تنور قطر الغالي وسفره سعيده أن شاء الله
انصك روح الستي سنتر اول ماتوصل وستمتع في المجمع من المحلات الراقيه و المطاعم
وبعدين روح سوق واقف كمل السهره في القهاوي المميزه ومن بعدها على المطار بيكون قريب منك
من سوق واقف وبتوفيق الغالي
وهاذا ىموقع سوق واقف ممكن تاخذ فكره عنه
http://www..com/

مااعتقد يمديك حبيبي تروح مكان
مكان واحد اعتقد يكون جيد
روح يبه فندق الماريوت قريب المطار وتعشى فيه والمكان حلو وراقي ومميز واللوبي جدا@ رائع ,,,
بس لا تروح مول وتتأخر ,,,
تطير عنك الطياره ,,,

أأيد كلام أخوي qatar3333
وأهم شئ ؛؛ لا تتأخر عن المطار ؛ حدك الساعة 11.30 المساء
لأنه عندك البوردينغ جاهز
تروح وترد بالسلامة
فالك طيب

qatar3333
marcopolo_ku
الراايق
لكم جزيل الشكر ... ما قصرتوا

اتروح وترجع بسلامة
وان شاءالله تستمتع على الخوط القرية
ولاتسى التقارير
انا اقول تقدر اتروج مجمع فيلاجيو لان من المجمعات الحلوة صح هو مب قريب وايد بس بعد مب بعيد ويستاهل الزيارة تقدر اتروحله من الساعه 6 الين الساعه 7ونص او 8 وبعدها تطلع اتروح سوق واقف او اتروح مجمع الستي سنتر
ماتوقع ان يمديك اتزورهم الثلاثه انا رايي اتشوفلك مجمع تجاري وتقعد فيه ساعتين وبعدها تطلع لسوق واقف تقعد فيه ساعتين او اكثر تتمشى وتتعشى في المطاعم هناك واتشيش اذا انت مدخن وتستمع بلجوا
وبعدها اتروح المار وتاكد متى الاقلاع ولازم اتكون قبله بساعه ونص او ساعتين وحتى لو كان عندك البوردنق كارد حاول اتروح بدري تحسبا لاي ظرف ارى
واتروح وترجع بسلامه

حلو ومدلع
مشكور يا غالي
انا افضل اني اروح مكان واحد بس ... ما ابغى اتنقل كثير عشان معاي المدام وبنتي صغيرونة
يالله خبروني وين اقرب مجمع من المطار؟ بروح بصلي واخذ لي لفه فيه وبتعشى وبروح كوفي شوب فيه وبرجع المطار

ياخوك لاتوهق نفسك وراك سفر صحيح انت تشوف 7 ساعات وايد لكن دور لك مجمع قريب من المطار ولاتروح غيره
بالتوفيق
الاخوان ماقصروا

نصيحتي اتروح الستي سنتر لان هو كبير بحجمه وقريب من المطار
وفيه مدينة ملاهي علشان البنوته تلعب وفه قاعت سينما لو تبون تحظرون فلم ومن غير المطاعم والكوفي شوبات
هاي نصيحتي لك وتقدر اتقسم وقتك يعني رايي انك تتمشى في المجمع واتلعبون البنوته واتغيرون جو ولمى تجي الساعه على ال9 ونص او 10 لوحو سوق واقف تعشو اهناك وتمشو لان معظم المحلات والمطاعم يصكرون على الساعه 10
اما بسوق واقف اتحصلهم فاتحين واتمنى تقضي وقت ممتع
وكلهم حوالين المطار لان المطار على طول عنده سوق واقف وبعد الستي سنتر في الجهة المقابلة من الكورنيش
احنا مطارنا يعتبر مع المدينة يعني مو بعيد مثل الدولة الثانية
اتمنى اني ساعتك ولو بلقليل
واذا عندك اي سؤال اسال وانا بجاوبك
تحياتي

الغالي في مجمع قريب قريب من المطار خمس دقايق بسياره
فيه مطاعم وسينما وفيه قاعه العاب للأطفال وكوفيهات ومحلات حلوه وراقيه
اسمه (( مجمع المول )) ونصحك بزيارته لقربه من المطار
وبتوفيق أن شاء الله