السلام عليكم ورحمة الله وبركاته
هلا وغلا الغالي
وصباح الفل والياسمين
بالنسبه للمصروف لشخصين مابين 200 إلى 300 باوند
والفندق فيه كذا واحد ..
فكم الميزانيه الي حاطها حق الليله الوحده !!
وفالك طيب

عارف اني خاش عرض بس والله يا ناس ان القطري ودكم من يحطه على الراس من فوق يا حبي لك تكفى

الله يسلمك من كل شر اخوي القطري ..
بالنسبه للمصروف من 200 الى 300 غير السكن ؟
ميزانية السكن حوالي 400 ريال بما يعادل 80 الى 85 باوند تقريبا .. اذا ممكن الاقي شي مناسب وقريب من الهايد بارك بهالسعر ..
وكيف الجو في منتصف شهر 4 غالبا .. هل ناخذ ملابس شتويه او لا .؟

الشامخ2010
هلا وغلا الغالي
اي نعم هالمصروف من غير السكن ولكن بدلع عمرك فيه
وهذولا فندقين وكلهم سكنتهم من قبل ..بالنسبه للفندق الثاني هو أغلى ب 15 باوند لكنه معروف أكثر من الاول ..لوا خيرتني باخذ الاول لعدة اسباب أنه أرخص + النت مجاني ..
https://www.booking.com/hotel/gb/shaftesbury-townhouse-paddington.html?aid=1300939
وهذا الفندق الثاني ( ثيستل ماربل أرتش )
https://www.booking.com/hotel/gb/thistlemarblearch.html?aid=1300939
والجو بارد ولازم اتجيب معك جاكيت ..وأحلى وقت حق لندن هو شهر 4 + شهر 10
وأي خدمه احنا تحت امرك الغالي

الله يعطيك العافيه .. والله خجلتني ..
طيب كيف اطلع من المطار للفندق .؟ بتاكسي او غيره ..
وماهي الاشياء المهمه بلندن اللي ممكن ازورها خلال 3 ايام .؟ واذا ممكن عطني برنامج للثلاثة ايام على مزاجك ..( لاتنسى نادي تشلسي والارسنال )
وبعد لندن انا بطلع لمانشستر و برايك اروح لأي منهم قبل وماهي وسائل النقل المناسبه لهم .؟
وادري ازعجتك لكن لك من الدعاء والف الف شكر

والله اك صادق يا اخوي (من اهل الرياض)ياحبي للقطري راعي فزعات جعله يسلم0 والله اذا سال احد ادري ان القطري بيساعده ويجاوب ولا يهينون الباقين لاكن القطري ما مثله0ترى انا اتابع من زمان لاكن خلف الكواليس0

الشامخ2010
وينك يااستاذنا القطري ..؟ ادري ازعجتك يالغالي بس تحملني

المشكله زي لندن ودك تقعد فيها شهر على الاقل علبال ماتلحق الي تبي .. لكن فعلا كويس ان الواحد يحاول يعرف الأفضل هناك ..
من خلال بحثي شفت عين لندن .. شي عجيب صراحة وبإذن الله رايح لها
برصو متحف الشموع شي حلو

الشامخ2010
السلام عليكم
هلا وغلا الغالي واعذرني على التأخير كنت شغال في تقرير هولندا وانتهينا منه ول الله الحمد
ومافي أي ازعاج الغالي واحنا اهنا لخدمة الي مثلكم وشرواكم
إذا كان عددكم فوق2 فأفضل مواصلات هي شركة الميني كاب وراح اتكلفكم من المطار لين الفندق 35 باوند
وهذا عنوانهم
http://www.milesfaster.co.uk/prices.htm
AIRLINE CAR SERVICE
A London P.C.O Registered Company.
Licence Number: 00338/01/01
Phone:+44 20 7433 3330
Fax:+44 20 7794 1780
وهذا الموضوع للجدول السياحي https://artravelers.com/p/re/257584
ونادي الأرسنال وتشيلسي فخصص لهم يوم بروحهم ..
اما اي مدينه الاول لندن او مانشستر فهذا يعتمد على المكان الي بترجع منه لبلادك ..
إذا كانت الرجعه من مانشستر فخل لندن الاول والعكس صحيح ..
والمحطه الي تطلع من لندن على مانشستر هي محطة هيوستن وكل ماحجزت بدري كل ماكان ارخص وافضل
واي خدمه احنا تحت امرك الغالي واكرر اعتذاري على التأخير