- بسم الله الرحمن الرحيم
بسم الله الرحمن الرحيم
في البداية أهني جميع مدراء ومشرفين وأعضاء المنتدى الغالي بقدوم شهر ذو الحجة ....والله يكتب للجميع الخير والأجر فيه
أدخل في صلب الموضوع ....رحلتنا حتكون اليوم العصر يعني الإقلاع حيكون الساعة 5 إنشاء الله على أسطنبول .. ومع الأسف لما جيت أحجز الشقة عن طريق موقع pooking كان لازم زي ما تعرفوا الفيزا وزوجي يخاف من هادي الأمور وما يثق في أحد خاصة بعد ما أنضحك عليه قبل كدا .. فلغاها ..
وأعتمد على شخص موجود في تركيا من طرف واحد من أصحاب زوجي اللي بيسافروا تركيا دايماً وإنه هو حيحجزلنا .....بس مع الأسف بلغنا اليوم عن فندق ...واحنا مايناسبنا الفندق احنا عددنا 5 أنا وزوجي وأم زوجي وطفلين 5و8 سنوات يعني لازم شقة بمطبخ ومجهزة لعائلة ...وأنا بصراحة لقيتها في الموقع وعجبتني كم وحدة حتى أسعارها تناسب ميزانيتنا ولما بلغ الشخص اللي في تركيا بأسماء الشقق قال ما أعرفها أنا ما أحجز الا فنادق يعني تاخدوا غرفتين
والشقق من موقع pookng ,واضحة ومعروفة حتى المخطط واضح وبصرااحة حاسة اننا إذا ما حجزنا لو يوم عالأقل حنتبهدل خاصة أم زوجي كبيرة حرام غير الأطفال والشنط وشيلتها ...
هادي أسماء الشقق إذا أحد عندو فكرة لأي حل أرجوا السرعة 1- Byzas Hotel
العنوان : Kucuk Ayasofya Mahellesi Kadirga Liman Caddesi Bardakc Sokak No:1, 34122
2- Ascot House
العنوان Saray Ici Sok. No:23 Sehsuvarbey Sultanahmet, Beyazit
3- Turcomania Suites
العنوان
Kucuk Ayasofya No.9, Old City Sultanahmet, 34400
4-Sah Apart Hotel
Binbirdirek Mah. Babayani Sok. No:04 Sultanahmet , Old City Sultanahmet, 34122
والله صدعت من التفكير ونفسيتنا تعبت أنا وهو ما نعرف ايش نسوي قاللي خلاص ما دام عندك العنوان لما نوصل نروحلها ونشوف ايش يصير .
وباذن الله تتيسر اموركم بس هونيها وتهون حبيبتي