السلام عليكم ...
اخوي تأبط سهماً كيف حالك ...عساك بخير
والله زمان تصدق حسبتك رحت ورجعت
لايكون هذه سفرة جديدة
توقيتك رهيب وخاصة شايف لمبة اخونا الخبير الغالي
ابوميسم منورة واخونا الكريم الجمال برضه لمبته الخضراء منورة
وبقية الكرام توقيتهم قدام شوي وربي يجيبهم ويشاركون
مثل خبيرنا الوطواط وخالتي العربية وغيرهم وكلهم كرام
اعطيك رأيي وحأعطيك رأيي بكل صراحة .
الاختيار الاول موفق والظاهر انه عندك خلفية طيبة
ممتاز .
راساساينغ ...الحزب اللي انا تابعه يدعم راساساينغ
بالانتخابات اللي مسويها اخونا ابوماجد وتراه اختيار
موفق واحسنت
علين دحين تراك حلو و جميل
فيري على كيفك لكن اكيد قرأت اللي كتبوه الكثير
من الاعضاء عن الفيري ودوار البحر
وقتها تحتاج من جد فيري وتايد وما تلقى
شيراتون لنكاوي ...ام ...فخم وماعليه كلام .
لكن زد عليها شوي وخذ اللي احسن منه بمراحل وعندك
شيراتون بيردانا او لنكاوي لاغون وكل واحد يطرح اخوه .
كوالا ...ويستن ...اختيار موفق وجميل وماعليه كلام
ياويه ايش الحركات هذه هذه يقولونها الجداوية
0معقولة ومانقدر نقول انها رخيصة لكن اخذ حقه ونقطتين
معقولة ومقبولة .
0ريال كل الفنادق ...روحة ورجعة ...500 واحدة للكل
يابلاش ...ممتاز ....ومنها تريح بالك ...مع انه التكاسي
ياكثرها وما منها خوف ولكن ودك تدلع ومن حقك يا عم
اسعار التذاكر الدخلية معقولة .
والدولية ممتازة 5000 لتذكرتين ...السعر حلو حتى لو على
الخطوط الارجنتينية لكن عندي سؤال لقافة ...
على اي خطوط تذاكركم
رحلة سعيدة بأذن الله اخوي تأبط سهماً وودي اعطيك
بيت شعر جاهلي ولكن مرة ثانية ان شاء الله
موفق بأذن الله ولك تحياتي وتقديري والسلام عليكم

تروح وترجع بالسلامة
ممكن سؤال الحجز الي مسوية للفنادق من النت ولا مكتب سياحي وذا كان كذا ياليت تكتتب عن الطريقة الي حجزت فيها لأني مسافر في 9 سبتمبر وحجزت عن طريق النت لبعض للفنادق الي ذكرت لكن يقولوا مايتأكد لانو مارد علي الفندق عبر الاميل وشكرا

السلام عليكم ..
حياك الله أخوي تأبط سهما ..
أستاذنا الكبير الشعيبي .. كفى ووفى كعادته ... وسواءً لمباتنا منورة وألا مطفية ... ما تفرق مانقدر نزيد على كلام أستاذنا شي لأنه ما خلى لنا مجال ..
الفنادق ممتازة ... (( بإستثناء ماذكر أستاذنا الشعيبي عن شيراتون لنكاوي يعني فيه أفضل منه ))
الأسعار معقولة جداً ...
والتنقلات مانزيد على أستاذنا ... بس عندي ملاحظه بسيطة وهي ليش ماخليت العودة لمنفوحه على ((الفيري)) ..... أمزح
تحياتي لك أخوي .. وبالتوفيق إن شاء الله ..

الحين اتفضالكم
عمي وحبيبي الشعيي
ابد هذي الروحة هي نفسها اللي خبرك بس يقولون من انقرص من الداب ارتاع من الحبل
السنة الماضية عقب التي واللتيا تاكد حجز الطيران يوم تاكد جينا للفنادق ما لقينا اللي نبي اما غالي ولا رخيص بخيس والا بعيد ولا ما يمدحونه الشباب بالمنتدى .... وكله بسبب التاخير يجي الواحد يقرر ويبي يسافر خلال اسبوع وعلى كيفه . المهم تعلمنا وجهزت اموري قبل السفر بشهر كامل
الحين الفيوتشرات موجودة والتذاكر ومحطوطة من اسبوعين على التسريحة
اما ياعمي بالنبة للتذاكر فعلى حبيبتنا السعودية وتبي الصراحة الصراحة كان ودي انفخ نفسي شوي واني راجل دفيع لكن زنقتني بالسؤال الصراحة طلعت التذاكر الدولية 4700 ريال مش 5000

عزيزي بصراحة اسعارك كلها ممتازة خصوصاً التذاكر
بالنسبة للفنادق انصحك بماريوت في كوالالمبور لأن ويست الغرف صغيرة جداً وتحس داخلها بالضيق
وراسا ساينج في بينانغ لا يعلى عليه أبداً وموقعه استراتيجي وشاطئه جميل جداً وبه جميع الألعاب البحرية
في لنكاوي الأخوان كلموك على شيراتون لنكاوي وأنا أنصحك بلنكاوي لاغون وياليت تأخذ في الجناح اللي على البحر مباشرة فيه سويتات وفلل والسويت أفضل لك وسعره في حدود 490 ريجنت ، وبصراحة تجربة جميلة جداً ولن تندم عليها، وبالنسبة للسيارات التي تستقبلك في كل مطار ، لاداعي لها وفي كل مطار يوجد كاونتر للتاكسي وأرخص من الأسعار اللي أنت أخذتها بافتراض انك بتنزل في أربع مطارات كوالالمبور مرتين وبينانغ ولنكاوي ، وآمل ان يتضمن برنامجك في كوالالمبور زيارة جنتق وأفموزا حتى لا ترجع وتقول ياليتني رحت
تحياتي
تحياتي

اخوي حبيبي اول راكب جعلك الله من اول من يدخل الجنة انت والديك ومن تحب ومن قال امين
حبيبي تبي الصراحة حقت شيخنا الشعيببي والا اللف والدوران
اكيد انت رجال محترم تبي الصراحة
رتب حجزك على الفنادق اللي تبي واللي يشيرون عليك الشباب فيها واللي تناسب ميزانيتك
ثم القط نفسك ومر على اكبر خمسة مكاتب سياحية وخله يحط سعره قدام كل فندق ثم احجز فنادقك من عند اقلهم لو بريال
واحد
صدقني هذي النتيجة اللي طلعت بها بعد طول لفلفة
مع اهمية انك تعرف المواصفات للغرف اللي تبيها بالضبط لانه قد يفرق السعر الضعف بين الغرف من حيث الفخامة والمساحة والاطلالة ونحو ذلك
ولايهمك انك تاخذ الفنادق من مكتب واحد خذ من عند كل واحد ارخص ما عنده لانهم يتعاملون مع وكالات ماليزية والوكالات تختلف من حيث التخفيض اللي تحصل عليه من الفنادق المشاركة معها
اما الحجز من النت فاشوف انه غير مجدي وفيه نسبة 30% مخاطرة وذا تبي افصل لك وش المخاطرة امرني وانا حاضر
ولك حبي وتقديري

حبيبي واخوي ابو ميسم ( على فكرة الحين اعالج المدام واذا حملت ان شاء الله وجابت بنوته حلوة سميتها ميسم ) اسم صراحة يشق الجبهة
حبيبي اشكرك على مرورك وبعدين منفوحة ما فيها شاطئ عشان اجي بالفير لكن مو مشكلة نجي لمعكال بالفير ثم بالقطار الى العود ثم بالحصان الى مضارب منفوحة الابية

حبيبي وطواط
ترا القرب زين
اجل تبيني اجيب مكبر معي يا مراههه تعالي ( يامره تعالي)
ازين قريب من بعض
ياحبي لك ياوطواط تدري ان الفيوتشرات على التسريحة من اسبوعين يعني كلشي منتهي ما باقي الا الدريول مال الطيارة يقول يالله يالربع عزمنا استعينوا بالله
تحياتي لك

يعطيك العافية اخوي تأبط سهما وجميع الاخوان في المنتدى بس تبي الصدق انامدري لية كلما سويت شغلة طلعلي شغلة ثانية .
انا اخترت الفنادق وكتبت عن البرنامج حقي في المنتدى اوكية وكل شي صار زي الحلاوة
وطلعي شغلة جابتلي صداع حجزت على السعودية قالو لي ارجعة الي بتكون 26 سبتمبر انتظار وانا ماخليت مكتب وكلهم زي كذا عاد مدري وش السواة وخوك ماعندة فيتمينات O عاد اشكوى لله...