السلام عليكم ورحمة الله وبركاته
يسعد مساكم جميعاً
ياجماعه قررنا انا و ثلاثه من الاصدقاء الذهاب الى جاكرتا قلنا نحجز بتاريخ 4 او 5 / 9/ 2014
طبعاً كل شي جاء بالصدفه قررنا وقدمنا اجازاتنا كيف وشلون مدري ههه المهم مدة الرحله 13 يوم الي ابيه منكم الله لا يهينكم
- افضل مكان صرف في الرياض
- جدول جميل للرحله بحكم اننا اول مره نروح لهالديره
- اماكن السكن الراقيه ونظيفه
- ارقام سواقين
- ارقام شغالات
وسلامتكم واسف اذا بتعبكم معاي ،،،،
بنفترض ان ذهابكم يوم 4 وبيكون الوصول الى جاكرتا يوم 5 بإذن الله
برشح لكم الجدول التالي
جاكرتا يوم عند الوصول للراحة ( اذا كان وصولكم بالصباح وتبون تخلون التعب مرة وحدة اتجهوا الى الجبل مباشرة )
الجبل 5 ايام
التوجه الى جاكرتا للذهاب الى بالي بالطائرة
بالي 5 ايام
العودة الى جاكرتا لمدة يوم او يومين قبل السفر
افضل مكان لصرف العملة بالرياض ( الروبية ) هي البطحاء واذا كانت دولار فجميع الاماكن تصرف بنفس السعر ( الراجحي - انجاز - البطحاء )
في جاكرتا بيكون السكن بلومان او فندق سيبوترا
بالي الخيارات كثيرة جداً ويكفي انك تفتح على بوكنق وتختار المناسب لكم من ناحية السعر والموقع مع العلم ان الاماكن المشهورة للسكن هي كوتا ويعيبها انها صاخبة وعندك سيميناك ايضاً
الجبل الافضل مع السائق تدورون لكم على فيلا نظيفة وانتم رايحين بوقت ما فيه زحمة بإذن الله
السائق ممكن تاخذ لك لفة على تقارير الاعضاء وبتحصل فيها ارقام والخادمات هناك متوفرات بكل مكان ويعرفون للطبخ العربي فلا تقلق
اتمنى لكم سفرة سعيدة