افا وين الناس ياجماعه شكلكم مسافرين

مرحبا ، ، ،
سوري والله توني اشوف الموضوع
والله اسآلتك كثيره ،،
بس افا عليك ، ، ،
انت تامر . . .
10/10/2008م
بيكون اكتوبر ،، واكتوبر بارد و بدايه الشتا فراح تلقى امطار وبرد . . .
دامها بوابه المانيا بجاوبك عالي اعرفه الا وهو المانيا . .

• كم تكفي مدة للرحلة اول مره اسافر الى اوروبا؟

والله انت وميزانيتك . .
اشوف شهر او 20 يوم حلوين ، ، ،(ولاتنسى الجو بارد ، ، ،)

• ناوي استأجر سيارة ايش رايكم؟

تفكير حلو ، ، ،
من افضل الاماكن (يوروب كار)
تاخذها من مطار ميونخ وترجعها مطار باريس( اولاي . . .)
ولا تنسى النافيقيشن . . .

• ايش افضل الاماكن للزيارة؟

ميونخ فيها وايد اماكن . . .
مثل الاولومبيك بارك - الانجلش قاردن (حديقه مافيها الا عشب) .. المارين بلاتز (مركز ميونخ ) . . .
حديقه الحيوان - المجمعات - المتاحف . . .
ولا يفوتك توقيعي . . .

• ايش افضل الاسواق؟

المارين بلاتز (ساحه وسط ميونخ ) . . .
الريم اركادا . .
شارع الماكسيميليان في المارين بلاتز فيه ماركات ، ، ،

• ايش افضل الفنادق؟

لو ودك في السنتر
عندك الكمبنسكي
عندك الهوليداي ان
الميرديان
وهالرابط مفيد جدا
https://artravelers.com/p/re/146070
اولا واخيرا ،،،
على حسب الاشخاص - انتوا عايله ولا زوجين ،،
فيينا ، ، ، (راح اقولك على قد معلوماتي)
حلو انك بعد تسكن في شارع المشاه (الكارتنر)
في فندق اسمه الماريوت ،، كله عرب ، ،
الاسواق في شارع المشاه منتشره . .
فيينا فيها حدائق
و تمشيات ومطاعم ،، ومن اسهل البلدان واتوقع انك تحبها اكثر لانها سهله . .
هالرابط مفيد جدا
https://artravelers.com/p/re/104618
اذا بتاخذون سياره تقدر تروح من ميونخ الى زلامسي (ساعتين ونص)
تباتون كم ليله ،، (لان مافيها الا بحيره )
وتروحون الى فيينا (خمس ساعات) . . .
او تقدر تستغل الطيران الاقتصادي وايد رخيص ، ،
وتقدر تحجز من بلادك عن طريق النت او سفريات . . .
وعلى فكره في منطقه ثلجيه جنب ميونخ اسمها قارمش تقدر تروح لها بالسياره . .
سويسرا
(جنيف) فيها بحيره ، ، ،
ومطاعم واسواق وطبيعه ،، بس الطبيعه تغلب عليها ،،،
الكاكاو منتشر ، ، ،
والله الساحه السويسريه ماتقصر ان شاء الله ، ، ،
هذا اللي عندي
وشوف المواضيع المثبته الي في البوابات
الف شكر . . .

للأسف لم يسبق لي زيارة ألمانيا وألا كنت أفدتك.. بالنسبة لفيينا فزرتها مرة ومافيها ألا سوق واحد وخارج فيينا ولا يستاهل العنوة..
اللي يحب يتسوق له 3 مدن من وجهة نظري ..
أيطاليا
باريس
لندن
وممكن ألمانيا ولكن للأسف ماعندي فكرة عن سوقها..
أتمنى من أهل الخبرة يفيدونك
وتمنياتي برحلة سعيدة..

مرحبا اخوي المخبر انا توني جاي من اوربا وعندي خلفيه عنها من السابق اولا وش جاكم على السفر في البرد الله يعينكم اذا في اغسطس برد وايام جمده على كل هذي رغبتكم خذو ملابس شتويه صح ومضلات ومعاطف للمطر بالنسبه للسيارة خذها وانت مغمض اوربا ماتنفع من غير سياره على كيفك ويورب كار ممتازه ولاتنسى النفيقيشنبالنسبه لمخطط الرحله فيه تشتت بس اذا هاذي رغبتكم براحتكم ميونخ الله يعينكم على غلاها تستحق 6 ايام الاشياء الجميله فيها الاولمبيا بارك والحديقه الانجليزيه والمارين بلاتز السنتر وشارع الماكسميليان كله ماركات ومنطقة محطة القطار والحي التركي وزيارة قصر حكام البفاريا وزيارة مدينة قارمش حلو سنترها وفيها بحيرة آبسي وممر مائي عبر الجبال رائع وقمم ثلجيه لا انصح بها بالقرب من ميونخ يوجد قرية تختص بالاوت لت وهي ماركات مخفضة لا تفتح الاحد village ingolstadt وهناك مدن ملاهي سكاي لاين والليجو لاند وعند مغادرتها زورو سالزبرغ النمساويه وانتم في الطريق لفينا تبعد 100 ك اما فينا تستحق في نظري 3 ايام يوجد شارع المشاة وكله محلات ومقاهي واستعراضات وملاهي بلاتر وجوله في نهر الدانوب انصحكم بزيارة زيلامسي 5 ايام ومنها الى سويسرا زورو زيورخ اذا حبيتو ولكن انصحكم بعروس سويسرا انترلاكن وفيها اماكن سياحيه كثيرة وقمم ثلجيه جنغفراو رائعهتستحق 6 ايامجنيف مافيها شي هناك مدن على بحيرة جنيف مثل مونتريو ولوزان انصحك بزيارة انسي الفرنسه قريبه من جنيفوانطلق من هناك الى باريس ولكن للعلم في الجو الممطر تغلق جميع الاماكن السياحيه والتلفريكات واحيانا حتى المحلات والسوبر ماركات تعبت اخوي الان واي خدمه انا حاضر

ساره2007
الله يعطيك العافيه وتسلم الايادي بس انا بديت افكر من جديد رحله بتكون طويله ولا ودي اشتت نفسي بين الدول فا بختار بين افضل الدول التى تستحق الزيارة اشكرك على مجهودك ومعلوماتك.

حتشبسوت
الله يعطيك العافيه وشكلي انا بغير الاختيارات

عزيز100
مرحبا نحن من عشاق البرد اشكرك اخوي العزيز ايش رايك ايش الدول التى تستحق العناء والزيارة وكم تبلغ المسافات بين الدول مثلا من ميونخ الى فينا ومن فينا الى سويسرا ومن سويسرا الى باريس
ولك ا جمل تحيه

خليني أفكر بصوت مسموع ..
ميونخ .. تاخذ سيارة أجار من المدينة وليس المطار (توفير 16%)
4 - 7 ايام (مدري عن اجمالي المدة لاجازتك)
فينا ممنوع من السفر لأنها في أقصى الشرق والباقي كله جنوب وغرب ميونخ ..
ممكن تزور زيلامسي وسالزبورغ ومنطقة البحيرات في النمسا وهي تكفيك (اسمك شفت النمسا وطبيعة أهلها) ولو ألغيتها أفضل برأيي
بعدها الأهم ..
سويسرا وما أدراك ماسويسرا .. كل قراها ومدنها بتحتاج وقت طويل لكن نقول اسبوع انترلاكن تزور قمة يونفراو اجمل قمة في أوروبا (مع زيارة لوزيرن وبيرن العاصمة رائعتان للتسوق والاستجمام)
وفي جنيف 4 ايام تزور آنسي الفرنسية وشامونيه الفر نسية ايضا
ثم باريس وترجع السيارة فيها
ملاحظة : ميونخ من أجمل أماكن التسوق وخصوصا المارين بلاتس والماكسميليان فلا تضيع الفرصة
الأسعار غرف خمس نجوم لشخصين بالمتوسط 950 ريال تقريبا في الكل (ألمانيا والنمسا الأرخص) باريس قرب الشانز غالي جدا ممكن 4 نجوم .. سويسرا في انترلاكن 4 نجوم رائع فندق ميتروبول وهناك غيره .. أي سؤال أي خدمة

اهلين فيك اخوي المسافه بين ميونخ وفينا بعيدة جدا اعتقد فوق 500 كيلو وانصحك تلغيها من الجدول لان مدن اوربا للمعلومية متشابهه جدا اكتفي من النمسا (سالزبرغ .ومنها الى زيلامسي ) ثم الى سويسرا وحقيقه لا اعرف المسافه بالضبط ولاكن انتر لاكن في وسط سويسرا وسط سويسرا هو الاجمل وتبعد انترلاكن عن جنيف تقريبا 200 كيلو ومن سويسرا الى باريس تقريبا 400 كيلو بصراحه جدولكم صاير مثلث وكل بلد في جهه عن نفسي اجمل مارايت النمسا وسويسرا كطبيعه ووسيع صدرها ممكن تضع في جدولك شمال ايطاليا فهي قريبه من زيلامسي وانصحك بعدم القياده من قبل المغرب والليل في طرق السفر لانها خطيرة بعض الشئ احيانا وعرة ومنحنيات ومرتفعات واحيانا ضيقة وامطار وسواد الغابات موحش عليك بالنهار مناظر رائعه وخياليه تحياتي واتمنى اكون افدتك