.. مركز دبي مول يعتبر من اكبر المراكز في العالم .. منطقة دبي مول حلوه وايد .. بتشوف برج دبي اعلى برج بالعالم و الاهم من هذا انك راح تشوف النافورات الليليه وهي كبيره و روعه وهيه تشتغل مع انغام الموسيقي

دبي المسافرون العرب