r1000
وإن شاء الله أكون أفدتك ببعض المعلومات ..
ورحلة موفقة ..

وعليكم السلام
قالو لي ان في مطاعم فنفس الشارع هل صحيح هذا الكلام
شي مطاعم بالهبل (بتحتار وين تاكل كل يوم) عاده انصحك بالتغير يعني كل يوم جرب مطعم جديد
وهل أقدر امشي من الشقه لين المطاعم والا احتاج لسياره تنقلني ؟؟ ( هل المسافه قريبه )؟
مسافه قريبه
وما هي المطاعم الموجوده في شارع الشيخ زايد واتمنى تذكرون لي موقعهم بالضبط ؟؟
وايد مطاعم الصراحه بتحصل مطاعم عربيه ,هنديه ,صينيه, مكسيكيه ,يابانيه, ايطاليه راسك بيلف ههه
هذا الموضوع بيفيدك
https://artravelers.com
وبغيت المواصلات الي فدبي غير التاكسي ...؟؟
اجرلك سياره , بتحصل مع السائق بس غالي يعني التاكسي اوفر لك
مع الارقام اذا ما عليكم أمر وكم سعرهم ؟ وهل في تأجير سيارات بسائق ؟
حاليا ما عندي اي رقم (اتصل 181 دليل ارقام الهاتف في الامارات واطلب اقرب مكتب تاجير سيارات في شارع الشيخ زايد) او من الاستقبال في الفندق
الاسعار تقريبا تبدا من 100 درهم في اليوم (كورولا , صني , تيدا , سيفيك) يمكن اتحصل ارخص واغلى والاسعار تختلف على حسب نوع السياره
وشو اقرب المراكز لشقق شيلسي تاور ؟ الكثير مدحو لي جميرا الي فيها الكوفي شوبات والمطاعم هل تصلح للتمشي مع العلم ان رحلتي بتكون اول ايام العيد ؟
موقع شقق شيلسي
شارع الجميرا ممزور كوفي شوبات و مقاهى ومراكز تسوق
فندق برج العرب وفندق الجميرا بيش وحديقة الالعاب المائية (وايلد وادي) على امتداد شارع الجميرا
الافضل
( مركز ميركاتو ) جميرا
(سوق مدينة جميرا) جميرا
(مرسى دبي او مارينا ورلك) جميرا
هاي صور مرسى دبي
روح مرسى دبي بعد العشاء او اتعشا هناك (عندهم كوفي شوبات حلوه والقعده احلى)
وكيف الجو بيكون في دبي ؟
الجو بدا يتحسن من كم من يوم ( بتخف الرطوبه وبيبدا البرد )
وين اقدر اروح ف 5 ايام ف دبي ؟؟
بما انك بتقعد 5 ايام (فترة قصيره) بعطيك الزبدة
اهم شي (القرية العالمية) شارع الامارات ,,,,, لا تفوت القرية
1 - (مول الامارات ) شارع الشيخ زايد بالاتجاه الى ابوظبي
2 - (بن بطوطه مول) شارع الشيخ زايد بالاتجاه الى ابوظبي
3 - ( قرية البوم السياحيه) حذال جسر القرهود
مطاعم عائمة تاخذك في نزهة على طول خور دبي
للحجز http://www.alboom.ae/index.php?pag=1
4 - (دبي فيستيفال سيتي مول ) على اليمين وانت نازل من جسر القرهود بالاتجاه الى الشارقه
http://www.dubaifestivalcity.com/ للاسف الموقع بالانجليزي
5 - قرية التراث و قرية الغوص ( منطقة الشندقة)
6 - مركز برجمان بردبي
7 - فندق ابراج الامارات (شي مول صغير داخلة فيه محلات ومطاعم ومقاهى)
وحياك الله في بلدك الثانية الامارات

مشكورين وما تقصرون يالربع
بس بغيت أسأل عن الزحمه الي فدبي يوم العيد ؟؟
مثلاً كم المده بين مجمع ومجمع مع الزحمه

أخي العزيز أنا سكنت في شقق تشيلسي تاور في السنة الماضية بصراحة فخمه ورائعة للغاية .. ويمك وايد مطاعم لا تحاتي .. ..
وبالنسبة للمولات القريبة .. أقرب شي لك " الإمارات مول - إبن بطوطة - تايم سكوير الجديد - وعندك السوق الصيني اللي اسمه التنين - وغيره الكثير " .. بالسلامة ان شاء الله ..
وإذا تبي أي خدمة إحنا حاضرين وبأتم الإستعداد .. حاضرين لبوابة الإمارات .. اللي أتمنى أكون مشرف لها .. أو خبير لها .. يعطيك العافية .. وسفره سعيدة .. ..

ما شاء الله تبارك الله هكذا هم الاخوه في منتدى الامارات دائما في الطليعه في خدمه كل سائل وباحث فلهم مني ومن الاخوه جميعا الدعاء على هذه المعلومات القيمه والله المستعان

سلمت يمناك خوي بانكوكي-2
وتستاهل تكون خبير ومشرف عن بوابة الامارات فيك الخير الشيخ

بانكوكي لو سمحت تايم سكوير وينه فيه

تايم سكوير
على شارع الشيخ زايد (بالاتجاه من ابوظبي الى دبي) بعد جسر (تقاطع) مول الامارات بتلقى على اليمين مخرج تايم سكوير