باختصار مفيد كنت في مانيلا متجه الى المطار بالتاكسي مع ربعي دخلنا منطقه زحمه وتقاطعات بدون اشاره بس الملفت ان النشالين بالكوم على الرصيف كل واحد لابس شورت بدون فنيله ( يمكن اسرع للفركه) السواق قام وقفل السياره وحنا فيها قلت ليه قال هذولا نشالين عينك عينك لا شرطه ولا مسؤل من صغار وكبار تشوفهم يستغلون توقف السيارات بالزحمه اللي يفتح الباب الخلفي واللي ينقز في صندوق الوانيتات وكل واحد معه كيس صغير يجمع رزقه من السرق
السؤال وش اسم الحي هذا تراه قريب من المطار حتى نحذر الجميع وتعم الفائده من يعرفه يجاوب وهو مشكور الف مره