السلام عليكم
احمد الله على توفيقه لنا في هذه السفره ثم اشكر العرب المسافرون
وكل من اعطانا معلومه افادتنا , جزاكم الله الف خير كان لكم بالغ الاثر .
حاولت اصغر حجم الصور لكن ماعرفت ! فاعذروا تقصيري واذا يقدر
احد يساعدني اكون شاكره له .
مسار الرحله كان كالتالي :
باريس - برشلونه - انترلاكن - جنيف
راح احط تقرير برشلونه في بوابة اسبانيا
وتقرير جنيف وانترلاكن في بوابة سويسرا
مدة الرحلة : 23 يوم
عدد الاشخاص : 3
الفيزا كان استخراجها عن طريق احد مكاتب السفريات ب 1300 ريال ل3اشخاص
والتأمين كان عن طريق التعاونيه للتامين لمده شهر ب 700 ريال ل3 اشخاص
بالنسبه لمدة الاقامه في كل مدينه كان كالتالي :
باريس : 9 ايام
برشلونه : 10 ايام ( اسبوع منها كان ضمن نطاق عمل )
انترلاكن : يومين
جنيف : يومين
السكن :
في باريس كان في منطقة اللاديفانس 1 في شقق سيتادين الفندقيه
سعر السكن لمده ست ايام = 6600 بمعدل 1100 لليوم من غير افطار
الثلاث الايام الاولى كان سعر الشقه ارخص شوي يعني الثلاث ايام كانت ب= 2580
يعني في اليوم ب 860 ريال
طبعا مو كل شقه مثل الثانيه ,, جربت كذا وحده بس افضل اللي جربتهم كانت في الدور الثاني اذا منيب غلطانه رقمها 201
المهم انها اخر وحده على اليمين بعد مااطلع من الاصنصير
باريس وماادراك ماباريس !!
بعد 6 ساعات في الجو نترقب وصولنا لباريس وصلنا وكانت الدنيا تمطر
اول يوم كان اكتشاف المنطقه المحيطه بالسكن كالعاده وتم بحمد الله تمتير منطقه اللاديفانس من 1
الى عند قوس لاديفانس وتم دخول اسواقها والتمتع بالجوو واخذ الصور من مدرجات قوس لاديفانس
ثاني يوم كان يوم المغامره بجد !
نزلنا في محطه شارل ديغول اتوال ومترنا ثلاث ارباع الشوارع هناك ومره كنا متسمتعين
بالاجواء والمحلات والعمران المميز لباريس وهذا سيفورا حبيب الملايين
مرينا من عند فندق نابليون وبصراحه هذاك الشارع ناسيه اسمه
وجلسنا
في ستاربكس واكيد اللاتيه هو رفيقي
على فكره الستاف اللي في ستاربكس هذا كانوا يهبلون
مره حليلين ووسيعين صدر وشوي ويحطونا فوق روسهم ؟ عاد انا قلت فنفسي ايه العباره ؟ ماطلعت
لاعباره ولايحزنون اثر اغلب شعبهم اللي احتكيت معهم من خلال اسئلتي عن اماكن معينه رائعين .
المهم بعد كل ابو التمتير بقدرة قادر صرنا في اللافاييت تصدقون ؟ههه وربي
هي جت كذا المهم اخذت كم صوره ع الطاير وقلت انت يبيلك جيه على تريث مايمدينا الحين .
وهذي صوره اللافاييت وبالنسبه لانطباعي عنه .. حلو لكن مو شرط تلقى فيه طلبك !!
يعني كان ودي اشتري شنطه شانيل من عندهم لكن للاسف لقيت الشنط عندهم الشنط التقليديه حق شانيل
بعكس شانيل برشلونه كان روعه - اشين مافي الانسان طمعه ! قلت لالا منيب شاريه من برشلونه ومنيب مثقله
الشنط ابشتري من باريس ,, رحت وانصدمت ان الشنط اللي اعجبوني مالقيتهم ولا حتي في افينيو مونتين
يعني اللافاييت في المكياج والعطور (ولايهون سيفورا) والاكسسوارات والطواقي والاسكارفات حلو بس في
الملابس النسائيه ماعجبني
حتى الشنط اللي في لوي فيتون مافي شي جديد او مميز كانت في شنطه لابأس بها عند فندي بس استخسرت 7000 على فندي
بمناسبه ان الفرنسيين متعاونين تذكرت وحده عجوز كنت اسألها عن اللوفر مافهمت
فكانت تقول انها ماتفهم انجليزي كثير ويوم وريتها اياه ع الخريطه قالت لوف اثرهم يسمونه
اللوف وقالت لي لالا بعيد أوي يختي من هنا وكتبت لي اسم المحطه القريبه منه
حبيتها والله تحسها تبي تساعدك بالغصب
تبون تشوفون اللوفر ؟
تالوا من هنا
بعد كذا قصينا 3 تذاكر للميترو لمحطه Torocadero عشان برج ايفل
ومن هنا تقص التذاكر او من المشين
وهنا تحطون التذاكر وتمرون
و الحمد لله كان استخدام الميترو مع جدول
اللي طبعته من العرب المسافرون باسماء الاماكن والمحطات القريبه منها ممتاز ومفيد جدا بالاضافه الى
الخريطه اللي اخذتها من الرسيبشن ومن المطار اول ماوصلت لباريس .
اهم الاحداث هذا اليوم :
رؤية برج ايفل والتمتع بالاجواء حوله
اخذ جوله على متن بوت لنهر السين وسعر التذكره للشخص البالغ 11 يورو ومده
الرحله ساعه. كان الجو وقتها حلو انبسطنا كثير .
هذي الله يكرمكم دورات مياه جنب برج ايفل .
زيارة منتمارت ! تخيلوا ؟
معليش كل شي جايز
تم تمتير اغلب المناطق المحيطه ببرج ايفل ومن عقبها تم التوجه لمنتامارت
طبعا المحلات المتناثره الضيقه الموصله لهضبه المنتمارت يوحيلك كأنك في سوق بسطه
محلات السوفانيرات والتيشيرتات والاكواب والمداليات تتربع على قمه المحلات هناك بالاضافه الى
المقاهي والمطاعم المتناثره .
هضبه المنتامارت وكيفيه الوصول للقمه عقب التمتير الشنيع اللي سويناه كانت اللياقه صفر
الا شوي وبعد فترات استراحه على العشب بجانب الدرجات الموصله للقمه تم بحمد الله الوصول
ورؤيه باريس في الاسفل ياي منظر يشحنك طاقه رغم ان بطاريه كاميرتي فارقت الحياه عند هذه النقطه .
بصراحه بغيت اصيح بس اشوا ان الكاميرا اللي مع اختي فيها بقايا انفس التقطت فيها هذه الصور البسيطه
من الممر اللي يتواجد فيه الرسامين وحقا كان رائع وكانت في رسمات تدوخ ..
وأكلنا في هذا المطعم وما أنصح فيه واكلنا بس الفرايز
وبعد كذا عدنا ادرجنا حول الساعه 6 المساء واحنا في اللاديفانس ناكل قشطه وفول سوداني
ونوتيلا ونشرب شاهي ولقينا بقاله جنبنا فيها لبناني يبيع خبز عربي والسعاده لاتفارق
محيّانا خاصه وان النت في شقق اللاديفانس مجانا 24 على 24 ساعه
اليوم الثالث
اتجهنا الى منطقه خارج باريس اسمها Torcy وكانت قريه هاديه رائعه انبسط الوالد فيها .. فعلا تحس فيها
براحه بال وهدوء , الجميل في Torcy بحيرتها والمساحه الخضراء حول البحيره ويوجد بالقرب منها
ماكدونالدز . بالاضافه الى انه فيه مجمع صغير فيه مطاعم ومقاهي وشوية محلات وسينما
وكانت لنا هذه اللقطات فيها
طبعا رحت لها عن طريق الرير من محطه لاديفانس القريبه من القوس وهي ثالث محطه قبل ديزني لاند
حاولت استخدم موقع العرب المسافرون بس ماعرفت ارفع الصور صح .
اخليكم الان وراجعه باذن الله مع بقية التقرير ,, الله يعيني على رفع الصور !