اشدعوه يا جماعه محد رد علي للحين

من كاكا الى سندباد كويت ............... من كاكا تحيه وتقدير ............ اتبع كاكا .
حاضر باللى اقدر عليه ... شفت لك مناشدات سابقة ........ بعطيك من الاخبار ... انشالله يسرك ... وترى الاعاقة يازينها
ان كانت مع ايراده ......... لا تشيل همها ..... وبرحلتك تمتع ... لاتخاف ما تضيع ... مونيكاك صاحبت التكسي الوردي
عندها ... من الاخبار ما تسرك ... موقفها ... بفندق منجوليا .... او اسعد اللبناني ... تراه يعجبك .... خلك مستريح وهم
بالدينار يخدمونك .... من يوم تدخل بيشتني بالشارع الرئيسي .... طوف اول اشارة وخل بالك على اليمين ... فيها
من الفلل ما يعجبك .... من 70 الى المئة دولار باليوم .... بتجد طلبك ....... وفيه ابعد لكن مصاريف التكسي تنهبك
بالتلفون يجيك لمقرك ........ من بعد الجسر .... على النهر .. مافيه غيره للسيارات ... خلك يمين مسافة قريبة
وتجيك فيله على اليمين او الفلل تراها تطل على النهر ... غالية 100 دولار وما فيه انزل .... كاكا .
وان طعت شوري ... لاتحاتي هذا الموضوع .... ان صرت هناك على كيفك تخير ... ومطلبك موجود خارج السنتر ....
توكل على الله وتمتع ........ وبتجد من يخدمك ... بطيب او بالاخضر .............. من كاكا السلام

يعطيك العافيه يالغالي ( كا كا ) وما قصرت ---- طمنتني بردك علي وارتحت ----
شكلي جذي بأكد حجزي وبتوكل ---- عساك دوم بخير وتخدم الكل ----
يا طويل العمر بصير طماع وبطلب منك تسوي لنا جدول رحلات بالأماكن اللي نقدر انروح لها انا والاهل لكن ماتكون بعيده جدا خلال الفتره اللي بنقعد فيها ( 7 - 10 ) ايام لان بعدها بنروح لفينا من ( 5 - 7 ) ايام
ولك مني كل التقدير والاحترام ---- والسلام ختام

سلام عليك اخوي سندباد واسف على تاخير ولاكان قصدي اني اطنش والله شوف بالنسبه الي الفلل كثيره ولاتحاتي وبدال الوحده ميه واكثر البيوت للاجار بس الي ابيه منك علشان ماتستعجل بالفله خذ يوم واحد في فندق مغنوليا او فندق ستاليت وبعد ماتسكن ام العيال والعيال وترتاح شوي اخذ لك تكسي وقوله ابي فلل في بنكا او ردنوتسا او حتى في بشتني ودور على راحتك ماعندك عجله مدامنك هاليوم ساكن في فندق او تكلم بعض العرب المقيمين مع انهم ياخذون عموله عليك وعلى صاحب الفله بس يمكن يحصل طلبك بس انا افضل انك تعامل مع سلوفاك افضلك وانت وكيفك بس شوف اخوي سندباد أذا تبي تسكن بنكا او ردنوتسا لازم تاجر سياره افضلك النها بعيده شوي عن الخدمات وتقدر تروح حق بشتني في كل وقت واذا ماتبي تاجر انا انصحك تسكن قريب من السنتر افضلك حتى لو مكان فيها حديقه على القل كل شي تبيه قريب والله يوفقك في رحلت وماتشوف شر طال عمرك واذا دشيت سلوفاكيا قول لهم يقولكم جيمي سول ( خيباشمي موتس سلوفانسكي ) .

من كاكا الى سندباد كويت ........... تحيه وتقدير .............. من كاكا .
والله مانى راعي تنظيم رحلات .... ولا اعرف ارتبها لو بغيتها ... لكن ابشر باللى اقدر عليه ... اتبع كاكا .
قلت فى ضمن كلامك رحلتك ان لك ايام فى سلوفاكيا ومنها الى فينا .... توضيح هل تبي ترد الى سلوفاكيا بعد فينا
على العموم ان كان لك رده وطيرانك على السلوفاكية .... تاكد بان فيزتك متعددة السفرات ... او الحصول على
ما يسمى ..... سبتنا فيزا..... من بيشتني تاخذها ... من دائرة الجوزات .. صور شخصية مطلوبة ...
انشالله ان وصلت ... فيه بعض الاخوان السورين واللبنانين ... عندهم باصات متوسطة الحجم ... اتفق على السعر
ولا تستعجل فيه ... اسأل هناك .... واللى يسال ما يضيع .... اربعة اوثلاثة ايام كفاية ... لرحلة وحدة ...
هاي تتري ... يعرفونها .... تتبع بوبراد المدينة ... لاتسكن فى المرتفعات وفنادقها .... من ناحية الشرق فيه قرية
صغيرة وجميلة .... بينها وبين بوبراد .... سكن مع العوائل بشقه ارضيه ... رخيصة واوفر .... منها اطلع الى جبال تتري ...... والباص الجوي اركبة وتمتع ... ترى فيه تلفريك نفرين ... اخذه وبعدة محطة الباص الجوي .. بالمرتفع
جو جميل ومطار اغلب الاوقات ... لاتنسي ملابس شتوية ناخذها معك ..... منها الى .... مكان جدا روعة
يسمونه جنة سلوفاكيا ... سلوفسكي راي ..... انتبه ترى بعض العرب ما يعرفونة ... بقرية مكانة .. جنوب شرق بوراد .... ما بعيد عنك 70 ك وقرب ..... فيها لاتسكن بالفندق او الشاليهات .... ادخل القرية .. والسكن عندهم متوفر
وفيه الكثير من الموتيلات ........ او البنسيون ...... منها تقدر تركب التلفريك ... وتذهب الى السهول فوق الغابات
مشكلة المكان انه المفضل للى يحب رياضة المشي .... وان كنت من محبين الحداق ... دير بالك ترمى خيوطك
بالبحيرة .... عليك مخالفة ... من 10 دنانير واكثر .... هناك اكشاك عند الكنيسة .... قص تذكرة حداق ... بدنارين ومو اكثر ...... و بالبلطي تمتع ... وعلى ضفاف البحيرة اجلس وتمتع بما حبها الله بالجمال .... وديربالك خل ملابس شتوية معاك ... والواقى النايلون ... من لزوم العده ... اشتره من بوبراد رخيص احسلك ..... اتبع كاكا .
وان بغيت فينا ..... ترى الديره جميلة وغاليه ... لكن تستاهل .... فيها 24 سنتر ... وكل سنتر بتشوف فيه من كل اطياف البشر ........ والملاهى قريبة ... تستاهل من يمرها .... وان بغيت اجمل ما فى النمسا ... عنك بعيده وغالية
زلمسي وساسبورق .... من فينا 400 ك وقل شوية .... وتمتع بالبحيرة و الشاليهات اللى عليها ... بس ما نصحك فيها ... خلك فى فينا يومين ولا تكثر .... 40ك من براتسلافا مواكثر
خل لك يوم تمشي ... وان جت صلاة الجمعة ... فى براتسلافا .... احسن صل فى مسجد بالطابق الثاني ... مسلمين من عرب وسلوفاك .. و اهل البوسني والهرسك .... هناك متجمعين ... سلم عليهم .. والاسواق الضيقة هناك تعجبك .... من عند الماقدونلز ... قريبة ........ ما تضيع ..... اتبع كاكا .

مساك الله بالخير اخوي سندباد q8
انا انشالله ماشي بتاريخ 27/7 وحجزتلي عن طريق التلفون شقتين من واحد عربي ساكن في بشتني وحسب علي 10 يورو على الشخص الواحد وراح ينطرني في المطار وراح اسكن في منطقة اسمها بنكا وقالولي تبعد عن بشتني 400 متر تقريبا وانا رحلتي عائلية كويت قبرص ساعه وبعدين سلوفاكيا وعلى فكره كل شقه معاها حديقه ولزمت على الحديقه واذا انت محتاج افيدك اكثر انا حاضر

السلام عليكم ورحمة الله وبركاته
اخواني -- جيمي سول --- كاكا --- لك يوم ----
انا اشكركم جدا على تعاونكم وطول بالك --- الصراحه ما قصرتم معاي ويعطيكم العافيه --- والمعلومات اللي فدتوني فيها حاطها بعين الاعتبار ولاني بناسيها.
وفي الختام لكم مني كل التقدير والاحترام

-- --- -- q8
tuae 18-7-2006 18