من القلب لبيه
11-08-2022 - 01:19 am
السلام عليكم ورحمة الله وبركاته
بما اني رايحه لاول مره لتايلاند ومو عارفه شي كلش ومدت جلوسي في بانكوك اربع ايام ودي استفيد منها نهار وليل
ومعي طفلتين
ماابي اطفشهم بالتسوق
اتمنى توجهوني ببعض الامور؟؟ولان وقتي ضيق ليتكم تنبهوني للي مايستاهل اني اروح له اكون لكم شاكره
من خلال قراتي لمواضيع الاعضاء مدحو التالي
1-دريم لاند ممكن تقولون لي هل تستاهل الزياره وكم اجلس فيها ومتى تفتح وتقفل؟؟
2-رحلة السفاري تستاهل ولا لا؟؟ومتى اروح ومن متى لمتى اقدر اروح
3-السوق العائم
4-سيام اوشن وورلد
5-الاسواق مثل MBK وبوبي تاور وطوكيو سنتر وروبنسون والسوق الصيني تفتح من متى لمتى؟؟
6-المدينه القديمه Old city
وياليت الي يعرف مكان حلو وينفع للكبار والصغار يضيفه هنا
الشي الاخير انا حجزت في فندق هوليدي ان سيليوم هل هناك شي مخل بجانب هذا الفندق لاني قريت لاحد الاخوان ان فيه اسواق في شارع سيليوم ماتصلح للعائلات ارجو توضيح هذي النقطه بتفصيل شوي عشان احاول اغير الحجز
والله يجزى كل من ساعدني الف خير ويجزيه الجنه ومن احب
والله شوفي انا فيه بعض الكلمات مااحبذ استخدامها مثل ( مامدحوه ) ( يستاهل الزيارة ) لان الااعتماد عليها ، غير صحيح مع الاسف
ومن المحزن ان نربط برنامجنا السياحي اليومي بهذه المصطلحات والاعتماد فقط على كل مايكتب
ماعلينا ،،،، طيب
دريم وورلد ملاهي رائعه وكبيرة وتستحق الزيارة اكيد وهذا شي ترفيهي وتفتح من 10 الصباح الى 5 العصر
السفاري استعراضات وحيوانات طليقه وخارج بانكوك ونفس التوقيت وسيام بارك كتب عنها اخونا ابوبدر في البوابة ( من اجمل مايمكن زيارته في بانكوك ) وهي تستحق الزيارة اكيد وشي ترفيهي للاطفال
السوق العائم مزار سياحي معروف على مستوى العالم وهو الهدف منه الزيارة وليس التسوق وهو خارج بانكوك وروحته من الصبح بدري
بالنسبه لوقتك انصحك تركزين على الدريم وورلد وسيام بارك واليومين الباقية تسوق
ام بي كي وتوكيو سنتر نفس بعض هذولا وركزي عليهم لانه اكثر سوق بتشترين منه
ايضا سوق بلانت ميليينوم ركزي عليه
الباقي اذا معك وقت مثل بوبي تاور والسوق الصيني وسوق باتونام
طبعا لاتنسين المجمعات الضخمة سنترال وورلد وبراجون وغيرها وهي بجنب بعض
جميع المجمعات تفتح من 10 الصبح وتسكر من 7 الى 8 بالليل
طبعا الاسواق الليليه تفتح بعد 7 مساء الى 12 بالليل
الاهم انه لازم تعرفين الفرق بين اسواق ماليزيا وتايلند ، في ماليزيا اذا كنتي تجلسين في السوق 3 ساعات في بانكوك 5 ساعات
هوليد سيلوم رائع وممتاز وعائلي وخليجي لكن موقعه بعيد عن الاسواق ولاادري لماذا اخترتيه
اكيد بتقولين الكلمه ( مدحوه لي )
بس فيه شي مخل ؟؟؟ يعين لوقلنا فيه بتغيرين الفندق مسكينة تايلند باالسمعه
لا ارتاحي مافيه شي ابد حولة واصلا الفندق ضخم ومعزول واي طلعه منه لازم بالتاكسي
ارتاحي واطمني
والله عارف الحساسية اللي عندك ولو فيه شي بقولك اياه ، هذي مسئولية
وش فيه شي بعد بتسالين عنه
طيب
انصحك بفندق هوليد ان بانكوك مناسب لك تماما والاهم مافيه شي مخل
تحياتي
دولي