مرحبا اخي الكريم وتروح وترجع بالسلامة والله اذا تسمع كلام الناس بتتعب خاصة في الطيران لان في ناس يمدح وفي ناس يذم و ماتعرف والله لكن مدام انك مجرب الاتحاد خليك معاهم وانا والله سافرت معاه ممتازين والقطرية ترى ممتازه وكل الناس الا اعرفهم يمدحون فيها اخوك ابو بدر .

هلا والله ابو بدر
والله انك نورت الموضوع اقول وراك ماتخويني 10 ايام في بتايا ترد الروح ووناسه خليها و عليها
وانا سمعت انك ماشي بعد فتره ياليت بس اخويك
على العموم مشكور على الرد السريع وفعلاً الاتحاد شي وممتازه بس سعرهم غالي شوي ب 2692ريال هذا غير الفيزا بيخلصها لي المعقب يعني بتطلع علي ب 3000 ريال
والقطريه ب 2300ياخي شوف الفرق
انا اخذت الاتحاد في ابريل الي راح كان سعرها ب 2200 ريال واللحين الرتفع السعر
وبعدين ما لقيت عوده على الاتحاد يوم 2 سبتمبر مالقيت الا على القطريه في 3 سبتمبر بس
وقلت خلني اجرب القطريه وحجزت عليها
والله يعين

قبل كل شي انا لاني بطل ولاقوي بس ابجاوب
لاتشيل هم ولاتخاف هذي خطوط رائعة سبق وجربتهم ونعم الخطوط
توكل على الله واحمد ربك انك حصلت حجز

msms999
والله يشرفني جدا رفقتك يا طويل العمر . بس مثل ما انتا عارف راس السنة بيكون في شهر الحج و في عشرة ايام اجازة رسمية نزود عليها خمس ايام ونقضيها هناك في بتايا هذا ترتيبي اذا ما جد جديد . اما بخصوص طيران القطرية توكل على يارجال والقطرية سمعتها احسن من الاتحاد وما شاء الله عليهم ما فيه بلد الا والقطرية تنزل فيها وعلى قولك سعرها ممتاز سفرا سعيدا وعودا حميدا اخوك المحب ابو بدر .

هلا والله ياكوشانق
نورت الموضوع وينك من زمان ما شفتك
على العموم انت خابر الموضوع الي كلمتك فيه الدعوه خربانه ياخوك رايح رياح
على العموم اذا حصلت لك فرصه خوي راسلني
وتسلم على الرد يابطل
شكلك تلعب في مركز بادي ماستر كمال اجسام
على هذا الرد
تسلم

والله ياخوي ابو بدر
ترتيبك روعه
وجتني اخبارك كلها لاتخاف وعارف بتروح مع مين يابطل وياليت اكون معكم بس الضروف خلها على ربك
بس وش اسوي ضروفي جت كذا عندي اجازه 10 ايام ولازم اخذها لاتروح علي كذا بلوشي حرام ياخي
وانت عارف العيد قضيته في الرياض وطقني الهم والغم وقضيته كله نوم في العسل ولازم اغير جو شوي
ولا كن الجايات اكثر
تسلم يا الغالي على الرد

انا امس راجع من تايلند على القطرية الصراحة بالنسبة للمواعيد 100% وخدمتهم داخل الطائرة جيدة نوعا ما لكن هناك تمييز واضح للأجانب بس صادفت معاي مشكلة بطيارة الرجوع حيث لم الاقي مكان للشنطة اللي معاي بالطيارة واضطريت احطها على الكرسي معي بس الحمدالله ان الطيارة ليست طيارة تايلند والله كنت اشق هدومي وهذي مشكلة للطائرات الصغيرة جدا التي تملكها الخطوط القطرية للترانزيت بالخليج ,ومشكلة مطار الدوحة صغير وسيئ الى ابعد الحدود والنزول فيه متعب لعدم وجود خرطوم للطائرة واضطرارك لركوب الباصات شيئ متعب بالفعل لدرجة ان سائق الباص ضيع الطريق واخذ يلف فينا ربع ساعة حتى وصلنا البوابة
مشكلة القطرية احترام الاجانب على حساب الخليجيين هم لا يسمحون للخليجي بحمل اكثر من شنطة داخل الطيارة بس اذا كنت اجنبي شيل اللي تبيه معاك بالطيارة لدرجة اني شفت امريكي بحاله معاه 4 شنط داخل الطيارة اعتقد بأن هذا التمييز متعمد بأوامر من قبل مسؤولينهم
والله ياأخي مدري وش أقول لكني متحسف عدد شعر راسي اني سافرت عليها لانها نكدت علي سفرتي
انا اشوف الاتحاد هي الأفضل انصحك تسافر عليها لو أغلى وتترك القطرية للأجانب

تسلم ياخوي ffaazz22
على الرد
ياخوي انت حطمتني انواع التحطيم حتى عيا يجيني النوم
بس وش اسوي لازم اروح عليها مافيه الاهي والا تحاد غاليه فارق السعر الي بينها وبين القطريه 400 ريال ياخي ها المبلغ يقعدني في بتايا 6 ايام زياده
ولاتنسى الفيزا
وتدري اني لقيت الاتحاد ب 3100 ريال وارخص شي لقيته ب 2692 ريال
واهم شي عندي الدقه في المواعيد في الذهاب لاني مشتاق للبتايا لا يقعدون يمرمطوني في المطارات ماني فاضي
اقول اهم شي اوصل بتايا وبس
واذا على المطار في العوده ترانزيت 4 ساعات الله يعين
مالي الا حل واحد علشان ما اطفش في المطار بتصل على خوالي في قطر واريح عندهم وتغدا عندهم وبعد الغدا ارجع للمطار
والله يعطيك الف عافيه

القطريه طيران ممتاز جدا
بس بعض المرات ياخرونك ويوهقونك لاكن يوم عن يوم قاعده تتعدل للافضل
انا سافرت عليها كثير وكانت تتاخر مرات
وبعدين شنو سالفتكم كلكم بتسافرون وبتخلونى بروحى