- تعالوا شوفوا أيش اللي صار،،،
هلا والله باللي يدورون السياحة،،،
قلت لكم الأسبوع الماضي أني طالع لدبي وبطلع مع المغامرات العربية رحلة سياحية في صحراء دبي،،،
تعالوا شوفوا أيش اللي صار،،،
لما صحيت الفجر و أفطرت صرت أجهز بعض الأوراق للأماكن السياحية في دبي بحكم أني أول ما جيت من ابو ظبي متوجه لدبي وقبل ما أوصل دبي ب60 كيلو لقيت على يمين الخط مكتب بجنب محطة للتعريف بالسياحة في دبي وقفت عندهم وأخذت لي مجموعة برامج وأرقام مكاتب سياحية،،،
المهم لحد ما جت الساعة 9 وأنا أقلب بالأوراق قلت خلني أدق على هذي المكاتب قبل ما أجرب المغامرات العربية وأنا أمسك التلفون ودق على هالمكاتب ومن رقم لرقم حتى أستقريت على رقم الماجد للسياحة،،،
دقيت وردت فلبينيه قلت حوليني على قسم السياحة،،،
هذا كرت المكتب بس اللي أستقبلني الأخ رياض على شارع المكتوم
حولتني على أخ أسمه رياض ( سوري ونعم الرجل ) وقلت له أخوي أبيك تشوف لي رحلات السفاري الموجودة عندكم،،،
قال أنت تعال للمكتب وماراح نختلف ( طبعاً أنا طالب منه رحله صباحية )
وأنا بالطريق أتصل فيني وقال فيه برنامج مسائي راح يعجبك قلت لما أوصلك نتفاهم
للأختصار أقنعني بهالبرنامج وحجزت ،،،
ولما جت الساعة 3.30 العصر جو وأخذوني من الفندق بجيب تويوتا ويركبون معي عائلة هندية بس حبوبين،،،
طلعنا الى رمال الحباب 40 دقيقة عن دبي على طريق حتا
وقفنا عند بقالة لحد ما أجتمعت الجيوب الخاصة بهذي الشركة
وكان عددنا 17 جيب ودينا بالتطعيس والضحك وكل واحد على حسب السائق اذا كان صغير بتشوف الهبال أما اذا كبير ما راح تستمتع كثير،،،
طبعاً لا تلبس الا ترنقات رياضة والله يكرمكم ( شب شب ) عشان ما تتضايق أو شورت بس يكون معك شي يدفي لليل،،،
بعد 45 دقيقة توقفنا لأخذ الصور التذكارية والمشي على النفود ( أخوكم العربي الوحيد وعادي عنده ) أما الأجانب الله لا يوريك منهبلين
ربع ساعة حركنا وتطعيس لين توصل محمية المها وبعد ما تدخل توقف لمشاهدة الغروب،،،
بعدها يتم الأقلاع الى المخيم،،،
وصلنا المخيم بعد غيبة الشمس ، وقفنا عند البعارين ( الجمال ) ويبدون يركبون عليهن وما فيه الا ضحك عليهم.
شكل المخيم،،،
بشكل عام المخيم ممتاز وعلى شكل دائري.
أول ما تدخل على اليمين دورات مياه أنيقة .
وعلى اليسار القهوة والقدوع ( التمر ).
بعد دورات المياه مخرج للمسجد وبعده خيمة بها جلسات.
بعدها كشك المشروبات الباردة من كل الأنواع
بعدها خيمة لوضع الحنا على اليدين ( اليد الواحدة مجانية ) والثانية رسوم رمزية.
بعدها كشك الشاي.
بعدها خيمتين أوثلاث.
بعدها عشة مخصصة للأراقيل ( مجانية ).
بعدها مكان عرض البوفيه المفتوح.
حتى تصل الى خيمة القهوة من جديد.
في الوسط مربع كبير ( بست ).
عليه جلسات على شكل مدرجات أرضية .
وفي المخيم دكتين متجاورتين.
برنامج المخيم اللي بيروح أقوله له لأني ما أبي الموضوع يتعدل عليه واجد من المشرفين ;)
لحد الساعة التاسعة ومن بعدها تبداء رحلة العودة مع طريق قريب من الأزفلت أي أنك لن تظطر الى أن تقطع الطريق الذي أتيت منه.
ثم ينزلون كل شخص في أي مكان يريد،،،
- لديهم برامج أخرى غير هذا البرنامج سأتكلم عنه فيما بعد
واللي يحتاج أي شي لا يرده الا الكيبورد.
مغامرة حلوة خاصة في هذا الوقت اللي تصلح فيها طلعات البر وشكلك مرة انبسطت ، بس صراحة يبي لنا نجرب هالمغامرة ، ولي عشم صغير اذا كان فية مجال نشوف الصور فنكون ممنونين .
وننتظر المزيد .
تحياتي .