معليش بس حكتب الموضوع بلهجتي الحجازية لانه اريحلي .. واعتز فيها بصراحة ... واللي ما يفهم يحاول يفهم ^_*
جايكم من امستردام .. واتفرجوا على المناظر الطبيعية اللي في دي المدينة وانواع الانبساط والانشكاح ... طبعن انصحكم فيها في الاجازة الكئيبه دي ^_*
,,, الصور الجيه كلها مصوره بكاميرا سوني حقت زميلي .. والرد اللي بعدو حنزل صور بكاميرا الجوال حقتي...

هادي السيارات اللي استأجرناها من المانيا وسافرنا عليها
.
.

هادا لقيناه كدا في وسط الحواري في امستردام متكي على وحده من السيارات .. وطبعن صوره ما تتفوت
.
.

معروفة المدينة بالقوارب الصغيرة دي .. ويركبو فيها السياح ويتسيحو وسط النهر .. مره جو حلو...
.
.

عاد صورة غروب من بحر امستردام .. والحلو في شمسهم انها بارده فوق ما تتصورو ^_^
.
.

طبعن الصورة توصف الحياة القديمة في مدينة الطواحين .. وكيف كانو الناس يتنقلو بالقارب وكدا...
.
.

مجموعة من الطواحين اللي تشتهر فيهم المدينة من زمان والين دحين...
.
.

منظر للمويه وهيا تمشي من بين البيوت .. شي جنان
.
.

منظر للبحر والممشى اللي عندوو .. واللي تحت دي كلها يا قهاوي على البحر او محلات تأجير حقت رياضات البحر...