اقترح عليك تروح روما بالطياره ومن روما الى فينيسيا بالقطار ومن فينيسيا الى جنيف بالقطار ومن جنيف الى باريس بعد بالقطار.
ولازم يكون معك حد ولا بتزهق من قعدة القطار.
انا اقترحت جنيف لأني احس انها على الطريق وانت رايح باريس.
وبالتوفيق

بالنسبه من روما لفينيسيا رح بالقطار اريح مدته 4.30 ساعات
ليش اريح؟
لانك لو بتحسب مدة خروجك من الفندق بروما الى ما توصل فينيسيا بيكلفك نفس المده
اقلها حضور قبل الطياره بساعتين ومدة الحله بالجو حول الساعه مع الشنط والعفش وتاخذ تاكسي وتروح لمحطة وتركب القوارب المائيه برضه حول الساعه فما اعتقد انك بترتاح
اما لو حجزت بقطار وقصيت التذكره قبل بيوم تروح لمحطة القطار قبل الرحله بنص ساعه وكلها مسافة الطريق وانت واصل محطة القوارب المائيه اللي هي وجهة كل مسافر لفينيسيا سواء برا او جوا وبالنسبة للقطارات بالعكس ما اشوف قطاراتهم سيئه لهالدرجه بالعكس مره رائعة اذا كانت على قطارات اليوروستار الجديده انا تنقلت بايطاليا لكذا مكان ما صادفت قطار سيئ بمعنى سيئ او لنقل بدائي الا قطار نقلني من كومو الى ميلان وطبعا ما كانت المغادره من محطة كومو الرئيسيه كانت من محطه مدري وش اسمها على البحيره عموما تقدر تحدد نوع القطار اللي بتسافر عليه قبل لاتركبه وبتلاحظ تفاوت بالاسعار برضه
اما السيارات مالي اي خلفيه عنها
والمسافه من فينيسيا لباريس شوف كم ساعه وحدد على اساسها قطار او طياره
اتمنى اني افدتك

شكرا لكم يااخوان ماقصرتوا
جنيف والله حطيتها ببالي شكلي بدخلها بالرنامج حق يومين
او بطلع بالطياره على باريس علطول على اني مو متطمن لسى للطيران حقهم
تتوقعون لو اشتريت التذاكر اليورو ستار من الانترنت من بدري بتطلع ارخص علي ولا نفس الشيء اشتريهم من روما ؟

اركب قطار يورو ستار
تقريبا 4 ساعات
عموما فينيسيا حلوة لكن لا تجلس فيها اكثر من 3 ايام

بالنسبه لفينسيا فتقدر تروح لها بالقطار من روما وتقريبا تاخذ 4 ساعات بس نصيحه انك تروح لفينيسيا من فلورنس لأنها أقرب والوقت الى فينيسيا يكون أقل بحدود ساعتين. روما من رايي انها تستاهل 5 أيام لأني توني راجه منها وماشبعت.وليش ماتروح ميلان تراها وايد حلوه وشرحه.وإجازه سعيده.

drnasserj
لا اغلى بتطلع التذاكر انا مجرب بنفسي
وبالنسبة للمده والاماكن الناس اذواق ناس تعجبه الديره وناس لا
بالنسبه لي روما ماتنفع جلست بها يومين وحسيتها كثيره والاخت اللي قبلي جلست بها 5 ايام ولا شبعت فهنا اقولك الناس اذواق موب معناها انا ما اعرف بالسفر او المدن والاماكن السياحيه اوالاخت ماتعرف لا ابدا معناها الناس اذواق طبعا ذكري لمدينة روما من شوي مجرد مثال ليس الا

أخي الكريم
أفضل طريقة للسفر بين المدن الإيطالية هو القطار وإليك موقعهم واختر نمها اللغة الإنجليزية، وتعرف على جميع جداول الرحلات (ملاحظة بسيطة يجب أن تكتب أسماء المدت التي تزورها بلغة صحيحة مثال فينيسسيا تكتب Venezia )
http://www.trenitalia.com/en/index.html
لك تحياتي

مرحبا أخوي
انا وعن تجربة سافرت هذا الصيف مع زوجتي وابني لروما ثم فينيسيا ثم باريس ومن بعدها لسويسرا كانت
جميع تنقلاتنا بالطائرة والحمدلله كانت سلسلة ومريحة جدا من فينيسيا لروما على الطيران الايطالي
ومن بعدها انتقلنا من روما لباريس عبر خطوط ايزي جت ( طيران اقتصادي ) وكان ممتاز ودقيق
جدا في المواعيد وعلى نفس الخطوط ايزي جت انتقلنا من باريس لجنيف ...
بصراحة انصحك بالطائرة لاختصار الوقت والجهد مع العلم إني حسب ماسمعت القطار جيد بايطاليا
بس انا فضلت الطائرة عشان مسالة الشنط ..
أتمنى أكون أفدتك

يا أخي هناك عدة امور ممكن تحكم الموضوع
اذا تحب السفر بالسيارة خذ سيارة وبتطلع اوفر لك
لكن القطار جيد بل ممتاز ،، بشرط انك تركب يورو ستار