السلام عليكم
يارت يا جماعه حد يفيدنى بجد علشان محتاج المعلومات دى وربنا هيجازيكم خير ان شاء الله لمساعده اخوكم .
انا ان شاء الله هتيجى فيزا شنغن لى بولندا فكنت عايز حد يأكد ليه على المعلومات دى ويدينى اكتر لو يعرف ::
1- عايز اكد بس انى لما اخد فيزا الشغن واروح بولندا . المفروض انى انفع اروح مثلا النمسا او ايطاليا طيران فى نفس اليوم او حتى يومين تلاته بعد الوصول ولا فى اى نوع من المشاكل ممكن تحصل .
2- انا معرفش اى حد فى بولندا خالص ولا حتى اللغه البولندية .فيارت حد يدينى معلومات عن اقرب فندق للمطار العاصمة .يكون فندق قريب ومش غالى جدا . يكون معقول .ويارت كمان لو يعرف يدينى ازاى احجز تذكره لايطاليا او النمسا على طول يبقى كده كتر خيره . حتى لو مفيش طيران لو قطار دولى ماشى
انا بس سمعت ان الحدود الجويه اتفتحت دلوقتى وكمان الطيران ارخص من القطار .
3- انا اسف على الاطاله يا جماعه بس دى اول مره اسافر اوربا
فيارت لو حد عنده اى معلومه تنفع ميبخلش عليه بيها
وان شاء الله ربنا هيجزيكم لمساعدتى او مساعدت اى محتاج
وشكرا مقدما
اخوكم اكرم