- شنو رايكم في خطوط وشوارع سويسرا ؟؟؟؟؟
السلام عليكم ورحمة الله وبركاته
كيفكم يااحلى اخوان وخوات .. اليوم ودي اخذ رايكم وكلنا نتناقش لتعم الفايده على الجميع
شنو رايكم في خطوط وشوارع سويسرا ؟؟؟؟؟
ببتدي انا بنفسي .. من وجهة نظري اذكر اول مره زرت سويسرا ولما طلعت من مطار جنيف واستملنا السياره انصدمت قلت لزوجي شنو هالشوارع سوري على هالكلمه (الغبيه )الواحد يخلص اشاره وتجيه على طول اشاره ثانيه مايمدي السياره حتى اتكون تحركت وانا قبل سويسرا كنت كله اسب شوارع بلادي بس بعدين صرت اشوفها قمه في الروعه مقارنة بسويسرا خصوصا من ناحية الاشارات ..
واذا صارت زحمه الواحد يهلك لين يطلع منها اذكر صادتنا زحمه واحنا رادين من الراين رايحين لوزيرن بغيت اصيح تخيلو اكثر من ساعه ونص وزوجي يقول اكيد في شي كبير صاير ولما وصلنا للشرطه حصلنا مافي شي مقنع والكل كان امعصب ..
وغير كذا كل طرقهم على الجبال خصوصا لما الواحد يبي يروح من منطقه للثانيه لازم يركب على الجبل ويصير الخط واحد سيارات رايحه وسيارات جايه شي مرعب ،، عكس شوارع المانيا وفرنسا كلها طرق هاي وي زوجي حده اسمتمع في المانيا يقول الواحد يسوق وهو مستانس مب كل شوي يوقف ويعيش رعب في الطرق الجبليه لين يطلع منها
هالموضوع بيفيد كل من ناوي يصيف في سويسرا ووده يجرب السواقه.. ياليت الكل يعطينا تجربته مع السواقه في سويسرا
اتمنى التفاعل مع جميع الاعضاء .. وشكرا
هههاي بسم الله عليج من الروع انا قصدي الفايده للجميع وكلنا نستفيد من خبرات بعض .. انا اللي اتذكره ان كل مانبي انروح من منطقه للثانيه لازم نركب على الجبال .. سويسرا كلها مرتفعات ومع هذا تظل طبيعتها اجمل طبيعه كلنا نتحمل اي شي علشان انزورها ونكحل اعيونا بها
شكرا على المرور ولارديتي علمينا رايج