مرحبا...
والله الصراحة مادري شقولك ياخوي...
لازم تشووف ماده الانقليزي... تسأل عنها ...تسأل احد جربها من قبل...
اذا حسيت انها صعبة ومو قادر عليها حول تاريخ احسن
ماحب اقولك روح انقليزي على طول وبالنهاية لا سمح الله تاخذ درجة مو زينة او شي جذي...
وموفق.....

الله يعطيك العافية يااخووي
بس لو كنت في مكاني وش راح تأخذ ؟؟
وبعدين ترى مامعي وقت اليوم الثلاثاء موعدي في الجامعة الساعة العاشرة ماباقي الا ست ساعات عن موعد التخصص
أتمنى من الجميع التجاوب معي

أبن جهينة
تخصص؟ ولا مجرد ماده اختيارية؟
اخوي اذا تخصص اكيد لا تجازف تتخصص English وانت لغتك مو average

ما فهمت وش تقصد ياليت توضح لي ؟؟
أنا اقول وش رايك أجازف واروح أنجليزي مع أنني لا أعرف في الانجليزي الا ثلاثين كلمة
بس أنا عندي أصرار وعندي عزيمة وبعدين قادر أحفظ ثلاثين كلمة يوميا.
يعني هل تتوقع أمشي في الانجليزي وانا كل يوم أحفظ ثلاثين كلمة في اليوم نطقا وكتابة لمدة سنة ؟؟؟؟؟

صباح الخير
أخوي اذا الموضوع إنتساب إنجليزي تأكد ما راح ينفعك لأنك ما راح ترجع للمواد وتذاكر غير وقت الإمتحان..
أي لغه تحتاج متابعه دائمه مش مثل أي تخصص .. اذا ناوي أتابع نفسك يومياً وتدرس كل يوم قاعده .. راح تكون أمورك تمام .. أما اذا لا التاريخ والجغرافيا أفضل لك..
بالتوفيق يارب

مرحبا جميعاً
.
اولاً: طمنا يا أبن جهينه وش اخترت؟
ثانياً: ياهدى صعبتيها عليه,كل يوم قاعده؟ ليش القاعدات لهالدرجه كثير!!
الأساسيات, كلهم ثلاث أزمنه ومشتقاتهم
ثالثاً: أبن جهينه الرغبه ملحوظه فيك,وأهم شي في كل شيئ الرغبه!
حاجه ثانيه,
صدقني من واقع ملموس " مهب مهم انك تدخل قسم اللغه الانكليزيه وانت بلبل!
او حتى نص بلبل!
أبداً فكره مغلوطه هذي
ياما وياما ناس مشوا على القاعده العكس وافلحوا,
وإللى هي.. "أدخل القسم لأتعلم!
أنا اليوم ZERO
بكره 1
اللي بعدو 2
حتى اصبح PERFECT "
لكن الشائع عندنا وبيننا,ما أعرف شي..خلاص ماراح افهم!
نتمنى لك التوفيق
.

السلام عليكم من جديد..
بعد عدة مشاورات انهيت الموضوع واخترت تخصص (( التاريخ))
علماً بأنني حصلت أحد المقربين في نفس الجامعة وهو الحقيقة لغتة جيدة بالانغليزي
وعندما سالتة وش تبي تأخذ تخصص قال لي ابأخذ تاريخ
وسالني عن التخصص اللي أباخذة فقلت لة : أحتمال أنجليزي فقال لي أنت مجنون
لاتحسبن الانجليزي سهل يأخي بكرة يجيك في الاسلئة تعبير واشعار وقرمر بالانجليزي ماراح تعرفها هون بس هون واخذ جغرافياء
المهم أني هونت واخترت تاريخ
ولكن أبقول معلومة للاخوة اللي شاورتهما (( أنا أخر اشي أنظر له الشهادة الجامعية اللي همني الحين أبغى أتعلم الانجليزي أنا عندي رغبة واضحة ))
واشكر جميع من شاركني وأعطني راية عندما طرحت الموضوع
واشكر بالاخص الاخت هدى والاخت مالها حدود
وأود أنا أوضح للاخت مالها حدود وأقول لها ((( أنني أرغب تعلم الانجليزية باي وسيلة وأنني لا هالحين أقوم بتعلمها وياليت تفيدني بما تملك من معلومات عن الانجليزي أو تخصص لي وقت وتشرح لي اللغة لو على الماسنجر))

مرحبا
الله يجعل لك الي فيه خير وصالح ... ودام الرغبه موجوده أبشر بالخير وراح تكون ممتاز فيها ...
بالتوفيق

شكرا لك ياخت هدى وبارك الله فيك