سلمان الورد
أخي العزيز بما أنك رايح شهر وأول مرة
حبذا لوتوزع وقتك مابين بانكوك العاصمة وبعض الجزر مثا بوكيت أو كوسومي أو كوه تشانغ وغيرها
وكذلك شمال تايلند مثل تشغنماي.
بتايا جميلة والحياة فيها 24 ساعة لكن كأول مرة حاول تنوع بالأمكان.
وهذا رابط أسايا ترافل فيه جميع الفنادق والمعلومات:
http://www.asiatravel.com/pattaya.html
أتمنى لك التوفيق وفي المنتدى كل ماتحتاجه من معلومات.

هلا وغلا فيك اخوي بصراحه لا بد من الروحه للاماكن الباقيه ابي اعرف لاني مغير الوجهه من الفلبين الورده الي تايلند ابي اشوف تايلند من كثر ما سمعت بس انت عارف الموقع هذا فيه الفنادق على عيني وراسي ابي المنطقه الحلوه في بتايا الي فيها العالم يعني احلى مكان قصدي والا الفنادق نقدر نوصل لها اهم شي وين مكان السكن في بتايا الي يقدر يفيدنا نكون شاكرين له ومقدرين

ذكرتني بالمواجع سلماني .......... اخ على بتايا ............ روح يبة واستانس ......... تبي تسكن اسكن في فندق اسمه مون لايت في حدود 700 بات يبعد عن المنطقة العربية حوالي 500 متر واكل من مطعم زهرة الخليج المجبوس والبرياني والهامور وحق السباحة روح تمتع في السباحة وركوب الالعاب المائية في شاطي الجوميتين لأن عندهم شاطى آخر اسمه بتايا بس عليك شوية فيه من ناحية النظافة ولا تنسي تأجير الدباب للفرارة والدوارة ...... وتقبل تحياتي

ههه هلا اخوي بحريني منور الصفحه
الفندق هذا اهو ان شاء الله الوجهه يوم سلت عنها بس مشكلته يقولون الزحمه وانك ما راح تحصل غرفه وهذي المشكله وين اقرب شي غيره في نفس مستواه الاحتياط واجب
اما الدبابات لا توصي حريص بستاجر دباب مع السواق ههه

آخيراً لقيت احد يسأل عن بتايا بس لانها عندي ،، حسب الميزانية ياسليمان ،، لانه تقريبا الشباب يحسبون اليوميه كم !
المهم ماعليك من هالكلام لانك بتحسبها بالمرات الجايه بنفسك !
عندك مون لايت ب 690 بات ،، وصح صعبه تحصل غرفه بهالوقت الي العرب دبل التايلندين !
شوفلك بوتيك ب 1200 ليلته تحصل فيه ،، مون لايت ماراح يسكنونه واجد لانه قاعدين يبنون فندق جدامه وفيه ممر ضيق حق الدباب ف صعبه يسكنونه لكن إن شاء الله تحصل !
بالنسبة للآماكن القريبه ،، تقدر تروح جزيرة كوشانج KohChang او منطقة شانترابولي فيها شلالات وشغل حلو حق يوم !
الجومتيين والسباحه فيه ،، رحلة Koh lan للعلم كلمه كوه يعني جزيرة ،، هالرحلة فيها 4 اشياء ،، غوص الموزه رمي والبرشوت !
نصيحة ل وجه الله ،، لاتعقد بس ب بتايا وتدمن عليها !! روح بوكيت على الاقل بس 5 ايام ومراح تكلف عليك إن شاء الله !
الرحلات سهله بس اللي بيذبحك السكن والطيارة ولا كل شي تمام وترى مو ذاك الزود لقينا سفريات حجزولنا طيارة رايح راد وسكن 5 ايام ب 8100 بات !
كيف دباب وسواق ؟ ههه لا فيه تكسي وماكو دباب وسواق :> وانصحك ب تكسي دباب يوديك ل رويال قاردن ب 20 بات
او لو تقدر تمشي روح ل شارع VC واركب تكسي عربانه يأخذ منك 10 بات !
اما المجمعات بق سي واهو بعيد وانصحك تروحله بطريقة ال 10 بات ،، واللوتس عند سوق الاحد وانصحك ب سوق الاحد رخيص وماركات على 200 بات وشغله حلو !
المنطقة العربية روتينهم واحد ولايتغير ،، تقدر تروح بانكوك وتغيير الجو شوي وعندك خبيرنا بانكوك 1985 إسأل عنها !
أي شي تبي تسأله إسال تراني برسم الخدمة !

هلا وغلا اخوي BoNaSSerQ8
نورت الصفحه يا غالي ونرتنا بالمعلومات اسمي سلمان مو سليمان ههه
الشي الثاني انا ماني من النوع الي احب الاسواق بيني وبينك مو ذات اهميه ولا احب الرحلات الكثيره جوي معروف وانت
فاهم يقولون بتايا وانا والله اسمع وبس عنها والا كانت رحلتي للورده مانيلا وتغيرت باسباب غريبه ابي احسن شي
في بتايا حق الشباب انت عارف سكن يكون نظيف ولا ابي فنادق الي يكثرون فيها صغار السن بيني وبيك نبي نريح روسنا
مانبي ازعاج وابي اجمل الاشياء في بتايا نبذه عنها قد ما تستطيع يا غالي واكون شاكر ومقدر لك

آها آحب الشخص الهادئ الرومنسي ،، ومن جبت طاري بتايا مو ضابط عيار المخ ياخوي
بتايا تقريبا الظهر او من بعد 10 تكون حارة شوي ،، لانها الشمس تكون على راسك ف اغلب الشباب هالوقت ينامون !
ويقعدون تقريبا بعد المغرب ب شوي .. يروحون يأكلون من المطاعم العربية .. ثم تمشي او يلعبون بولنق بمجمع tops على شارع VC
ومن تقريباً 12 او 1 تبدا سهره بتايا ،، وانت فاهم ،، وتخلص تقريب 8 ،، وعلى هالمنوال !
بالنسبه لصغار السن حسب اللي سمعته والي شفته قبل جم يوم وانا ب بتايا رديت يوم 27 !
انه فيه عوايل خليجيه بمنطقة العربيه والي فيها من خراب ومعاهم عيالهم ،، وفيه من مواليد 1992 راح يكونون اهناك !
السكن بعيد عن الصغار فندق إسمه ببايا او بيادا ،، او بريما ،، انصحك ب ببايا او بريما ،، لكن اثنينهم بعيدين عن المنطقه
للعلم ان مون لايت تقريبا يبتعد مثل ماذكرو الشباب ب 500 متر وببايا وبريما ابعد بشوي يمكن 700 او 750 !
ولو اني اقدر اسوق دباب كان ماسكنت الا بهذول بعيد عن هالزحمه !
بشكل عام ،، اذا تكرهه زحمه الخليجيين ،، راح تكره بتايا ،، لانه من 28 بدو الشباب يوصلون واعتقد الحين متروسه :>واذا مايهمك عادي راح تعيش الجو !!
اول يومين او ثلاثه راح تكرهها من الريحة الي بتشمها ومن حياه البسيطه جدا بس صدقني احلى منها مافيه !

حبيبي والله بروح اشوف الوضع وعلى انك فتح لي باب اني اروح يومين وانحاش بيني وبينك كانها شمس وحر اروح لمعشوقتي اللفبين يا اخي السنه الي طافت 36 يوم ما شفت الشمس الا ايام معدوده ولا تطلع اليوم كله يعني تطلع وتروح وكانها روائح لا يا اخي انا مسافر ابي البسط والنظافه بصراحه لازم احسب حساب كلامك دخل راسي مره
تعرف اكثر تجمعات الخليجين تحصل وجع الراس المشاكل الي منحاشين منها

السلام عليكم
ولو قاطعتكم يا شباب
ولكن أعذروني
أخوكم يبي خدمه من وكيل تويوتا بتايلند ,, محتاج لقطعه لسيارتي الفورتشنر 2009 ماوجدتها ولا بمكان ولقيتها بالموقع التايلندي لتويوتا ..
ممكن من اللي موجودين هناك يقدم لي خدمه ويشتريها ويشحنها لي من نفس تايلند إلى اليمن , يعني بريحك من شيلها وحطها , وأنا متكفل بجميع ما يخص القطعه من تكاسي وشحن وخلافه ,, حتى لو تفرض علي أتعاب أنا حاظر
أهم شي تساعدوني الله يحفظكم في حلكم وترحالكم .