افضل لك انك توضح اذا كنت رايح شهر عسل .. او عايلة .. او شباب مثلاً ..
علشان الاخوان يحددون لك اللي يناسبك ...
وبعدين ما عندك حجز طيران لأي مكان بيننج او لانكاوي مثلاً ..
لان من كلامك شكل الذهاب والعودة كولالامبور ..
اقعد لك ليلة في سن وي لاجون .. بعدين اطلع منها ل بيننج مثلاً او لانكاوي ( اذا كنت رايح شهر عسل ) .. لمدة 5 ايام 4 ليالي يعني .. وبعدين ارجع كوالا .. وخذ لك فندق ب شارع العرب .. افضل مكان للسكن في كولالامبور بدون منازع صدقني .. كل شي عندك اسواق مطاعم ..
بتطلع يوم جنتك روحة ورجعة قريبة ساعة الا ربع .. واذا ودك تسكن فيها ليلة ما يمنع بس لا تزيد عن ليله ..
عندك افاموسا بتروحها وانت بكولالامبور بس ما انصحك تسكن فيها .. الا اذا كنت بشهر عسل لأن يمدحون الفلل الخاصة ..
وما دام مدة سفرتك 14 يوم تقدر تروح لانكاوي وبيننج .. مثلاً 3 هنا و3 هنا ..
انا سولفت لك واجد لأنك ما حددت وضعك .. انت حدد ومعليك ماحد مقصر معك

أنا رايح شهر عسل أختي بنت سنعة

alqablan_ha
وعليكم السلام ورحمة الله وبركاته
ياهلا بالعريس
اول شي مبروك الف مبرووك
وثاني شي
ابي اعرف توقيت الطيراان لأنه مهم جداً
عشان اعرف كم ليله بتمكثون هناك
بالتاريخ فقط اعرف ان المده 16 يوم=15 ليله
وفي بعض الاحوال قد يتطلب منك حجز الفندق لمدة 17 ليله
على العمووم عطني توقيت الذهاب من ديرتك
وثالث شي
شنو الاماكن اللي تحب تزورها بماليزيا بالضبط ؟
يعني اذا تبي كوالالمبور والمناطق المجاوره لها فقط
او ترغب بزيارة جزيرة لنكاوي وبينانغ
حدد المناطق
وان شاء الله افيدك والاخوان ايضاُ مايقصرون
وفالك طيب

أخوي الرايق الله يجزاك خير أنت وأختي بنت سنعة على المشاركة بالموضوع
والله يبارك فيك
الخطة كالتالي
حجز الطيران
أنا عندي حجز لماليزيا بتاريخ 22/10/2007 الفجر الساعه 1صباحاً والعودة يوم 6/11/2007 العصر الساعه 5وحجزت على الخطوط السعودية
وبالنسبة للأماكن
طبعاً كوالا رئيسية أول ماأصل ليلتين سيلانجور وسمعت عن لانكاوي يومين وبينينغ أربع أيام وثمان أيام بكوالا فيه ناس قالوا لي جينتنغ زيارة من الصباح إلى أخر اليوم وكاميرون إيلاند برضوة زيارة .
طيب هل يستحسن يكون زيارة أو المبيت بها على ليلة ليلة اللي هي جينتينغ وكاميرون

وسمعت عن لانكاوي يومين وبينينغ أربع أيام
اعكس عدد الايام افضل..
لان لنكاوي هاديه وراقيه ورومانسيه.. للمعاريس..
بينما بينانغ حقت عوايل اكثر...
وثمان أيام بكوالا فيه ناس قالوا لي جينتنغ زيارة من الصباح إلى أخر اليوم وكاميرون إيلاند برضوة زيارة .
طيب هل يستحسن يكون زيارة أو المبيت بها على ليلة ليلة اللي هي جينتينغ وكاميرون
بالنسبه للكاميرون انقسمت الاراء حولها.. ناس يحسونهاا حلوه..
وناس يحسونها قمة الزهق والطفش ومخيسه وحسافه الايام اللي عليها - وع (ومن ضمنهم انا..اكيد استنتجت هالشي من حماسي ههه)
اذا كنتوا تحبون الهدوء مره.. وماتحبون الملاهي واللعب.. لاتنامون بجنتنغ..
اما اذا تحبون اللعب والوناسه وتبون غيوم وبراد ويالله من فضلك يارب.. ليلتين بجنتنغ مره احسها ممتازه (بس اهم شي الحرص على انتقاء الفندق المناسب)
بالنسبه للجدول.. اقترح عليك تحمل ملف اخونا زمان الصمت.. وتحدد وش اللي يشدك من اماكن,, وتشطب على اللي مايجوز لك..
لانه صعبه اي احد يجي هنا ويقول لك رح هنا ولاتروح هناك.. وهو مايعرف نفسيتكم كيف.. صح؟
تحياتي لك

alqablan_ha
اول ليلتين ان افضل ان تحجز بفندق الصن واي لاقون (الفيلا) ان كانت الماده تسمح لك
لأن نظام الفلل هناك خااص للعرسان وبه مسبح خااص والسعر بحدود 1500-1650 ريال لليله الواحده
شامله الضريبه0
أو
السكن بفندق الخيول الذهبيه غرفه ديلوكس
وبعدها
لديك اكثر من خيار للسفر الى لنكاوي عبر الطيران الماليزي او خطوط الاير اسيا وهي الارخص
والسكن هناك لمدة 3 ليالي على الاقل بفندق لنكاوي لاقون او فندق بيلانجي بيتش والأخير اتكلم عنه
من واقع تجربه وكانت راائعه ؛؛ ولنكااوي لاقون جميع من زاره يمدحه00 والغرفه ديلوكس مطل على البحر
وبعدها الانتقال الى جزيرة بينانق ولديك ايضا خياران عبر الفري ((السفينه )) او الطيران
والمكوث هناك اربع ليالي بفندق الباي فيو بيتش00
وتبقى لك ستة ليالي تستطيع السكن مثلا بفندقين بكوالا كل فندق 3 ليالي
والخيارات متعدده جدا جدا
ان اردت الفخامه ففندق المندرين المجاور للبرجين افضلهم بوجهة نظري
وهناك فندق الويستن والماريوت على شارع العرب
وايضا فندق تريدز القريب منهم
وايضا هناك فندق التايم اسكوير الضخم وبه اسواق ومدينة العاب
وهناك فندق استانا ايضا
والفندقين الاخيرين هما الارخص00
وبالنسبة لجنتغ هاي لاند طبعا تستطيع الذهاب اليها من كوالالمبور بالسياره بحدود الساعه
او الساعه ونصف ؛؛ ولم اجرب السكن بالجنتغ
وان اردت اسكن جنتغ هاي لاند
اما عن الكاميرون لم اجربه ولم ادرجه بالجدول لدي ولذا لا استطيع الحكم عليه
واتمنى بان افدتك ؛؛
وفالك طيب

مسافره مختبه
الله يجزاكي خير على التعليق أختي

الراايق
الله يجزاك خير أخوي الرايق على المعلومات وعلمني وش رايك بالترتيب والتسيق اللي أنا كتبته

alqablan_ha
هلا
اخووي الغالي
يومين ابداً ماتكفي بلنكااوي
يعني 3 ليالي اشووفهاا لا بأس بهاا
لأن بها جولات على جزر صغيره هناك وركوب التلفريك والشلالات وغيرهاا مثل رحلة نهر المانغروف
وبطبيعة الحاال هي رومانسيه وأهداء من بينانغ المعماري اقدر اسميهاا00
والمقصود بانها هاديه ليست الهدوء الكلي00
وانما الزحمه قليله بعكس بينانغ00وايضاً بها نشاطات بحريه مثل السكوترات المائيه والباراشوت المائي
وايضا عالم تحت الماء00
وعلى العموم
تستطيع ترتيب جدول بشكل افضل ايضاً اذا اعطيت نفسك وقت كافي لأخذ جولات على مواضيع الاخوان
وتقدر من خلالها ان شاء الله ترتيب جدول مميز
وبعد الترتيب النهائي اطرح الترتيب علينا وان شاء الله نخبرك بالمعلومه
https://artravelers.com/s/56
وهذا الرابط للتقارير المصوره
منها المنتهيه ومنها مازالت تحت الانشاء
وفالك طيب