- ثانيا أشكر جميع الاخوان اللي قاموا بمساعدتي بتخطيط رحلتي الاوربية ..
- فكرة الرحلة
- تخطيط الرحلة
بسم الله الرحمن الرحيم
السلام عليكم ورحمة الله وبركاته
اخواني واخواتي الاعزاء ..
اولا الف شكل لجميع من ساهم في ابداء تقاريره الرائعة في هذا المنتدى والتي تساعد جميع الاعضاء اللذين يرغبون في عمل رحلات سياحية لأغلبية مدن العالم ..
ثانيا أشكر جميع الاخوان اللي قاموا بمساعدتي بتخطيط رحلتي الاوربية ..
فكرة الرحلة
طبعا بالنسبة للسفر انا من عشاق السفر لجميع دول العالم .. بما ان الوالد الله يحفظة يعمل في وزارة الخارجية .. فكل 4 سنوات او سنتين نكون في دولة غير من دول العالم .. وقمت انا من بداية حياتي بالسفر لعدة مدن منها لندن ==> اللي انودلت فيها
بعدها امريكا .. المكسيك .. سوريا .. سويسرا .. فرنسا .. المانيا .. الامارات .. ايطاليا وغيرها..
طبعا الحمد لله الله وفقني وتخرجت من الجامعة قبل سنتين واكيد اول شي اسويه اني تزوجت ولله الحمد من 4 أشهر ..
وطبعا كنت كل ما اروح بلد واشوف اثنين متزوجين .. اقول يلا بكرة اكبر ان شاء الله واروح انا وزوجتي ===> لا يكثر انت واحلامك بس لول
المهم طبعا شهر العسل كنت مرة محتار وين اقضيه .. قلت مالي الا ماليزيا يمدحونها كل الناس .. والحمد لله رحنا وانبسطنا .. وبصراحة ما قمت بتصوير صور عادية .. كلها خاصة .. ولا كان سويت لكم تقرير عليها ==> طيب وش نسويك يعني
طبعا بعدها زواجي ب 3 شهور قمت اخطط على رحلتي اللي كنت انتظرها طول عمري .. الا وهي زيارة اوربا انا وزوجتي عشان احقق حلم الطفولة ===> الا على طاري الطفولة يا زينها بس مين يرجعني لو يوم واحد طفل ..
تخطيط الرحلة
طبعا بحكم خبرتي بالنت وكل شي عن النت .. حتى اني كنت اصمم مواقع وانا عمري 15 سنة طبعا كهواية وخليناها عمل اضافي بعدين ..
المهم ما علينا .. طبعا اول شي للتخطيط كان استخراج فيزا التشنجن .. طبعا انا لدي اقامة اوربية بحكم ان الوالد الان هو القائم باعمال السفارة في ايطاليا .. فاكيد عندي اقامة اوربية .. تم فقط استراج فيزا لزوجتي بمدة 3 ايام ===> كيف الواسطة بس لوول
ثانيا تخطيط الحجز للرحة عبر خطوطنا المحبوبة ..
تم حجز مقعدين على درجة رجال الأعمال بمبلغ 7530 للشخص .. وتم الحجز بتاريخ 1 اكتوير والعودة في 15 اكتوبر
تقسيم الرحلة
طبعا تم تقسيم الايام كالتالي
اولا ايطاليا .. من ا الى 4 اكتوبر
اول يومين طبعا زيارة الاهل .. ثالث يوم زيارة فينيسا .. واليوم الرابع زيارة جزيرة كابري
ثانيا .. سويسرا .. من 5 الى 9 اكتوير
اول يوم في جنيف .. بعدها الانتقال الى انترلاكن ومنها الى بيرن
ثالثا باريس .. من 9 الى 12 اكتوبر
اول يوم وصول للرحة .. ثاني يوم زيارة عامة .. ثالث يوم زيارة ديزني لاند ..
اخير ايطاليا مرة اخرة من 12 الى 15
تمشية عامة مع الاهل..
طبعا صارت معانا امور خارجة عن ارادتنا اللي نكدت علينا رحلتنا .. بس بصراحة انبسطنا اكثر ما تنكدنا ولله الحمد .. طبعا بالنسبة للفنادق بذكرها في وقتها
تجهيزات الرحلة الضرورية
طبعا كما تعرفون تم تجهيز جميع الاشياء الضرورية ابتداءا من الادوية الازمة نهاية بالادوات والملابس اللي حنستخدمها خلال رحلتنا ..
طبعا لا ننسى حجز الفنادق من الموقع المشهور Booking.com وتم حجز فنادق غير اللي كنا نبيها لان قمنا بالحجز بوقت متاخر جدا قبل السفرة بيومين .. واخذنا معظم الفنادق باسعار عالية عن المعتاد ..
والاهم حجز سيارة من مطار جنيف من شركة AVIS وكانت السيارة من نوع مرسيدس B200 2009 مع نافيقيشن وكانت تكلفة حجز السيارة لمدة 4 ايام + تامين شامل + رسوم لان العمر اقل من 25 سنة .. 2650 ريال
واهم شي بالرحة مرافقتي المحبوبة كامير من نوع Canon 450D
حسيت اني طولت عليكم بالمقدمة .. ان شاء الله التقرير بنزله بشكل يومي .. لكل يوم قضيناه في كل بلد ..
أولا طبعا الذهاب لمطار الملك خالد الدولي واللحاق بالطائرة اللي وصلنالها متاخرين
والان حبدا بتقديم الصور ابتداءا من الطائرة الى نهاية الرحلة ان شاء الله ..
طبعا كم ذكرت سابقا ان الرحلة كانت على درجة رجال الاعمال .. طبعا انا بحط لكم صورة الرجعة من روما الى الرياض .. لان صور الذهاب من الرياض الى روما له قصة وحذكرها لكم لاحقا ان شاء الله
طبعا كان مخطط الرحلة الرياض - جدة - روما ..
وهذي صور من داخل الطائرة .. طبعا تم السفر على الطائرة الجديدة اللي كراسيها تصير سرير
صورة المنيو اللي قدموه لنا
وهذي صورة للكراسي
التحكم بالكرسي
ريموت التحكم بالشاشة
طبعا بعدنها جابولنا السماعات
وتم تشغيل احد الافلام والاستمتاع فيها طول الرحلة
صورة من المقبلات
الوجبة الرئيسية
وهذا الحلى يمي
الى هنا ساترككم لاقوم بتجهيز بقية التقرير ان شاء الله .. انتظروني وانتظروا المفاجات الحلوة والغير حلوة ==> لا يا شيخ
في نهاية كل تقرير يومي ساقوم بوضع معلومات عن الاسعار والايجابيات والسلبيات لكل فندق وكل مكان توجهنا اليه
في نهاية التقرير ان شاء الله ساقوم بوضع سلبيات وايجابيات الرحلة عموما والتكلفة الاجمالية للرحلة
أخوكم الصغير بندر
