ألا كل شئ يقولونه على طول أتبعوه بالحرف الواحد نصيحة مني
أولا
السلام عليكم ورحمة الله وبركاته
أشكرك اخي فيصل 2006 و جميع الاخوان اللي ردوا علي في أستفساراتي بخصوص سفرتي الى مدينة الاضواء
والله العظيم أني أول مرة مسافر الى باريس
ومن كثر ماقراءت
وكتبت في في هذا المنتدى
من أستفسارات و اسئلة
قسم أني القى التفاصيل الدقيقة اللي يرد علي اخوي فيصل و بقية الاخوان قدامي بدون أدنى مبالغة
حتى المدام أبلشتني ,,,
تقول كم مرة جيت باريس
وش عرفك بكل هذه الامكان
وانا اسوي على قولة فايز المالكي ,,
يعنني مسوي فيها , جايها أكثر من مرة وانا صغير
طبعا سفرتي كانت بتاريخ 11/ 7 لمدة أسبوع
سكنت بفندق hotel vernt
فندق ممتاز كموقع ولاكن سعرها مبالغ شوي ,, وماأنصح كعوائل يسكنون فيه واللبيب بالاشارة يفهم
تنقلاتي كلها عن طريق المترو اللي كان أسهل من السهل
و انصح اي احد مايعرفه يسو مثلي يقص 10 تذاكر يقيمة 12,5 يورو وياخذ عنوان الفندق ,, عشان اذا ضيع ,, ويبداء يجربه لحاله عشان يتعلم
ساعة زمن وانت عارف كل شئ
في بعض الامور حصلته بس ما ادري هل في احد وضحها او لا ؟؟؟
لاكن من باب اني اذكره
تذاكر ديزني : اذا قصيتها من محل ديزني اللي بشانز يطلب اسمك , واذا رحت للمدينة لازم يكون معك أقل شئ صورة للجواز للمطابقة
كذلك محل اللي اسمه فيرجن يقصوا تذاكر لاكن حقت ثاني يوم
أحتفظ بتذكرة الذهاب حقت القطار عشان في باب لازم تفتحه بتذكرة,,و بغيت ارمي تذكرتي احسب انها مثل تذاكر المترو اللي اذا طلعت من المحطة خلاص مالها اي اهمية
الفيزة طلعتها من مكتبة سياحية من التشيك وعلى طول لباريس ولا احد قال لي وين انت رايح
المطعم اللي حسيت انه ممتاز وسعره جيدا,,,,,,, مطعم نورا , بعد فندق الفور سيزن تاخذ يمين تمشي تلقاه قدامك قطع الشارع , سعره عشاء للشخصين يكلف 50 يورو , عشاء على كيفك
اذا ركبت المترو او القطار ابعد عن الكراسي اللي عند الباب خلك وراها ,, عن الازعاج و احتياط من النشالين اللي ماشفت ولا سمعت عنهم
لاحظت شغله , الديرة ديرة ماشاء الله كلها كويتين واماراتيين السعودين المرتبة الثالثة
الشاحذين يكثرهم مايخلونك تمشي مرتاح
بالمطار برجعة بغيت أتوهق , ينزلك للصالة التاكسي وبعدين تركب قطار يوديك للصالة رقم 2 اللي تتواجد فيه الخطوط السعودية وما ادري ماحصلت احد ذاكر هذا الشئ
وفي النهاية لاتاخذوا بكلام المشرفين
الا كل كلمة خذوها وطبقوها
شكر ا اخي فيصل , ماشاء الله عليك وعلى طولة بالك بردود خاصة علي, طفشتك بالاسئلة
لاكن أقل شئ اقولك لك الله يوفقك دنيا واخرة
أعتذر لطرحي لهذا الموضوع هنا
لاكن من مبداء حبيت اني اشكرك الجميع و ادارة المنتدى و القائمين عليه
أخوكم
فهد