السلام عليكم ورحمه الله وبركاته
اخوتي في الله
حابب مساعدتكم للحجز لشهر العسل الى موريشوس
كم تكلف 10 ايام مقسمه مثلا 3 ايام في دبي و7 في موريشوس (بما انه مافي طريق الى موريشوس من جده الا عن طريق الامارتيه)
بحثت عن الاسعار في Expedia وكانت غاليه جدا جدا
انا ميزانيتي بالكثير 25 الف (وياريت ماتعدي ال 20) (ممكن نتنازل عن الايام في دبي ونخلي الرحله على بعضها اسبوع (7 ليالي) في موريشوس
- ممكن ازيد قليلا اذا كانت فعلا تستحق الزياده -
بس ايش افضل طريقه نجيب فيها الباكيج
وايش المدن او الفنادق اللي تنصحون فيها
والله اعرف انه المنتدى مليان تقارير
بس انتوا ادرى بالحال
الزواج بعد العيد بقليل ان شاء الله
وتعرفون الاشغال اللي فوق دماغ الواحد قد ايش
ده غير انه موضوع السفر الغي لاسباب خاصه
والحمد لله زالت الظروف وقررت انه نسافر
فياريت تفيدوني بطريقه وفنادق رخيصه ومعقوله واهم شيء فيها اهتمام بشهر العسل والمتزوجين حديثا
والف الف شكر مقدما
اتمنى انكم تساعدوني
عندك اكثر من طريقة للحصول على الباكج
جربت تقريبا جميعها وفي اخر المطاف كان فرق السعر يمكن التضحية به مقابل المصداقية
الباكجات ممكن تاخذها من مكاتب السياحة اللي عندنا هنا فيجدة
عندك اكثر من 10 مكاتب كبيرة وعريقة ممكن الوصول لها عن طريق بحث بسيط في النت
توجه لهم وحدد طلبك وميزانيتك وراح يعطونك باكجات حلوة
في نفس الوقت توجه للأمارتية وهي محتكرة الخط بكل قوة واطلب منهم باكج
وقارن
سعر الباكج بيكون بحدود 25 الف ريال
حاول تختار فنادق 4 نجوم مثل المارفيل بيتش او حتى الهيلتون
مع 3 ليالي في دبي في الترايدينت اللي يتعاملون معاه والمتواضع
وعندك في دبي فنادق رائعة باسعار ممتازة ك 99 دولار لليلة في النوفيتيل مثلا
ممكن تتطلعها من الباكج وتحجز مباشرة من موقع الفندق
ملحوظة
مكتب الأمارتية انتقل لموقعهم الجديد في الصيرفي مول على شارع التحلية
بالتوفيق