هلا
مادامك يالغالي اعطيتنا الضوء الاخضر فراح اغير شوي في خطة السير
لندن - باريس - لوكسمبورغ - بروج -بروكسل
انا اشوف يالغالي انك تجلس في لندن زي ماقولت 5 ايام بس اتمنى انك تزور احد شواطئها الجنوبية وخاصة انك تقدر تروح وترجع من لندن في نفس اليوم واذا تبغى اختارلك بحر حلو فانا حاضر
وانا اشوف بعد ماتخلص من لندن انك تروح على باريس عن طريق القطار اللى تحت بحر المانش واللى يربط باريس ولندن وتبعد لندن عن باريس حوالي ساعتين وربع وهو اجمل بكثير من الطائرة على الاقل شي جديد
وانا اشوف انك لما توصل باريس انك توزع ايامك مابين تسوق وزيارة مدن قريبة منك واهم شي انك تزور دولة لوكسمبورغ وترى مساحة الرياض اكبر منها بس تراها ديرة مره حلوه وتقدر تروح وترجع لباريس في نفس اليوم
وانك لازم تزور مدينة بروج البلجيكية لانها مره حلوه وتراها احلى من بروكسل بكثير وعندك ايضا مدينة الالماس انتويرب اذا فكرت تشتري للمدام هدية من الالماس ( تراني امزح معاك )
وترى يالغالي في مدن مره حلوه وجيدة وقريبة من خط رحلتك بس الواحد مايحب يكثر عليك لانه معاك العائلة
ان شاء الله تروح وتنبسط وترجع بالسلامة

في البدايه الف شكر لك اخوي ملبورن على المشاركه...
ومن ناحيه الشاطيء روقنا تراني رايح انا والمدام مالعها داعي نرجع متهاوشين الا اذا كان فيه بحر نظيف بس والله ماهقيتها...
وبالنسبه للقطار اللي يربط باريس بلندن هذا انا اول مره اسمع به..؟هل هورائع؟ او مكلف؟
وبالنسبه الى لوكسمبورج هل اقدر اروح لها بالقطار او كيف..؟
وهل تأيدني اني اترك يومين اخيره في باريس عشان مقاضي المدام..؟
ولا تنسى تراني معطيك الضوء الاخضر انت وبافي الاعضاء...
ومره ثانيه الف شكر لك

أول عشق القلب
هلا

• من ناحية البحر ماعليك لو قررت انك تروح راح اعطيك بحر مره قريب من لندن ونظيف وهادئ
• من ناحية القطار نعم هو موجود واكثر الناس تروح باريس من لندن عن طريقه اما من ناحية هل هو رائع في اختلف اكثر كلام الناس حوله ولكن عجب اكثر الناس صح انك مراح تشوف شي بس على الاقل انه شي جديد او انه احلى من الطائرة ( وانصح انك تجربه )
• من ناحية لوكسمبورغ نعم تسنطيع ان تذهب لها من باريس عن طريق القطار وهي جدا قريبة لدرجة انك تقدر تروح وترجع لباريس في نفس اليوم
• من ناحية التسوق في باريس فانا شوف يالغالي انك تبداء رحلتك من لندن وبعديت تاخذ قطار الى بروكسل وتزور مدينتي انتويرب ومدينة بروج وبعدين تاخذ قطار الى لو كسمبورغ وتجلس فيها حوالى نصف يوم وبعدين تاخذ قطار الى باريس وتسكن فيها وتروح اماكن التسوق فيها وبعدها ترجع بالسلامة للسعودية ( لان يالغالي اشوف انك راح اضيع وقتك لما تروح لبروكسل عن طريق باريس وبعدين ترجع لباريس مره ثانية ولو تطل على خريطة واروبا راح تلاقي هذه افضل طريقة

وهذا موقع القطار الاوربي وعن طريقة راح تعرف الاسعار بين الدول
اضغط هنا http://www.raileurope.com/us/rail/fares_schedules/index.htm
وسامحني يالغالي على القصور

وتقول مقصر بعد.....الله يهديك بس..يكفي ان محد معطيني وجه في موضوعي الا انت وعلى فكره والله انك كفيتني عنهم كلهم....
اولا" البحر والله شوقتني عليه وياليت تدلني عليه...
ثانيا" بالنسبه للقطار بين باريس ولندن كيف اقدر احجز له..؟
ثالثا" تصدق فكرة اني اخلي باريس في الاخير فكره رائعه....
رابعا" هل تأيد ان اذهب من باريس إلى جنيف او فينا واعود في نفس اليوم...بصراحه كلام الشباب في المنتدى شوقني لها المدينتين...
خامسا" عارف اني طولتها بس الف الف شكر لك على اهتمامك وذوقك العالي...

هلا

• من ناحية البحر يالغالي راح اعطيك ثلاثة انا اعتبر بحورها مره رائعة ولك احق الاختيار

1- Bournemouth تقع جنوب لندن وترى بحرها اخذ اجمل بحر في بريطانيا لسنوات عدة ومازال الى يومنا هذا لدرجة ملكة بريطانيا تزوره وتجلس امامه كل سنة وراح تلاقي عرب مره كثير لانها مشهوره بهم وبالذات في الصيف وتبعد عن لندن مسافة ساعة ونصف بالقطار وعدد سكانها حوالى 160 الف نسمة
2- Margate تقع جنوب شرق لندن يعد بحرها من اجمل بحور بريطانيا وشاطئها الرملي الساحر وهي مدينة هادئة مره وعدد سكانها حوالى 58 الف نسمة وتبعد عن لندن مسافة 100 كيلو
3- Great Yarmouth تقع شمال شرق لندن بحرها مره حلو ومدينة رومانسية مره عدد سكانها لايتجاوز خمسين الف نسمة وتبعد عن لندن اقل من ساعة ونصف بالقطار

• من حجز القطار اللى بين باريس ولندن تقدر تحجز عليه من هنا من السعودية وسمعت ان وكالة الطيار تحجزلك عليه
• من ناحية هل تجعل باريس المحطة الاخيرة نعم يعد اختيار موفق بدل انك تجيها مرتين
• من ناحية انك تود انك تزور جنيف وفينا فالاولى لها فيزة خاصة من غير فيزة الشنغن اما الثانية فهي بعيدة عن باريس وما تقدر تروحلها الا انك تمر من ثلاثة دول وهي سويسرا والمانيا وايطاليا وترى يالغالي اجمل مدينة في النمسا هي مدينة سالزبرج وانا اشوف انك لو تبغى تزور النمسا وامصمم عليها تقدر بس تغير العودة ويكون عن طريق مطار ميلانو ( وانك تقلل مدة بقائك في بلجيكا لانها ما تستاهل كثير )
• وترانا اخوانا ما يحتاج انك تشكورني واي شي انا حاضر يالغالي

والله كفيت ووفيت......
واهنيك على اخلاقك العاليه