اهلين فصولي .............
الصيف الماضي نويت اني استأجر شقة عن طريق موقع لودجس ( lodgis ) وهي من اكبر وأشهر الشركات في تأجير الشقق في باريس وهي مضمونة ومجربة من اصدقاء بس هونت واخذت فندق .... موقعهم حلو تحدد المنطقة الي تبي تسكن فيها وحدود السعر وعدد الاشخاص وهو يعطيك كل الخيارات المتاحة .... وهذا رابطهم
http://vacation.lodgis.com/en-gb/paris/liste/

تسلملي والله يا طير ..
دايم انت تشارك وتفيد ماشالله ..
يعني يا طير ما عمرك جربت تاخذلك شقه .؟
عموما نشوف الأعضاء ... شباب الي قد جرب ياخذ شقه بباريس لا يبخل علينا بمعلومات عنها .. وعن التجربه ..

انا كنت مقيمة في باريس 8 سنوات وكنت احجز لأهلي واقاربي في شقق فندقية اسمها دي روي جدا ممتازة عندهم نظام غرف وسويتات وسويت عبارة عن غرفة ومطبخ وصالة والاخيرة احلى شيء الشقق نظيفة وصار فيها تجديد في السنتين الاخيرة واذا كانت اقامتكم في باريس لأكثر من اسبوع يسوون خصم حلو يعني يطلع عليكم السويت بغرفة ومطبخ تقريبا ب 180 يورو موقع الشقق ممتاز قريبة جدا من شارع الشانز وشارع مونتين الشهير وبيتزا بينو ........ وما انصح بالشقق عن طريق المكاتب لأنهم بالذات مع الخليجيين يصيرون استغلاليين وبالذات بمسألة التأمين واذا انتهى العقد يتحججون بأي حجة ومايرجعون التأمين هذا غير انهم يعطونا شقق غير الي حاجزينها واثاثها قديم ....
وهذا رابط الشقق الفندقية
http://www.residence-du-roy.com/en/

أسيرة الغربة
شكرا على مشاركتك ..
انتي ما تنصحين الأستأجار من المكاتب .. طيب و المواقع .. .؟
مواقع الشقق المشهوره استأجر منها ولالا .؟
انتي ما جربتي .؟

FSOLY
معظم المواقع هي شركات وسيطة بين المكاتب وملاك الشقق والمستأجر هم اهم ماعندهم العمولة الي ياخذونها ويا هم يسوون العقد بشروط المكتب او المالك او انهم يوصلونك لهم بعد مايضمنون نسبتهم واذا انت مصر على شقة معينة انا انصحك انك تشوفها قبل يعني تروح وتسكن بفندق يوم او يومين وتستأجر بعد ماتشوف موقع الشقة ونظافتها وتتفق على كل شيء مرة من المرات عائلة استأجرت شقة بعد ماشافتها وكانت مجهزة بالكامل وبعد ماراحو للمكتب وسوو العقد اشترط المكتب انهم يستلمونها ثاني يوم عشان يجهزونها ويوم راحو لها تخيل مالقو اشياء كثير مثل الغسالة والمايكروويف وبعض الاثاث حتى التكييف لقوة مفصول وقالو لهم ان الشقة بدون تكييف واذا تبون تتحملون قيمة الكهرب وانتبة من المكاتب العربية للأسف اغلب النصب منها ...... الله يكتبلك الي فية الخير.
وبقولك على شغلة في منطقة بين باريس وديزني اسمها تورسي هي منطقة ريفية وفيها مجمعات سكنية مثل الدوبلكسات جدا حلوة مثل مجمعات اورلاندو بأمريكا ومحطة المترو قريبة منها والمنطقة هادية وحلوة وفيها حديقة كبيرة وبحيرة اذا انت ودك فيها انا اسألك عنها بالتفصيل وهي بعيدة عن باريس 30 دقيقة بالمترو .

أسيرة الغربة
ماشالله عليك ..
اما بالنسبه للمنطقه الي تقولين عنها 30 دقيقه بالميترو لباريس .. لالا بعيده ماتسوا ..
انا الي مستغرب منه المواقع ... اذا اتفقت وارسلت فلوسي على رقم حسابهم من البيبال او من البنك مباشره .. كيف اوصل للشقه بالضبط ..؟ ما اعتقد اني اروح لمكتب ... اعتقد اروح للقه مباشره ولالا .؟
بس كيف .؟ احكيلنا عن تجاربك ..
شكرا على اهتمامك والله من جد ..

وين عشاق الشقق والمتعودين عليها والمجربينها ..
افيدونا ......

سلام
ياجماعه كذا خوفتوني !
انا هالسنه نويت على السكن في شقه وبالفعل استاجرتها عن طريق
احد الشركات وتعاملهم مره كويس .. سفرتي في الصيف بس حجزت وارسلت
الفلوس ووصلني عقد اايجار ووقعته .. عموما ان شاء الله خير ..
بالنسبه لطريقه الوصول تروح للشقه مباشره وتقابل المالك او الشخص المسؤل
وعاده اغلب الشركات تحط لنكات لشركات ليموزين متعامله معهم اذا تبي تحجز من
خلالهم وبسعر كويس ..
بالنسبه للشقق حجزت هالسنه شقه في باريس وشقه في روما
وراح افيدكم بالاخبار اذا رجعت ..
اتمنى انها تكون تجربه جيده وتكون الشركات اللي تعاملت معها موثوقه ..
في باريس : paris attitude
في روما : rental in rome
شفت تجربة احد الاخوان في استأجار شقه في فيينا
وكانت روعه الشقه .. ياليت الاخوان يفيدونا من جد خيار
الشقق مناسب للي اعدادهم كبيره واللي يفضلون الطبخ .

والله معلومات في قمة الروعة وجدا قيمة
ح مودي