- وايش اوفر وسيله تنقلات ..استخدمها
السلام عليكم ورحمه الله وبركاته
اسعد الله اوقاتكم جميعا
وصبحكم الله بالخير والنور
ابي منكم الفزعه انا اول مره اطلع لتركيا ومااعرف فيها اي شي قريت كثير بس احس معلوماتي مشوشه شوي
مااتبعت اي خطه لرحلتي ولا شركه سياحيه تنظمها لي,,حتى فكرت اكنسل الرحله
لاكن خطوط العربيه لاتسترجع التذاكر
رحلتنا مدتها 13 يوم ,, بتاريخ 7-7-2011
عددنا 7
6نساء ورجل واحد
على الخطوط العربيه
تم قص التذاكر ....الشخص ب1990وتذكرتين ب2300 بسبب تاخر حجزها
ابغى ترشحون لي من خبراتكم شقق سعرها معقول وتتكون من غرفتين ومطبخ وبمكان جميل
وتقولون لي ايش افضل الاماكن الي اروح لها في اسطنبول ....
كلمت شركه الحران الراقيه بالتعامل وافادني الاستاذ ( يحيى جزاه الله خير,,, بايميلات فيها صور لبعض الشقق المكونه من غرفتين وصاله وحمام ومطبخ (بترابيا) باسعار تبدا من 270 دولار تقريبا لليله
لاكن الاسعار اعتقد انها غاليه حبتين ..وميزانيتي محدوده ,,
وابغى استفسر هل ممكن اروح بورصه واوزنجول في الصباح وارجع في المساء ولا صعبه ,,
لاني اواجه كل صيف مشكله تغيير السكن كذا مره
(الوالد نظامه حطني لقيتني مايحب التنقلات الكثيره ) ,,,
وكمان ابي اعرف كم ممكن تكون صرفيتي باليوم ..من غير مشتريات خاصه يعني الاكل -الشرب-التذاكر للاماكن السياحيه-النقل
وايش اوفر وسيله تنقلات ..استخدمها
والمبالغ الي باخذها اصرفها دولارات ولا يورو ولاليره ,,وايش احسن اصرفها من هنا ولا من عندهم
واخيرا في احدى مواضيع قسم تركيا قرات عن وحده تركيه اسمها (ام محمد) تاجر شقق ,,في ترابيا ولما كلمتها هلت ورحبت لاكن قالت انا ماعندي حجوزات مسبقه ولا وسيله تشوفون الشقق قبل رحلتكم اتصلو علي وعطوني موعد الرحله وانا او ابني نستقبلكم ونفرجيكم شققنا واختارو الي يناسبكم .. ورجعت اسال اخاف اتبهذل واخاف اوصل مالاقي سكن او يصير فل .,قالتلي ابدا ماحيصير مشاكل الشقق كثير ومضمون ,,بس توصلو اختارو الي يناسبكم,اسعاري من150 دولار ل400 وفيه مطل على البسفور وفيه لا ,, ؟
ايش رايكم بهالموضوع اتوكل واروح بدون حجز او احجز باوتيل لاول يوم من شركه الحران وبعدها اشوف التركيه ام محمد ...
الله يسعدكم دلوني وش اسوي انا مشوشه ....
واخيرا وليس اخرا انا من عام 2007 اقرا في منتداكم وسفراتي لعده دول
(النمسا0المانيا0سويسرا0مصر,لبنان,الامارات )والان معلوماتي لتركيا,,
كانت عن طريق مواضيع وارشادات منتداكم العظيم ولم يتسنى لي وقت للتسجيل لانكم وفرتم عناء الاسئله والشتات
والله يشهد ان لكل صاحب موضوع استفدت منه قدمت دعوه له بظهر الغيب
الله يسعد ويوفق ويسخر ملائكه الارض والسماء لكل من فاد هاذا المنتدى واعضائه وزواره ,والله يرزقكم جميعا ,, ويعطيكم الف عافيه
انتظر الرد منكم ,,, وعذرا للاطاله
ام ابراهيم ....
