سلام عليكم
استشارة ومساعد عاجلة والله افتر راسي وانا افرفر بها النت ماسوت عليي تعبت صراحة وتعبت مني ماليزيا خلاص ابي مارد يطلع من المصباح ويقولي حجزت كل شي وماعليك ياأميره غير تباركين الطيارة __خخ__حلم حلم
زوجي يااخواني واخواتي الاعزاء ترك الخيط والمخيط بيد بس هالسفرة لاتصدقون كل شي __قدها ان شاء الله يارب والله اني خايفه من كثر ماامدح نفسي قدامه اطيح بشر اعمالي مو اعطي الخبز خبازه
المهم علشان لا ادخل في العميق بقولكم نتيجة قعدتي النتنوتيه وهي كالتالي:
رحلتنا المفروض بتاريخ 25 سبتمبر ورجوع 2 اكتوبر المجيد__عرق مصري (العدد:انا وزوجي وولدي عمره سنة ونصف)
طبعا شيكت على الرحلات ولقيت
السعوديه 6541 ريال**الاتحاد5012**ماشيكت ترانزيت فيه ولا لا همي اسافر**الامارتيه5877**السريلانكية5464
نجي الحين الى خط سيرنا داخل ماليزيا
ابي اروح كوالا لمبور وسلانقور وبينانج ولانكاوي ونفسي اروح مكان بارد زي الكاميرون بس احس الوقت ضيج ومابي التنقل كثير ابي سياحة وبعد الستجمام و خايفه على ولدي من تقلبات الجو ولا شرايكم
نبدأأ
كوالا : السكن في(ماندرينا او ترادرز او بارك رويال او رجنسي)انا ابغى مكان نظيف وفخم وسع شوي مو حكره ولافريج وسط ولدي مشاء الله عليه حركي حيل وابيه قريب من الامكان الي بروح لها
مخططه نروح زيارة البرجين_عالم تحت البحار_حديقة الطيور والزهور_الشلالات _مجمع تايمز سكوير_شارع العرب_المتحف الاسلامي
في سلانقورالسكن في صن واي لاقون) ان شاء الله طبعا فوق وبعد كل شي بنروح حديقة الحيونات --مدينة الاضواء--وطبعا لا غنى عن صن واي
بينانج: موعارفه وين نسكن للحين محتارة شورو علي يعطيكم الف عافية الاماكن((
الهضبة_السوق الليلي يقولون حلو انا اكتب وانتو صححو وراي --زيارة حديقة الفراشات والفواكه ومصنع الشوكلاته
لانكاوي :السكن في(( دانا او فرنكي بانا اوتانجو)) رحلة المانقروف _ركوب الهيلوكبتر_ والمجمعات
طبعا افكر اخلي يومين سلانقور وبعدين بينانج يومين ولانكاوي 3 ايامولا انسى اقولكم اني شيكت على موقع بوكينق لاقيت فرق الاسعار بينه وبين اقواد اسعاره مره حلوه وحاولت احصل الويب سايت تبع الفنادق ماقدريت ياليت الي عنده يخبرني جزاه الله خير واذا في خيارات ثانية لوتكرمتو
طبعا هذا جدول مبدئي اشوفه يفتقر لكثير من معرفتكم وينقصه خبراتكم وتجاربكم بمعني قابل للتعديل