أنا أنصحك تخلي بياننق 4أيام..
وتخلي كوالا5 أيام...
تقدر تروح من كوالا إلى جنتنق وترجع في نفس اليوم..
وكثير بل الأغلب مؤيد للفكرة..
لأنها مدينة باردة ومدينة ألعاب..

حبيبي هالموضوع راح يفيدك كثير
من أخونا ومشرفنا الغالي كاندل..
https://artravelers.com/p/re/184038

أخوي بروتولز..شكرا على مرورك ولك كل التقدير
اتمنى أحد يعقب على اختيار الاماكن ووسائل المواصلات ويدلني على أفضل الفنادق......تقبلو تحياتي

أنا بأقولك على جدولي وأنت اختار اللي يناسبك, انا جيت من ماليزيا الخميس اللي فات وقعدت هناك 21 يوم , وسبق اني رحت لها في صيف 2006 , بس باختصار باقولك على جدولي السنة هذي انا رحت سلانجور 2 يوم ( فندق الخيول الذهبية) وهو مستهلك نوعا ما ولكن المنطقة اللي حوله حلوة للاسترخاء , ثم بالطائرة الى لنكاوي( والافضل طيران اسيا لانه ارخص من الطيران الماليزي في لنكاوي سكنت فندق (بيلانجي بيتش) بس تراه غالي وهو نظام أكواخ وفي 2006 سكنت ( بلنكاوي لاقون) وهو افضل برايي
للحديث بقية.....

من لنكاوي ذهبت بالطائرة (طيران فايرفلاي) الى بيننج وهو افضل من الفيري لاني جربت الفيري في 2006 وكانت مقرفة, في بيننج سكنت فندق( بي فيو) وهو قديم بس نظيف وسبق لي لن سكنت فندق (بارك رويال )وهو الافضل من ناحية قربه للسوق الليلي , من بيننج ذهبت بالتاكسي ألى كاميرون واخذ علي التاكسي380 رنجت بس الطريق كان متعب شوي بس الشكوى لله هذي هي الوسيلة الوحيدة والباصات ما يمدحونها لانها مقربعة, سكنت في كاميرون بفندق(سنشري باينز) وهو فندق حلو وفيه حديقة قدامه وقريب منة صرافات وكذلك محطة الباصات قريبة منه, وانتقلت من كاميرون ألى كوالالمبور بالباص وهو رخيص جدا, في كوالالمبور فندق (تريدرز) لا تتعداه لانه افضل فندق سكنتة في ماليزيا على الاطلاق , لاني في 2006 سكنت فندق ماريوت وهو رائع من كل النواحي بس تريدرز احلى لان الغرفة تطل على حديقة ضخمة وتشوف البرجين التوامين قدامك بس لازم تحدد من الحجز ان الغرفة تكون مطلة على البارك , من كوالا ذهبت الى فندق سن واي لاقون وهو اسوا مكان رحت لة في ماليزيا انا كنت حاجز فية غرفة مطلة عالى الالعاب المائية ولكن يوم وصلت قالو لي لا حجزك مو على الالعاب وبالاخير تممو رايهم ( عندهم سوء معاملة وخصوصا للعرب بس اذا جاهم صيني تعال شف انواع الاحترام ) المهم ان الغرفة طلعت مشبعة بريحة الدخان مع ان الطابق اللي حنا فيه مكتوب عليه لغير المدخنين) اللي يقهر بالموضوع ان هالفندق هو اغلى فندق سكنته بماليزيا الليلة ب700 رنجت بس طلع هو اسواء فندق والمنطقة اللي فيه ما تستاهل انك تسكن فيها لان ما فيها الا الالعاب المائية يعني تسكن بوسط كوالا وتطلع لها من الصبح احسن
تحياتي