بوينج 747
اتمنى من الشخص انه يكون صادق مع نفسه قبل مايكون صادق مع الآخرين
اي لبس فاضح....انا رحت بينانغ...ممكن تلقى اجانب....ترى مب شرط تخليهم يدخلون الاسلام غصب..
بس هم قلة....يعني بتروح عند بركة سباحة...شتبي تشوف وبعدين ماعليكم منهم.....لكن روح اماكن ثانية...وهي كثيرة...وحلوة
وفندق موتيارا اول واحد اسمع منه انه مب حلو...........انا اتمنى من الاخ هاوي الاستجمام يسكن بهالفندق ويقول رأيه....انا سكنت فيه...وكلمة روعة او عجيب قليلة بحقه....
وفندق ماريوت بكوالالمبور....انا سكنت فيه...وفندق راقي ورائع بمعنى الكلمة..وفيه مجمع راقي تحت..
برنامجك اخوي حلو.....وانا رحت ماليزيا....وان شاء الله بروح لها كل سنة لو قدرت.......

لي ملاحظة أحيانا السفر بالسفينة من بينانغ إلى لنكاوي يكون متعب جداً في حالة يكون أمواج رياح في البحر لي صديق تعب جداً من دوار البحر أفضل يكون بالطائرة

1. ارجع للفندق وريح والساعه 4 اطلع من الفندق وروح على ماينز


2. هذي الله يسلمك اللي فيها السوق العائم وعرض البحيره الراقصه


3. اخوي وهم انتبه لاتتعدى الخطوط الحمراء مع تحيات اداره المنتدى


4. طيب لا تدفون:112:

هلا وغلا اخوي هاوي سفر
صراحه شدني موضوعك لاني كنت في نفس الموقف ومحتار انت اختار اللي يناسبك
اليوم الاول: يكون في فندق الماريوت
انا كان وصولي الساعه 6 المغرب
انت توك واصل ولازم تكتشف المدينه والفندق جدا ممتاز وقريب من كل شئ
سعر الليله مع الافطار غرفه ديلوكس 360 رينجت
وحاول تستغل الوقت واطلع الى البرجين في نفس اليوم لانها 5 دقايق يالسياره
اما التكسي لا تاخذ من قدام الفندق
الله يعينك على مشي دقيقه واحده بس اطلع من باب الفندق اللي يسار وتلقى كوفي ستار بكس قدامه التكسي بخمسه رينجت الى الابراج
تمشى بالسوق اللي بالبرجين واسمه سوريا مول والبحيره اللي وراه وتعشى بالمطعم الايراني اللي فوق على ما اضن بالدور الثالث
وارجع من المطعم على التكاسي الي برا وقله اسم الشارع الي فيه الفندق على ما اضن انه باتونج جالان
وخله ينزلك اخر الشارع يعني بعد ماكدونالدز اللي بيجيك على يمين بعد ما تعدي الماريوت وارجع مشي الى الفندق
اليوم الثاني من الصباح خذ تاكسي ويفضل من الفندق او رتب معاهم على زياره الشلالات ((و بادو كييف )) وبعض الحدائق وتراك بتتعب من المشي اذل فيك شده ولا خله لليوم الثالث وانت راجع روح على شارعك نفسه ورح مطعم الطربوش تراه جنب ماكدونالدز
اليوم الثالث اول ما تصحى وتصلي الفجر وتدعيلي ان الله يرزقني بالذريه الصالحه
رح على طول الى الابراج التوأم واحجز للجسر اللي فوق بالطابق 42 واذا ضيعت اسال اي شخص بيدلك على طول بس يبغالك تجي بدري يعني الساعه 8
بعد ما تحجز يمكن يعطونك مده العرض الحين او بعد شوي المهم اذا فيه وقت قبل العرض رح لاكوريم
هذا الله يسلمك ويسلم الحاضرين معرض اسماك 35 رينجت للشخص ممتع وحلو عباره عن ممر وتشوف الاسماك فوقك وبعدين تروح للجسر المعلق اللي انت حاجز عليه ولما تخلص تقريبا على الساعه 12 تمشى بالسوق klcc وتغدى بمطعم تشيليز اللي بالدور الرابع على ما اضن
اطلع على رجولك لفندق ماندرين اللي جنب الاكوريوم واحجز عنده حق اخر الايام

ارجع للفندق وريح والساعه 4 اطلع من الفندق وروح على ماينز

هذي الله يسلمك اللي فيها السوق العائم وعرض البحيره الراقصه

احلى شئ بماليزيا هي العرض يبدا 7 و 9 فانت لمن تروح من الساعه 4 خذ تكسي من المكان الي قلتلك عليه عند ستار بكس وبيقولك التكسي 70 تراه ب 30 رينجت وبتوصل الساعه 4 ونص او 5 على حسب الزحمه وتمشى بالسوق العائم وادخل ماينز الساعه 6 واستمتع بالبحيره الراقصه والالعاب ولمن تطلع بتلقى التكاسي يتهاوشون عليك ارجع ب 40 رينجت بس
وانت راجع لا تنزل الفندق رح لمحطه الباصات قريبه من شارع الماريوت واحجز على بيننغ على v i p ب 50 رينجت للشخص
اليوم الرابع لمن تقوم تسوي شك اوت من الماريوت خذ تكسي من نفس المكان اللي بالي بالك واطلع ب 5 رينجت لمحطه الباصات واركب باصك وتوكل على الله الى بيننغ
الرحله بالباص جدا ممتعه احلى من الطياره بتشوف الخضار من وين ما تشوف وبيوقف بنص الطريق لمحطه فيها مسجد وسوق فواكه لمده نص ساعه
لا اوصيك رح للمسجد وصل الضهر والعصر هناك وبيخلونك امام :x1:
ولمن توصل المحطه اللي في بيننغ اركب تكسي ب 30 رينجت الى منطقه باتو فرينج الي فيها الفنادق الزينه
ويفضل انك حاجز الفندق من كوالا لمبور من نفس الرسبشن اللي تحت
الفندق انا حجزت في الهوليدي ان بس مره خايس في فندق جنبه لونه احمر بس كل ما اروح يقولون فل
ولا وصلت بيننغ بعد عناء سفر لمده 4 ساعات
ريح بالفندق الى الساعه 8 الليل وبعدين انزل مشي الى السوق الليلي وتراه جدا ممتع مع ان بضاعتهم مو ذاك الزود
اليوم الخامس من الصباح خذ تكسي الساعه ب25 رينجت
ورح لحديقه الفواكه والزهور واطيور واخر شئ رح لبيننغ هيل لانك اذا ما رحت لبيننغ هل ما رحت بيننغ
وعند العوده في المساء احجزلك فندق في لنكاوي لمده 3 ايام مع اني رحت الصباح ورجعت المساء بس ندمان
لنكاوي مجموعه جزر جميله جدا اجمل ما فيها الرحله البحريه الطويله وهي حقت استجمام وريلاكس وراحه وسوالف وكلام عن 00000

اخوي وهم انتبه لاتتعدى الخطوط الحمراء مع تحيات اداره المنتدى

طيب لا تدفون:112:

المهم لنكاوي جدا رومنسيه وفيها الجزر والرحلات البحريه اللي فيها تصيد السمك وتاكله بمطعم بنص الرحله وفيها التلفريك وحديقه الطيور والتلفريك ولمن تخلص من لنكاوي ترجع بالباخره الى بيننغ ومن بعدها الى محطه الباصات للعوده الى كوالا لمبور والسكن في فندق المندرين الي كنت انت حاجزه
اليوم التاسع من الصباح رح لحديقه سفاري بمبلغ على ما اضن 150 رينجت بالتاكسي لانه هو الي بيرجعك مع اني سمعت ان فيه باصات لاكن ما ني متاكد ويفضل انك تسال الريسبشن هم راح يفيدونك اكثر
حديقه سفاري حلوه ويفضل انك تكون بالكثير الساعه 10 هناك وخذ العروض من عند الباب عشان تعرف اوقاتها عرض النمور والفيله والقرود والطيور وبين كل عرض انت رتب نفسك عشان تركب السباره وتلف فيك الحديقه راح تخلص الساعه 6 المغرب ارجع لفندق مندرين وارتاح وبعدين رح سيرا على الاقدام الى klcc وتمشى هناك ومن ثم ترجع الى فندق المندرين واذا فيك شده ومصحصح ومنتعش ارجع الى الشارع الي فيه الماريوت واقضي الليل هناك الى ان يغالبك النعاس
اليوم العاشر اطلع على جنتنغ وهي تبعد ساعه تقريبا بالسياره ب 150 ريتجت بالتاكسي وخله يمر على المعابد الي هناك واركب التليفريك الى فوق هناك بتلقى فندق ومدينه العاب خذلك ليله هناك ترى العابهم حلوه
ولا تسوي زيي تركب كل لعبه ترى الرجوله احيانا تضيعك الا اذا ابت المرؤه الله يعينك على بعض الالعاب وفي المساء ارجع الى السوق ونام بالفندق وتغطى زين لان جنتنق بارده شوي
اليوم الحادي عشر: من الصباح طامر شوي بالالعاب وسوي الشك اوت وكمل مطامر الى يطيح الي براسك
وارجع الى كوالالمبور بعد العصر الى فندق في نفس شارع الماريوت هو بالضبط قدام موقف التكسي اللي بالي بالك وحط اغراضك وريح وبالليل رح للاسواق الي بالشارع نفسه
اليوم الثاني عشر من الصباح رح لصن واي لاقون وخذ الفيلا الرومنسيه تراها بمبلغ 1180 رينجت تقريبا ويفضل تكون بالصبح بدري عشان تلحق على الالعاب فيها والساعه 6 تسكر الالعاب وترجع الى الفيلا؛؛
اليوم الثالث عشر استمتع ايضا بالفيلا الى الساعه 12 وسوي الشك اوت واذا براسك مطامر بعد كمل بالالعاب وارجع الى الفندق مع اني افضل تروح للماريوت بس انت وكيفك وكمل هذا اليوم بالشارع نفسه لانه مليان بالاسواق
اليوم الرابع عشر: بكيفك مع اني قضيته بالمتاحف والمناره الوطنيه والمساجد
اليوم الخامس عشر ارجع الى وطنك سالا غانما ان شاء الله
ملاحضات
ماليزيا بلد جدا نضيف ومحترم واسلامي
ما فيه اشياء مخله بالادب علنا مع اني ما شفت شئ ابد ما ادري عشان ما فيه شئ ولا ام العيال معي
المطاعم العربيه :
الطربوش في نفس شارع الماريوت(( باتونج جالان))
المطعم الهندي اللي باول الشارع
المطعم الايراني اللي باklcc
تشيليز جدا حلو بنفس المجمع
مطعم شامي والصحراء خايس
لنكاوي جدا حلوه ورومنسيه و...
اخوي وهم تراك زودتها
طيب :112:
التكاسي لاتركب الا مع ماليزي بتعرفه من شكله
اما الصيني ما ينفع الا اذا حدك الضروف
التكسي الهندي ابدا لا تركب معه
وفي الاخير ان شاء الله انك كونت فكره وانا على استعداد تام لاي استفسار
مع تحيات اخوك وهم اللي راح ماليزيا قبل 6 شهور وبيروح بعد 3 شهور تايلند مع المدام طبعا

:
.