السلام عليكم
اول شي تاصلون بالسلامة ان شاء الله
اسمعي وانا اخوتس انا ابقول لتس المحلات الي في بوكيت لازم تزورونها اول شي جزيرة بي بي وجزيرة جيمس بوند وهذي اسالو الفندق او الشاليه الي انتم ساكنين فيه لان مرات يصير عندهم امكانية تحجزون من عندهم واذا صار ما فيه فيه الباتنق بيتش الشارع الرئيسي عليه كشكات كثيرة تحجزون عن طريقها وليت تسالون اكثر من محل لان الاسعار تختلف
الشي الثاني الفانتزي عرض رائع وعلى قولت الي راحو لبوكيت وانا منهم اذا ما رحت لفانتزي اجل ما رحت لبوكيت برضو من نفس المحلات الي تحجزون الرحلة للجزر عن طريقهم وفيه عندهم مقاعد يسمونها القولد الي هي تجي في محل مميز على شان تشوفون العرض بشكل واضح وانصح فيها
فيه برضو عرض الباليه وهذا في شاطي الباتونق بيش برضو حلو اذا معكم وقت بس الزم ما عليكم الجزر والفانتزي وبعدين اذا معكم وقت روحو لعرض الباليه
طبعا التسوق في بوكيت ما انصح فيه لان عندكم بانكوك لا يعلى عليها
برضو فيه الشارع الرئيسي للباتنوق عليه مطاعم بحرية وكوفي شوبات جداء حلوة للقعدة في الليل
اتمنى اني افدتكم واي استفسار اسدحه يا اخيي
بالتوفيق

مشكور أخوي
بس الشارع الرئيسي ف بوكيت شسمه؟
ماقصرت

حمدلله على السلامه يا اخوي
الرحلات كثيره ومنها
جزيره بي بي ايلاند
جزيره جيمس بوند
جزيرة رتشا
فنتازيا شو
بوكت زو
الفيشينغ رحلة صيد
والشارع الرئيس والمزدحم والحياة دائما فيه ويعج بالحركة والنشاط باتونغ بيج
وفيه اكثر من مجمع صغير
وفيه مجمع كبير وبه داخل كارفور وربنسون وسينما فوق ومطاعم ومحلات
ومقابل المجمع فيه مطاعم عربيه مثل القاهره وشرق وعندك بعد مطعم دبي
وبالنسبه لحجز الرحلات انصحك تحجز من الكشكات اللي بالشارع على الارصفه
وكاسرهم اخوي وشكرا وموفق