نشر في فوكيت

ياليت تساعدوني

RED ROSE

11-04-2022 - 06:30 am

اخواني اعضاء هذا المنتدى الرائع
ياليت تساعدوني والكل يقول رايه
انا مسافره لتايلند مدة 14 يوم
وناويه اروح لبانكوك وفوكيت وشنغماي وكوساموي
ولا ادري ايهم اروح لها اول
وكم اجلس بكل وحده يعني كيف اقسم ايامي ان لكم
ام الفنادق فقريت كل مواضيع الاعضاء عن الفنادق مما زاد في حيرتي ولا عرفت اختار
بالذات في فوكيت لاني قريت عن فنادق وعن منتجعات ولا ادري ايهم اختار واخاف اختار فنادق بعيده
ولانا يهمني فنادق قرينه من كل شئ
لذلك ياليت تفيدوني عن هالاشياء
بما لكم خبره كبيره في هالبلد
ارجوا ان الكل يرد على موضوع
ومشكورين

التعليقات (8)

سفير الشرق

11-04-2022 - 09:05 am

RED ROSE
شنو الفنادق الى عجبتكم قولنا واحنا نفيدك عنها
او قولنا الفنادق بحدود كم الاسعار الى تبيها
والتنقل بين المدن بالطائره فقط

ابتسامة القمر

11-04-2022 - 10:06 am

احنا رحلتنا 11يوم بفوكيت و4 ايام شنغ ماي واسبوعين بانكوك واسبوع دبي طبعا
انا اشوف ان خمس ايام على فوكيت كفايه وشنغ ماي 4 ايام والباقي لبانكوك عشان الاسواق طبعابصراحه احلى فندق بفوكيت انا اشوف انه الهوليدي ان لان موقعه حلو ونظيف امس سالت عن الغرفه عندهم وقالت superior ب4100 بالفطور بس الفندق فل واحتمال اليوم يكون فيه غرف فاضيه هذا السعر بالنسبه لليوم بس اذا اسبوع او اكثر فيه خصم 10% ورحله سعيده ان شاء الله وانا حاليا ساكنه في بوراساري حلو ونظيف وقريب مره من الشاطئ (الباتونق بيتش) ومقابل للهوليدي ان

ابتسامة القمر

11-04-2022 - 11:07 am

ياختي اذا انت من الرياض وبتروحين على خطوط الاتحاد انصحك ريحو يوم في ابوظبي اوبانكوك لانكم بتموتون من التعب احنا كانت رحلتنا الساعه 4 الفجر طبعا طلعنا لمطار الملك خالد الساعه 2 ولما وصلنا لابوظبي انتظار ساعتين بعدين بانكوك انتظار ساعتين وبعدين على طول فوكيت من جد متنا من التعب

شمس القايلة

11-04-2022 - 12:08 pm

ولا يهونون الجماعة
اخذي هالبرنامج
على طول 3 ايام شنغماي فيها رحلة يومين يوم للجبل ويوم للفيلة
7 ايام بوكيت ( ببي ايلند - جمس بوند - فانتازي - سوق الاحد - جولة حول الجزيرة وزيارة شاطيء الغروب -يومين راحة واستجمام)
4 ايام بانكوك للتسوق وزيارة فلوتن ماركت (مهم)
مع تمنياتي لك باجازة سعيدة

سلمان وبس

11-04-2022 - 01:09 pm

صراحة يا اخي افهم -ابتسامة القمر
ما تخلون حق الواحد شي يقوله(ما شاء الله عليكم)
الله يخليكم للمنتدى ولا يحرمنا منكم

دولي

11-04-2022 - 02:10 pm

ابتسامة القمر
اسمحيلي السبب الرئيسي ان رحلتكم 4 الفجر وانه فيه انتظار عند الوصول الى مطار بانكوك
صحيح الترانزيت متعب عموما لكن ،،،،،،،، ممكن تفاديه باختيار توقيت الرحله

ابتسامة القمر

11-04-2022 - 03:11 pm

يااخ دولي ماكان قدامنا الا هذي الرحله لاننا حاجزين الفنادق قبل الطيران والواحد يتعلم من اخطاءه

دولي

11-04-2022 - 04:12 pm

اكيد ،،،،
وحجز الطيران دائما يكون في الاول لان الفنادق فيها خيارات بعكس الطيران
اهم شي تكون انبسطو بالرحلة

فوكيت المسافرون العرب

ياليت تساعدوني