معقوله ما فيه اجابه!!!!!!!!!!!!!!!!!!!!!!!!!!!!!!

هلا بك اخوي والف مبروك عليكم
بالفعل موريشيوس من افضل الوجهات لشهر العسل
اذا سفركم في شهر 11 ميلادي فراح يكون الجو مقبول جدا
التكلفة لمدة 12 يوم تبدا من 25 الف ريال وانت طالع حسب الفندق والوحدة ومن وين السفر
طبعا هذا سعر الباكج
الباكج يشمل
تذاكر الطيران
الفنادق مع وجبتين
المواصلات
افضل واريح واضمن طريقة برايي الخاص هي الامارات للعطلات
خذ جولة على تقرير المثبت وخاصة الردود وراح يكون عندك فكرة ممتازة عن الموضوع
واي استفسار لا تتردد بطرحه اخي العزيز
اتمنى لك كل التوفيق

اخوي ابو عبدالله 2010 روح لمريشوس وماراح تتندم ان شاء الله انا تويي اليوم راجعه منها وقلبي متقطع عليها وماشاء الله مليانه عرايس ومثل ماقال ابو عزيز (الامارات للعطلات احسن شي للحجوزات )ماراح انسي قبل البارح وحنا رايحين مطار موريشوس كان الجو مطر شديد جتنا سياره على حساب الخطوط وصلتنا للمطار وهناك لاقانا احد الاخوان خلص لنا الاجراءات بسرعه

السلام عليكم
أنا أوافق أبو عزيز وام الجوريه أن موريوشس جزيرة الأحلام. وعندي كم نصيحه توفر مصاريف هناك:
1- لا تطلع من الفندق لأن التكاسي غاليه والجزيره ما فيها شي أبد ينشاف.
2- الغواصه أكبر نصبه لأنها تكلف 3750 روبيه (458 ريال) للشخص الواحد غير تكلفة التاكسي 45 يورو (230 ريال) وماتشوف أكثر من اللي بحوض الأسماك العادي اللي يباع بلأسواق. نصيحه خذ عدة غطس خفيفه (Snorkeling Equipment) من الفندق وأستعملها على شاطئ الفندق راح تشوف العجب العجاب من حيوانات البحر وببلاش.
3- مأدري وش الفرق بالقيمه لكن لو أروح مره ثانيه ماراح أخذ فندق بفطور وعشاء لأننا أضطرينا ناكل بوقتهم وحنا بعض الأحيان مالنا نفس وودنا ناكل بوقت متأخر. والصراحه الأكل بمزاجك له طعم خاص بها الجزيره لأن جوها يعطي لكل وجبه طعمها في أماكن مختلفه.
4- السكن بالهلتون جو ثاني والشاطئ حقه هادي.
5- لا تستأجر شي من اللي يجونك على الشاطئ لأنهم نصابين وسئلت الفندق عنهم قالوا أن الفنادق ملك خاص والشواطئ للجميع علشان كذا تشوف بياعين وناس يأجرون خدمات بس كله نصب. تبي تروح مكان خل الفندق يرتب لك.

الله يعطيكم العافية جميعا ..
وشرفني مروركم ..