الميزانيه تختلف حسب الاكتفتي تبعك
وتجولك
عالعموم من100- 150 يورو باليوم
وماانصحك بالسيياره المدن بعيده

يوه .. تععب
يا حبيبي هذا شهر عسل .. وانت رايح تلف أوربا .. بتتعبك التنقلات
نصيحة اذا تقدر تغير .. شيل فيينا .. وزيلامسي وانترلاكن اختر وحده منهم ..
برشلونة هذه مدري وش تبي .. شكلك برشلوني ..
المهم الله يهنيك .. منك المال ومنها العيال وسفرة موفقة ..

حسب خبرتي البسيطة
مصروف يومي بحدود 200 يورو من فطور غدا وعشاء وتنقلات بسيطة طبعا ممكن يزيد لو فيه شوبنج
بالنسبة للتنقلات قد ماتقدر اعتمد التنقلات العامة مثل الباصات والاندرجراوند وتراها سهلة جدا متى مافهمت طريقتها
باريس كل التنقلات بالاندرجراوند حتى دزني تروحون بالقطار والشعب متعاون اهم شي وانت رايح خذ معاك خريطة وخلي الكونسيرج في الاوتيل يعلم لك على الخريطة الاماكن اللي بتمرها بالاندرجراوند عشان تتبعها ولاتضيع وللتاكيد اسال اي احد بيقولك اذا طريقك صح اولا يعني ماتحتاج تكسي وفي اماكن ممكن تروح لها مشي اذا تحبون المشي
جنيف مافي اندرجراوند واذا سكنتو جنب البحيره كل شي تروحون له مشي وممكن تروحون رحلات بالباصات لخارج جنيف مثل مونترو او شيموني او انسي وهي اوفر وسيلة لان ممكن تستاجر سيارة بسواق توديك وترجعك بس ممكن ياخذ عليك اكثر من 400 يورو لانه بيكون معاك طول اليوم
انترلاكن برضو صغيرة وكلها شارع ماتحتاج تكسي الا قليل جدا وبالقطار ممكن تروحون لاعلى قمة في اوروبا وهي قمة الثلج
زيلامسي لو تقدر تستبدلها بسالزبورغ لان زيلامسي بنص ساعه تخلصها وتشوفها وسالزبورغ تبعد عنها ساعه وحدة فقط لكن اكبر واجمل صراحه وكلها مشي او اذا مشيتو مسافة طويلة تاخذون لكم تكسي واذا تحبون تور سياحي بالباص تاخذون لكم تور حوالين البحيرات
فيننا نفس النظام فيها باصات ومترو واسعار التكاسي معقولة لاباس
برشلونة بعيدة عن النمسة مادري كم ساعه بس موقريبة بيضيع عليكم يوم لو تقدر تخليها بسفرة ثانية يكون افضل ولو مايمديك اسكن في شارع الرامبلا وكل شي يكون حوالينك والتنقل بالاندرجراوند
وزواج سعيد وسفرة موفقة باذن الله

الف مبروك
ما دام حجزت وخلصت وطاح الفاس بالراس لا تتعقد ريح شويه الامور سهالات
المصروف للاثنين ما دام شهر عسل اتوقع الامور مبحبحه علي الاخر صعبه تقول للعروس
المصروف للشخصين تقريبا 200 يورو
خل امورك بالقطارات وابتعد عن السياره الا اذا معاك جارمن وعربي علشان امورك تسهل عليك وتعرف للرسوم البوابات
انت الحين لازم تعرف باريس ما يحتاج سياره ولا ديزني يعني تروح بالمترو وممكن نسوي لك تخطيط للرحله بمساعدة كل اللي هنا ما احد مقصر معاك
بقيه المناطق روح لكل بوابه وضع المده المقرتحه من قبلك وبلغهم بوصولك والمغادره ويسوون لك مخطط وقولهم ما معي سياره
انا يسعدني يوم اشوف الناس ترد نكتسب من خبراتهم امثال سنبون

يعطيكم الف عافية اخواني
وانا بصراحة عارف امكانياتي بالانجلش ورحت استخرت واخترت اني استاجر سياره
و ابشركم اليوم رحت شركة sixt الي عند مدينة الملك فهد الطبية
وحجزت سيارة من باريس لمدة 21 يوم والتسليم بفينا
طبعا السعر 7350 ريال دفعتها كاش
طبعا السيارة ميني كار علا كلامة يعني صغيرة واقتصادية 3 ابواب تتسع ل4 اشخاص يقول الموظف وصيت انها تكون تماتيك وديزل
المسافة مفتوجة وفيها تأمين ثلاثي ماني فاهم شمعنى ثلاثي بس اتوقع شامل والسعر شامل الضريبة والغرامة لاني بسلمها بدولة ثانية
ابي شرايكم بالسعر معقول ولا انضحك علي؟؟؟؟
والشي الثاني بكم خبرتكم انا بقعد بباريس 5 ايام
ياليت تسوون لي جدول من تاريخ 6/7 الى يوم الى 11/7 طبعا اخر يوم بسافر جنيف غير محسوب بالجدول
وشاكر ومقدر تجاوبكم الاكثر من رائع

مبلغ السياره تو متش الله يكون في عونك
الجدول ماغيرته ؟؟؟
برشلونه في الحسبه ولا شلون؟؟
خط السير الرياض باريس جنيف انترلاكن زيلامسي فيينا برشلونه الرياض
===========
5 ايام باريس// في معالم حابب تزورها
شو اسم الفندق بباريس اذا امكن نحدد لك خط سير.

مشكورين علا التجاوب^_^
برشلونة لا والله ما غيرتها انا العودة من برشلونه عشان كذا انجبرت فيها انا استعجلت بالتذاكر
بس بحجز من فينا لبرشلونه طيران وبخليها حقت تسوق وهدايا اخر يومين
اما بالنسبة لباريس مافي شي ببالي الا برج ايفل ودزني
والباقي ما اعرف عنه شي
انا حاجز بفندق amarante champs elysees
وياليت يا شباب تفيدوني وين اقدر اوقف السياره

علا فكرة كم تنصحوني اخذ معي مبلغ باليورو كاش
انا ببالي 4000 يورو شرايكم؟