أم شيخة ، راعية بانكوك وكل الأعضاء الحلوين الطيبين اللي كما عهدناهم ما يقصرون
مطلوب تحطون لي برنامج حلو تاريخ السفر 15/8/2006 والعودة 31/8/2006
بنروح بانكوك وشانغ ماي وبوكيت بس محتارة كيف أوزع الأيام
وين أروح وخصوصاً معاي أطفال ( 4 و 7 سنوات ) وإشلون أونسهم
دلوني على الفنادق الحلوة ( 4 أو 5 نجوم ) في المناطق اللي ذكرتها
أرغب بمعرفة الأسواق الزينة واماكن التمشيات والمطاعم الحلال طبعاً لأن الأكل الكويتي والمجابيس :36_11_15: راح أوله عليها وايد
أشلون أحجز حق بوكيت وشانغ ماي ( أي أفضل الحجز من الكويت أو من تايلند ) وإذا فيه مكان تعرفونه أحجز منه للرحلات الداخلية دلوني عليه الله يخليكم .
كأني مصختها كتبت مجلد حياتي ، سامحوني بس أبي أروح أتونس :36_2_65: :36_2_65:
تحياتي لكم جميعاً :36_3_9: :36_3_9: :36_3_9: :36_3_9: :36_3_9: :36_3_9: :36_3_9:
لا تفشلوني قلت حق زوجي أحجز وما عليك وأنا من أخواني الأعضاء ما راح يقصرون معانا راح تدلونا على كل شي الله يخليكم تراني بشبع طنازة منه إذا ما ساعدتوني ؟؟؟؟؟؟؟؟؟؟