الاجواء بتكون بارده ولكن انشالله بتنبسطون مع ان اغلب الملاهي وهالاماكن بتكون مسكره
عموما من جنيف لماربيا تحتاج طياره من جنيف لملقا وتكمل لماربيا بباص او سياره
الجو بيكون في ماربيا ادفأ من باقي اوروبا وانا اقول قدم اسبانيا على فرنسان لانها بتكون ادفأ شوي وخاصه الجنوب الاسباني و 5 ايام كويسه بجنوب اسبانيا

يعطيك العافيه اخوي
لكن عندي كذا استفسار لاهنت
يعني ماربيا راح احتاج للملابس الثقيله بوقت سفري لها ..؟
ومطار ملقا دولي ولالا .. اقصد اذا برجع للسعوديه ان شاء الله ابي العوده من اسبانيا لكن اقدر ارجع من ملقا ولا لازم من مدريد ..؟
وكم ساعه من ملقا الى ماربيا بالسياره ..؟
واسف ع الاطاله يابعدي

خلك على اسبانيا احلى وانظف من فرنسا,
بالجنوب صحيح ادفى من شمال اسبانيا ومن فرنسا, بتحتاج ملابس بالاضافه إلى جاكيت عادي, واتوقع ربما يكون فيه امطار بديسمبر..
بالنسبه لمطار ملقا للأسف محلي ..يعني تضطر ترجع طيران اقتصادي لمدريد او برشلونه, ثم للوطن..

لين هنا الوضع اوكي معاي يعطيكم العافيه
لكن .. اذا وصلت اسبانيا وخصوصا ملقا واكون جاي من سويسرا ابي اروح على ماربيا على طول اقعد فيها خمس ايام ويومين في مدريد لانها راح تكون محطه عودتي
استعنت بالله وخليتها سويسرا واسبانيا
الي ابيه منكم لاهنتوا .. فندق نظيف وممتاز وقريب من كل شي بماربيا ومدريد
وتنصحوني استاجر سياره بماربيا ..؟ واسعار ماربيا غاليه ولالا ؟
تكفون لاتطفون حماسي لاسبانيا بعدم ردودكم

والله يا اخوي انا مثلك للحين قاعد ارتب مخطط لي من الخبراء بأسبانيا..
بالنسبه لكلام الاخوان, بترتاح لو تستأجر سياره بالجنوب,
انا راح استأجر بمدريد وبنزل فيها للجنوب..وترى مو غاليه كثير..
انا باخذ قولف فولكس واجن.. ديزيل لمدة 12 يوم تقريبا بتطلع بحدود 2000 ريال ..
ونعم حسب كلام الاخواه اسعار ماربيا من محلات وبعض المطاعم غاليه..
ويلا كمل تخطيطك, لاتطفي حماسك هع..

من ملقا لماربيا حوالي 40 كيلو والمواصلات متوفره بالباص لو حبيت
السكن يعتمد على ميزانيتك وعندك هالرابط فيه افضل الاماكن للسكن على حسب ميزانيتك اختار اللي يعجبك
https://artravelers.com/p/re/403180

طيب يا مشرفنا العزيز, هل عندك فكره عن الجنوب الاسباني؟
ألاحظ اغلب التقارير, السياح يسكنون بملقا او ماربيا, ثم كل يوم يطلع بباص او قطار لمناطق الاندلس ويرجع لسكنه.
انا عندي فكره مختلفه بس ابي رأي أحد فيها..
بما اني مستأجر سياره من مدريد ونازل للجنوب..
هل الفكره كويسه اني اسكن بكل منطقه من مناطق الجنوب بالترتيب, بتصادفني اول شي قرطبه.. اسكن فيها ليله او ليلتين مثلا..
ثم تصادفني اشبيليا, اسكن فيها.. ثم تصادفني مارييا واسكن فيها .. ثم ملقا واسكن فيها, واخيرا غرناطه اريح فيها ليله ثم طيران اقتصادي لبرشلونه..
هل تأيد هذه الفكره بدلا من اقامه بملقا اسبوع ثم التنقل رايح وجاي لمناطق الاندلس؟