- المهم عرفنا انه هالطريق اللي يكمل من الجبل يوصل ديره اسمها باندونج!
- خططنا الروحه لها يوم ثاني وللرحلة بقيه, ,,, عسى ماطولت عاشباب!!
- ابو عبود اخد غفوه لأنه مانام زين في الجبل! كأنه سعلو!!
بعد ماشرب ابو عبود العصير الأخضر طلعنا من بيتزاهوت نبي نتمشى ،، شوي الا يقول ابو عبود وش جابنا عند وزارة الدفاع !!! شاف خمسة انواع بدل حراس واقفين على باب مجمع أتريوم ! قلنا يالله الستيره ! المهم دخلنا المجمع ! وكان مجمع بالمره حلو فجأه وحنا نتمشى لمحت محل كأنه في أطباء !! قلت لبو عبوود وش دا المحل ؟ قال عياده يمكن في المجمع قلنا يالله ندخل نشوف طلع كوافير وتدليك ! المهم شوي والا المحلات سكرت انا قلت يمكن صاير شيء!!!
سألنا قالوا سكرون بدري! ابوو عبود !قال هاه! وين نروح الحين الا يقول في جبل بس مادري وينه!! يعني نروح الجبل قال اي يالله نشوف تاكسي! شفنا تاكسي على باب المجمع واتفقنا واياه يوم ثاني من الصبح جا صاحب التاكسي وابو عبود يقول ترا الجبل مافيه اكل!!! مادري من قاله كدا!! قلنا يالله ناخد برايك ونمر كارفر نتسوق وبعدين نكمل الطريق!! شحط التاكسي حول 40 دقيقه وصعد بنا مكان خيال!! وابو عبوود مستانس كل شوي ويقول هاه ماقلت لك ترا اندونيسيا حلوه !! فجأه كل شي تغير بساط كبير اخضر وجوا بارد نسبيا وغيم !! الله وش هالديره؟؟! هاه هاه هاه ابو عبود يضحك! وين يابو الشباب نسكن تذكر ابو عبود الفندقين اللي حافظهم جاكرتا هوتيل واتريوم هوتل واحد سكناه!!!! والثاني اكيد في الجبل وصدق طلع في الجبل! حصلنا فيه فله!! جميله !
كالعاده ابو عبود يطقس الأجواء في الفندق بين الفلل وهو محتاس يبي يجيب ايدام على قولته الرجال اشتهى طبخ! كلمنا الشغاله وين في دجاج !! ولحم! قالت في تيس ههه وينه التيس! وصفت بيت في الجبل صاحبه يبيع تيوس بلدي! قلبت في ديك لتيوس وشفت واحد سمين قلت له يالله سم بالله ! واذبحه 10 دقايق والا داك التيس في الكيس!
المهم صارت الليل وصار الجبل جبل!! لاحس ولا وس! اقول لابوعبود خل تيسك ينفعك!!!!
مكان طبيعه وجمال بس مافي احد في الليل!! وانا وابوعبود زي السعالوه كل واحد يطالع في الثاني! المهم مرت الليله طويله!! ابو عبوود مانام!! كل شوي يشيك على الباب!!
صارت الصبح بالغصب!!نزلنا من الفندق هدا وقت الاستكشاف اخدنا تكسي وقلنا له نبي نشوف اللي في الجبل كله! كل شوي يقول صاحب التاكسي برابا !! برابا!! وابو عبود يقول له برافو عليك انت طلع يبي يعرف بكم نعطيه!
المهم اتفقنا واياه يوم بطوله ماخله وادي في الجبل! حتى ديره اسمها جيبانوس وادانا لها!! خلص الجبل من الفر !!
رجعنا الفندق !! والا على باب الفله سوق!! سوق خضره وهدايا وتحف وعطور !! وكان واحد جالس عنده شنطه! اقوله ! وشتبيع قال انا اصلح اسنان تركيب تنظيف!!!!
المهم ابووعبود شرا شورت وفانيله! و انا كسر خاطري اللي يبيع الموز قلت يالله نشتري العدق من عنده!!
المهم عرفنا انه هالطريق اللي يكمل من الجبل يوصل ديره اسمها باندونج!
خططنا الروحه لها يوم ثاني وللرحلة بقيه, ,,, عسى ماطولت عاشباب!!
اي وبعد ماعرفنا ان الطريق اللي يكمل من الجبل يوصل ديره اسمها باندونج ! وكل اللي نعرفه انا وابو عبود عن هالديره فيها بركان وماي حار !! وابو عبود حالف يسبح فيه المهم بعد مااتفقنا ويا التكسي ! جا على الوقت من صباح الله خير !!
جيك اوت من فندق جاكرتا وانطلقنا شاقين شارع الجبل ‘ على جهة بيوت الصينين!! وصاحب التكسي حط لنا اغنية حبيبي غرامك ! وحده تغني بس ماعرفها من هي !! سمعت الأغنيه قبل ! يقول ابو عبود هده فاتن حمامه !! ههه أدري ينكت !! المهم يمكن ثلاث ساعات وشوي وداك الباجيروا يحن من السرعه والصعدات والنزلات !!
خيال هالطريق زي صور اللي لأول يلزقونها على الجدران مكبره!! عرفت من وين يصوروها!!
ابو عبود اخد غفوه لأنه مانام زين في الجبل! كأنه سعلو!!
في النهايه وصلنا الديره !! وسواق التكسي يقول باندونج بيوتيفل!! وفعلا فري بيوتيفل!!
يالله ابو عبوود بسك نوم ترا وصلنا !! اي فندق يسأل السواق وحنا نقول له ان سنتر اني هوتل!! حط بنا في السنتر!! مثل مانبي ! وشفنا فندق اسمه تريو!! كله صينيين بس حلو! سكنا فيه ! ابو عبوود قال نعم ! ناخد فره ! يالله وشفنا على باب الفندق سيكل ابو ثلاثه كفرات ! وصاحبه ينادي كم قلنا يالله نركب واياه الجو حلو وركبنا واياه وتمشى في ديك الشوارع!! لين وصلنا شارع قال هذا كنجسنتر قال ابو عبود بس بس وقف نزلنا !! اي ابو عبوود يمووت على المجمعات (( أصلا انا تعرفت عليه من مجمع ههه ,, المهم نزلنا في داك المجمع والناس اللي فيه غير الناس اللي شفناها قبل ! جمال أخآذ !! والناس طيبه! تحس انهم فعلا سكان اندنوسيا الأصليين!!
تمشينا تعرفنا بسرعه على أصحاب ! سحرتنا بجمالها هذه البلد ! العجيب مافي احد غيرنا خليجي شفناه طوال 4 ايام! ! يوم ثاني مع أصحابنا انطلقنا للينابيع الحاره !! اكتشفنا بعد المشوار ان احنا عبرنا هدا الطريق وحنا جايين!! بس الينابيع بالمره جميله أبو عبود أول ماتسبح شفت شعره يدخن ! طمس راسه في الماي !! هاه ابو عبوود اشفيه شعرك!! قال ابد مسووي له حماام زيت !! قلت له شوف شعرك في مراية التاكسي!! المهم يمكن ثلاث ساعات وحنا ناقعين مثل البط المهاجر اللي طاب على بحيره!!
رجعنا التاون المدينه !! قبال الفندق محل واجهته برسلان ابيض وأسود!! ابو عبود حفظ الطريق منه!! لكن العلامه هي هولاندبيركري!! ابو عبوود اللي يبي يعرف وش داخل هالشطرنج !! مارتاح الا لما اكتشفه طلع مجمع بيلياردودسكو!!
وحاجه مافهمنا سالفتها!!
المهم مرت4 ايام مثل ساعه!!! , في باندونج كل يوم نكتشف شي!! وأبو عبوود نوى يطول أكثر عجبته المكان والناس اللي فيها! لكن ..
رجعنا الى جاكرتا!! والرجعة في القطار !!وباقي الأيام !! الى جزيرة بالي !! يتبع................
