khaledmoh
14-06-2022 - 06:18 am
بسم الله الرحمن الرحيم
مساء الخير لكل مرتادي بوابة ماليزيا
ان شاء الله يكون زواجي في شهر يناير القادم ومحتاج مساعدتكم
ودي استشيركم في السفر الى ماليزيا شهر عسل من الفتره 14 حتى 30 يناير 2005 هل هذا التوقيت يعتبر مناسب ؟ خصوصا انه يوافق ايام الحج وعيد الاضحى ؟
ثانيا ودي بجدول خلال الفتره هذي بحيث يشمل كوالالمبور وكاميرون وبينانغ ولنكاوي ؟ مع مدة الاقامه في كل منطقه وافضل طريق للوصل اليها سواءا برا او بحر او جو ؟ وكذلك افضل الفنادق من حيث الخدمات ؟
واكم جزيا شكري وانا فعلا بحاجة راي كل واحد فيكم
بالعكس وقتك يعتبر مناسب جدا لأن ماليزيا جوها واحد طول السنة يعني مافيه وقت برد أو وقت حر وثانيا السياح في هالوقت يعتبرون اقل من فترة الصيف وخاصة السياح العرب والخليجيين وكذلك حيكون بعد أعياد الميلاد ( الكريسمس ) وراس السنة للأجانب والصينيين . زميل لي سافر لماليزيا في عام 1423 هجري وجاء قبل عيد الأضحى بيومين يعني زي وقتك يقول كان الناس قليل ( صح ان كثرة الناس وناسة ) لكن هذي الفترة بيكون عدد الناس معقول جدا وجيد
بالنسبة لتنظيم الإجازة
انت بتقعد من 15 الى 16 ليلة ( صح ولا لا )
اول ما توصل كوالا لمبور ضبط سفرتك إلى لنكاوي على طول ريح شوي في المطار كم ساعة ثم رح بالطيارة إلى لنكاوي مسافة ساعة واحدة بس واقعد فيها 3 أيام على الأقل ثم بالطيارة مسافة نصف ساعة لبينانج لمدة ثلاثة أيام ثم بالباص أو بسيارة خاصة ( وانصحك هنا بباص لأن الطريق حلو ( خذ الطريق الجديد مو القديم )للكاميرون هايلاند الرائعة مدة ثلاثة أيام ثم بالباص او بالسيارة ( وانصحك بسيارة خاصة لأن الطريق شوي لفلفة وصغير ) لكوالا لمبور مدة 6 او 7 ايام يتخللها يومين في سلانجور ( نصف ساعة بالسيارة ) في فندق الخيول الذهبية ( من يوم تجي لكوالا لمبور عشان ترتاح من الخط ) اثم تكمل المدة في كوالا لمبور يتخللها يوم لجنتنج تروح الصبح وترجع المساء ويمكن يوم في افاموزامع تمنياتي لك بسفرة موفقة وزواج سعيد