i recommend you go to tha dubai mall &Emarits mall and more pleace
i wish happy live
your sister switzerland

مرحبا من خلال زيارتي لدبي والتقارير الصراحه عجبني اشياء كثير منها مول دبي حلو وفيه الاكواريوم ومركز الاستكشاف اللي هو حوض الاسماك حلو كثير وتطلعين من نفس المول على النافوره من ورا حلوه كثير النافوره الراقصه بل روعه خصوصا بالليل جنان وعندك مول الامارات حلو كثير وفيه سكي دبي مدينه الثلج روعه وراح تنبسطون فيها تفتح من 10 الصباح والصباح تكون خفيفه مو زحمه وعندك مدينه الطفل بحديقه الخور اكثر من روعه للاطفال حتى انتم راح تنبسطون فيها وعندك سوق مدينه جميرا حلو كثير وعلى الطراز القديم وتطلعين من ورا السوق على مدينه جميرا وفيه قوراب تمشيك بفلوس الواحد ب50 درهم بس روعه كانك بايطاليا بالبندقيه روعه زوروها وعندك سوق وافي في الطابق السفلي اول ماتدخلين الدراقون حلو وعلى الطراز القديم وفيه مطعم كانك باب الحاره ولاتنسين الباص البرمائي اهم شي باص ياخذك من مركز برجمان الى الخور ويدخل بك الخور كانك بسفينه بعدين يطلع على البر روعه تلاقين مكتبهم في مركز برجمان وانتي رايحه له قبل ماتوصلين بوابه مركز برجمان راح تلاقين محلات قبله منها مكتب الباص وراح تشوفون الباص من الخارج هذا اللي زرناه تقريبا والوايلد وادي ماانصح به لان الكثير ماينصحون به للعوائل بسبب المناظر المخله وانتي ادري تحياتي لك

اخني نور المونارك من افخم واهدا الفنادق موقعه مره ممتاز وقريب من كل شي
شوفي ها الرابط واغلب الاماكن قريبه منك راح يفيدك وايد اختي
https://artravelers.com/p/re/279407

اشكر كل من رد على الموضوع صراحه وايد استفدة من ردودكم

مول الامارات و دبي موول احلا مجمعات و ابن بطوطة

مرحبا اختي
انا سكنت المونارك وتوني واصله اليوم من دبي
الفندق فخم ورائع وفطورهم جيد ولكن الفندق يتميز بموقعه الممتاز لان اكثر المولات قريبه منك مثل مول دبي ووافي وفيستفال
موفقين ورحلة سعيدة

اود الافاده ان اهم شي في دبي على قولة لا يفوتك هو
1- البراشوت في جميره قدام الممشى
2- النوافير خارج دبي مول
3- اتلانتس الفندق والاكواريوم
4- مطعم الثلج
5- الاوت لت للتقضي بسعر مناسب للماركات
6- الوافي تمشي ويمكن تقضي
7- مول الامارات السكي الثلج
8- بس بس والباقي زيادة