wonderful_girl
04-12-2022 - 12:55 am
السلام عليكم ورحمة الله وبركاته..
اخواني واخواتي ...
انا اول مره بزور فرنسا/باريس ان شاءالله .. لمدة 3 ايام .. لاننا راح نطلع من لندن الى باريس بقطار
واحنا عايله مكونه من 8 اشخاص
حبيت استفسر منكم وين احسن مكان نسكن فيه بباريس.. يعني ابي المنطقه تكون حيويه
وفيها سوبرماركت وكافيهات وهالاشياء ..
ونبي نسكن بفندق سعره معقول يعني الليله بين 700 الى 900 ريال ..
وشنو احسن الاماكن اللي اقدر ازورها بال3 ايام .. احنا ناويين نزور ديزني لاند لمدة يوم كامل
ابي اعرف احسن المطاعم والكوفيهات والمحلات التجاريه اللي المعروفه مثلا نفس اللي بلندن (( سلفردج/هارودز/بريمارك))
وانا سمعت ان يوجد في باريس اوت لت.. وين مكانه يعني كم يبعد بالمترو او الاندرقراوند؟؟
ابي جدول لهال3 ايام بس مابي اماكن سياحيه يعني مثل المتاحف ومادري ايش
والسمووحه عالاسئلة.. ومشكورين مقدما ،،،
المعروف ان المنطقه الحيويه والقريبه من كل الاماكن السياحيه واللي غالبية السياح الخليجيين يحرصون على السكن فيها هي شارع الشانز والمناطق القريبه منه
فابحث عن فنادق في هالمنطقه
يوجد اوت لت في باريس ( اوت لت لافيلاج)
تروح له عن طريق المترو والمحطه اللي تنزل فيها هي المحطه اللي قبل ديزني لاند واسمها( فال دي يوروب)
روحو له في نفس اليوم اللي بتروحون فيه لدزني
خلو الاوت لت الصبح واذا خلصتو اطلعوا لديزني
الاماكن السياحيه
الشانز. برج ايفل. هضبة المونامارت, الحي اللاتيني,, اللاديفانس, ديزني لاند
جوله في نهر السين,, متحف اللوفر,, قصر فرساي
وقبل هاذا كله جوله بالباص الاحمر السياحي
..
المطاعم والكوفيهات اغلبها على الشانز او قريبه منه
وفيه مواضيع في البوابه عن افضل المطاعم طلوا عليها
..
موفقين