ابونواس
27-11-2022 - 11:42 pm
مساكم سعيد جميعا اخواني واخواتي
قدر الله علي ههه وين قاعد الاخ في المسجد
من جد اخواني انا في ورطة نويت ان شاء الله السفر لاندونيسيا عبر الخطوط السيرلنكية
الذهاب دمام كولمبو والتوقف ساعة وتغير الطائرة ثم المغادرة الى جاكرتا الى هنا الامور تمام التمام
لكن المشكلة في العودة جاكرتا كولمبو والوصول تقريبا السادسة مساء بتوقيت كولومبو ثم رحلتي المغادرة للدمام في مساءاليوم التالي السادسة والنصف تقريبا يعني راح انلطع في سيرلنكا يوم كامل ونصف ساعة فماادري وش الحل والسكن رفضوا الخطوط لان النظام لابد ان يكون اقل من اربع وعشرين ساعة حتى احصل على فندق عن طريق الخطوط
من منكم مر بحالتي هذي وماهي النصائح اللي توجهوها لي علما اني لم ازر سيرلنكا ابدا ولا اعرف شيء عنها
لا احد يقول لي فرصة تتعرف عليها المشكلة مو هنا انا ماراح اقعد كم يوم هي كلها اربع وعشرين ساعة ونصف وش النظام المتبع في مثل حالتي ووين اروح وهل علي فيزة ولا لا وكيف اطلع من المطار ووين اروح وكيف اصرف و الخ الخ اسئلة كثير بخاطري حاسس اني متورط
ياليت تفزعون لي وترشدوني بالتفصيل الممل وياليت يكون عن واقع خبرة ارجوكم عجلوا علي بالرد الرحلة بقى عليها ايام قلائل جدا
اخوكم ابو نواس - الدمام كتبه في ليلة الاربعاء 21 - 4 - 1433 ه
انا مريت بحالتك قبل شهر بالضبط بس كانت باختياري الشخصي
كنت راد من سنغافوره وقعدت بسريلانكا يوم ترانزيت من غير فيزا
كل ما عليك تعبي استماره الدخول وترفقها بالجواز واكتب فيها اسم الفندق الي حاجز فيه حق اليوم هذا وحتى لو بعدك مو حاجز حط اسم اي فندق عادي
ويمكن يقوم الموظف يسوي نفسه فاهم عليك ويقولك وين الفيزا وانت راح تقعد يوم وكذا
طنشه وعانده قوله لا مافي فيزا لاني ترانزيت ما يصير نفس ما سويت انا
وراح تدخل عادي بس كل ما عليك انك تحجز فندق سواءا بالنت او من المطار نفسه حق ليله
وولا يهمك ترا سريلانكا حلوه وتستحق انك تقضي فيها يوم وشعبها طيب وودود بعد
موفق ان شاء الله