أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
حنقول بسم الله الرحمن الرحيم ونبدأ قررت الشركة أني روح عبيروت لموضوع شغل ... وأنا طبعا وافقت لأني بحب بيروت وعندي رفقات وأصحاب وقرايب كتار هنيك المهم كان الموعد الخميس الماضي ... بس تذكرت أنو عيد الإستقلال وبلبنان اجازة والجمعة ( كان سابقا ) في انتخابات ... لهيك قررنا نطلع أنا ورفيقي السبت صحيح يوم السبت بيكون نصف دوام ... بس مو مشكلة الشغل بنلحق نساويه قبل الساعة 1.00
اتصلت بالشفير وإجه لعندي الساعة 7.30 الصبح وانطلقنا باتجاه بيروت
صراحة رفيقي كان خايف شوي من الأوضاع ... بس الشفير هداه وقلو مافي شي
المهم طلعنا من الشام ... ووصلنا للحدود السورية الساعة 8.10 وكان الوضع تمام بس مافي حدا بالحدود ... لا من جهة الشام ولا من جهة بيروت .... ووصلنا بعدين للحدود اللبنانية وكان في حادث ( اللهم عافينا وابعد عنا الشر ) وكان الوضع شوي مكركب .... المهم فتنا عالحدود ومشينا الأوراق ... وكان في تشديد شوي ... يعني أسئلة لوين رايح ..كم يوم ... لعند مين ... بس كانوا بقمة الذوق والأدب.... المهم طلعنا باتجاه الإستراحة ( استراحة جابر ) أكلنا وارتحنا وانطلقنا باتجاه بيروت هون تذكرت أني بكتب على طول ببوابة سوريا ... طيب ليش ما اكتب موضوع عن بيروت وحطو ببوابة لبنان وهادا اللي صار ... وطلعت الموبايل وبلشت صور (( بدكون تعذروني اذا الصور شوي مو منيحة لأني مصورون من داخل السيارة وهي ماشية )) وهي صور للتلج على جبال لبنان ... بس بعيدة شوي وهي صورة لطريق مختصر بياخدو الشفير بالعادة ... بحبو كتير وخصوص بالصيف والربيع ... الطريق هادئ وحلو نظيف وكلو شجر ... طبعا متل ما خبرتكون الصور من جوات السيارة وصورت هي الفيلا كتير عجبتني وهي صورة ونحنا قريبين من الحازمية ... صورة طبيعية حلوة وهي جامع الرفاعي ... بحبو لهل الجامع مع أني ما صليت فيه وهون بان البحر ... وبيروت ... وياعين على الجو الحلو ...... هو صحيح فوق كان الجو بارد ... بس بقلب بيروت بلش يصير حلو وفتنا عبيروت رح تكونوا بصور بيروت بالجزء التاني من موضوعي أتمنى تكون المشاركة عجبتكون والسلام على الكرام
بل نقبلك أخ عزيز