sultan alsultan
16-05-2022 - 11:23 am
السلام عليكم ورحمة الله وبركاته
انا متابع قديم جدا للمسافرون العرب
وكنت دايم ادخل اشوف تقاريركم وانقهر واطلع
لحد مااضبطت الأمور وبااذن الله مسافر إلى ماليزيا في نهاية سبتمبر
والغرض سياحة ( شهر العسل )
والحمد لله تمت حجوزات الطيران والحجوزات الداخلية والفنادق
لكن استفسار برا الموضوع ( لما حجزت بفيزا تسوق ) ماسحبو الفنادق شي من الرصيد حتى لو حجز المبلغ ليه ؟؟
طيب الموضوع المهم اللي حاب اخذ شوركم فيه
وين اروح في ماليزيا
لكن في البداية حبيت اقول لكم ميزانيتي تقريبا 25.000 شاملة التذاكر فهل كافية الميزانية لمدة ال 15 يوم
لاني دخت مارسيت على بر للحين
وان شاء الله بعد الله بلقى الفايدة عندكم
رحلتي كالتالي :
الوصول لكوالالمبور يوم السبت الساعة 3 العصر بتوقيتهم موافق 24/9
راح يكون اول ليلتين في كوالالمبور
بعدها 4 ليالي في بيننغ
بعدها 3 ليالي في لنكاوي
بعدها 4 ليالي في كوالالمبور
من ضمن ال ( 4 ) ليالي في كوالالمبور الاخيرة راح يكون منها
يوم لجنتنق بدون مبيت
ويوم ل سلنقور بدون مبيت
فلو ماعليكم امر احبتي تنظمون لي اماكن ازورها
لاني فعلا تعبت ومارسيت على بر
واتمنى اللي تعامل مع سواقين واهم شي الامانة فيهم في كل المدن يعطيني ارقامهم
واسف جدا جدا جدا جدا على الاطالة وكثرة الأسئلة
لكن عشمي بعد الله كبير فيكم انكم بتفيدوني
في انتظار ردكم والله يوفق الجميع يارب
تقول المدة 15 يوم ثم في التوزيع طالعة 13 يوم
السؤال متى تاريخ عودتك حتى نحسب لك المدة مضبوط؟