mrhbaa
12-02-2022 - 09:52 pm
اي والله لا خلا ولا عدم يا اهل الامارات بالصراحة انا من خلال بحثي في جميع المواضيع والاستفسارات من الاعضاء ما لقيت غير سعة الصدر منكم وطولة البال على الرغم من الاستفسارات المتكررة من الاعضاء
شفت من الاخوان الاعضاء للاسف الكثير منهم كسول وضيق بالة بالبحث بالمواضيع السابقة ليجد ما يبحث عنة دون السؤال بموضوع جديد وطولة بالكم بالرد على الاستفسارات المتكررة
بعد البحث الجيد للاسف اني ما لقيت اجوبة لاسئلتي المتواضعة
انا جيت دبي في عام 99 وللاسف لم يحالفني الحظ ان ازور دبي خلا هذه السنوات لانشغالي بالدراسة والحياة الاجتماعية
بما معناه اكيد الديرة تغيرت وازدهرت كثير عما كانت علية
اسف للاطالة
باختصار شديد انا جاي بتاريخ 28 مارس صباحا وراجع الكويت بتارخ 31 مارس مساءا
يعني اجازة محدودة جدا
زيارتي ابي استغلها (من و الى) ابي اشتري بضاعة متواضعة عبارة عن دراعات نسائية وبعض الاكسسوارات والشيلات او الملافع النسائية
اخواتي اخوني ارجو افادتي بأجوبة وافية على اسئلتي وبيض الله اوجيهكم
1- لا اريد مجمعات ولا اسواق باهضة الثمن ولا تمشي وسياحة ممكن تكون بالمرات الجاية انشالله؟
2-اريد اسواق متواضعة و عناوين محلات ان وجد للدراعات النسائية والاكسسوارات تكون بسعر الجملة؟
3- اوقات وساعات عمل الاسواق خلال اليوم؟
4- فندق في نفس السوق ان وجد او قريب ويكون رخيص جدا ماتهمني المظاهر تهمني النظافة وانا شخص واحد فقط؟
5- هل احتاج استأجار سيارة ولا التاكسي يكفي؟
6- وذا كانت الاسواق تقفل ابوابها مبكرا ما البديل من الاسواق القريبة من المكان؟
7- الوزن المسموح بالطائرة 30 كيلو
فهل هناك مكاتب شحن بري اشحن البضاعة على شكل شنط ملابس خاصة لتفادي الجمارك على البضاعة؟
8- وبالنسبة للجو بالنهار والليل بدبي في الوقت الحالي؟
9- انا من محبي الافلام ومتابعيها فهل هناك سينمات قريبة من السكن؟
10- هل قريب من السكن محلات موبايلات واكسسوارات جملة؟
اخواتي اخواني اطلت عليكم كثير والله لا يحرمنا من ردودكم وياليت الكل يقترح ويشارك ولكن باسرع وقت ممكن لان الوقت ضيق جدا جدا
مع الشكر اللا متناهي للاخوة والاخوات الاعضاء المشرفين
:bounce8:
أسألتك كثيرة وممكن يفيدك غيري فيها ..
بخصوص المحلات اللي تبيها وبأسعار مناسبه وحلوه ماعندك غير سوق عكاظ وسوق مرشد ونايف وكلهم بنفس المنطقة تقريبا ..
يعني ممكن تخصص يوم تلف فيه سوق الجمله اللي بالرأس قرب سوق مرشد والذهب
يعني تقول حق التاكسي ودني سوق الراس ومن هناك لف في المحلات راح تلقى فيه الاكسسوارات وماشابه
أما بالنسبة للدرعات فأفضل مكان أشوفه هو سوق عكاظ وهو أيضا قريب منهم ..
بالنسبة للجو بدبي حار بصراحه ..
يعني السوق يفتح تقريبا الساعه 9 لين وحده الظهر تقريبا ، و يختلف من محل لمحل يعني مو كلهم بنفس النظام
ويرجع يفتح مره ثانيه من 4 إلى 10 تقريبا
ومثل ماقلت مو كلهم يعني ممكن تلقى محلات فاتحه من 9 الصبح إلى عشر المساء ..
بس نصيحة مني تسوق أول الصبح لأن المحلات تكون فاضيه من الناس أما العصر فيكون زحمة
وبالنسبة للجمعه فمعظم المحلات تسكر فترة الصبح والعصر يفتحون بس مو كلهم ،، فيوم الجمعة خله للمراكز والسينما أفضل
وفي عندك سينما قريبه وفنادق كثيره بالسوق موجوده بس رخيصه جدا واسمح لي ماأنصحك تسكن فيها لأن أغلب روادها ناس دون المستوى ويكثر فيها الممنوعات يعني شبهه بنظري
ولاتنصدم من وجود الجاليات الهنديه والروسيه والبكساتيه لأنهم هم الأغلبيه هناك ونادر ماتشوف بالغلط مواطن
دبي تغيرت كثير عن قبل صحيح صارت أحلى بس الزحمه دمرتها كليا
وبالتوفيق